ਅਦਾਕਾਰ ਅਨੁਪਮ ਖੇਰ ਦੇ ਕਰੀਬੀ ਦਾ ਹੋਇਆ ਦਿਹਾਂਤ, ਇਮੋਸ਼ਨਲ ਵੀਡੀਓ ਕੀਤਾ ਸਾਝਾਂ
Thursday, Aug 01, 2024 - 03:34 PM (IST)
ਮੁੰਬਈ- ਅਦਾਕਾਰ ਅਨੁਪਮ ਖੇਸ ਇਸ ਸਮੇਂ ਬਹੁਤ ਸਦਮੇ 'ਚ ਹਨ। ਅਦਾਕਾਰ ਦੇ ਬਹੁਤ ਹੀ ਕਰੀਬੀ ਵਿਅਕਤੀ ਦਾ ਦਿਹਾਂਤ ਹੋ ਗਿਆ ਹੈ। ਇਸ ਦੀ ਜਾਣਕਾਰੀ ਦਿੰਦੇ ਹੋਏ ਉਨ੍ਹਾਂ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਕ ਵੀਡੀਓ ਸ਼ੇਅਰ ਕਰਕੇ ਆਪਣਾ ਦੁੱਖ ਸਾਂਝਾ ਕੀਤਾ ਹੈ। ਦਰਅਸਲ ਅਨੁਪਮ ਖੇਰ ਨੇ ਆਪਣਾ ਚਾਰਟਰਡ ਅਕਾਊਂਟੈਂਟ ਗੁਆ ਦਿੱਤਾ ਹੈ, ਜਿਸ ਦੇ ਜਾਣ ਨਾਲ ਉਨ੍ਹਾਂ ਨੂੰ ਵੱਡਾ ਝਟਕਾ ਲੱਗਾ ਹੈ। ਉਸ ਨੇ ਦੱਸਿਆ ਕਿ ਇਹ ਉਸ ਲਈ ਨਿੱਜੀ ਘਾਟਾ ਹੈ, ਕਿਉਂਕਿ ਸੀ.ਏ. ਨਾਲ ਉਸ ਦਾ ਸਬੰਧ 40 ਸਾਲ ਪੁਰਾਣਾ ਸੀ।
ਅਨੁਪਮ ਖੇਰ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ, 'ਪਾਠਕ ਸਾਹਿਬ ਮਹਾਨ, ਤੁਸੀਂ ਲੋਕ ਪਾਠਕ ਸਾਹਿਬ ਨੂੰ ਨਹੀਂ ਜਾਣਦੇ। ਉਹ ਪਿਛਲੇ 40 ਸਾਲਾਂ ਤੋਂ ਮੇਰਾ ਚਾਰਟਰਡ ਅਕਾਊਂਟੈਂਟ ਸੀ। ਕੱਲ੍ਹ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ ਅਤੇ ਇਹ ਮੇਰੇ ਲਈ ਇੱਕ ਯੁੱਗ ਦਾ ਅੰਤ ਸੀ। ਯੁੱਗ- ਇਮਾਨਦਾਰੀ, ਸਾਦਗੀ, ਅਨੁਸ਼ਾਸਨ ਦਾ। ਪਾਠਕ ਸਾਹਬ ਨੇ ਮੈਨੂੰ ਸਿਖਾਇਆ ਕਿ ਕਿਵੇਂ ਸਫਲ ਰਹਿਣਾ ਹੈ ਅਤੇ ਹੋਰ ਬਹੁਤ ਸਾਰੀਆਂ ਚੀਜ਼ਾਂ। ਵੀਡੀਓ ਲੰਬੀ ਹੈ ਪਰ ਅੰਤ ਤੱਕ ਦੇਖਣ ਦੀ ਕੋਸ਼ਿਸ਼ ਕਰੋ।
ਅਦਾਕਾਰ ਨੇ ਅੱਗੇ ਲਿਖਿਆ, 'ਇਹ ਉਨ੍ਹਾਂ ਨੂੰ ਮੇਰੀ ਸ਼ਰਧਾਂਜਲੀ ਹੈ! ਪਾਠਕ ਸਾਹਿਬ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹੋਏ ਉਹਨਾਂ ਤੋਂ ਮਿਲੀ ਸਾਰੀ ਸਿੱਖਿਆ ਲਈ ਉਹਨਾਂ ਨੇ ਮੈਨੂੰ ਜੀਵਨ ਦੀਆਂ ਕਦਰਾਂ-ਕੀਮਤਾਂ ਮੁਫਤ 'ਚ ਸਮਝਾਈਆਂ। ਪਾਠਕ ਜਨਾਬ, ਮੈਂ ਤੁਹਾਨੂੰ ਅਤੇ ਤੁਹਾਡੀ ਝਿੜਕ ਨੂੰ ਬਹੁਤ ਯਾਦ ਕਰਾਂਗਾ! ਓਮ ਸ਼ਾਂਤੀ'!ਵੀਡੀਓ 'ਚ ਅਨੁਪਮ ਖੇਰ ਇਹ ਕਹਿੰਦੇ ਹੋਏ ਨਜ਼ਰ ਆ ਰਹੇ ਹਨ ਕਿ ਜਦੋਂ ਉਹ ਮੇਰੇ ਨਾਲ ਜੁੜੇ ਤਾਂ ਉਨ੍ਹਾਂ ਨੇ ਮੈਨੂੰ ਕਿਹਾ ਸੀ ਕਿ ਮੈਂ ਤੁਹਾਡੇ ਨਾਲ ਉਦੋਂ ਹੀ ਕੰਮ ਕਰਾਂਗਾ ਜਦੋਂ ਤੁਸੀਂ ਵਾਅਦਾ ਕਰੋਗੇ ਕਿ ਤੁਸੀਂ ਹਮੇਸ਼ਾ ਈਮਾਨਦਾਰ ਰਹੋਗੇ। ਸਫਲਤਾ ਹਾਸਲ ਕਰਨ ਤੋਂ ਬਾਅਦ ਵੀ ਉਹ ਇਮਾਨਦਾਰੀ ਨੂੰ ਨਹੀਂ ਭੁੱਲੇਗਾ ਅਤੇ ਮੈਂ ਉਸ ਨਾਲ ਇਹ ਵਾਅਦਾ ਕੀਤਾ ਸੀ।
