ਆਮਿਰ ਖ਼ਾਨ ਲਈ ਰਾਮਬਾਣ ਸਾਬਿਤ ਹੋਇਆ ਕਪਿਲ ਦਾ ਸ਼ੋਅ, ਦੂਰ ਹੋਈ ''ਮਿਸਟਰ ਪਰਫੈਕਸ਼ਨਿਸਟ'' ਦੀ ਇਹ ਗੰਭੀਰ ਬਿਮਾਰੀ

ਮੁੰਬਈ(ਬਿਊਰੋ) : ਬਾਲੀਵੁੱਡ ਦੇ 'ਮਿਸਟਰ ਪਰਫੈਕਸ਼ਨਿਸਟ' ਆਮਿਰ ਖ਼ਾਨ ਨੇ 'ਕਾਮੇਡੀ ਕਿੰਗ' ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਪਹਿਲੀ ਵਾਰ ਆਪਣੀ ਮੌਜੂਦਗੀ ਦਰਜ ਕਰਵਾਈ। ਫਿਲਹਾਲ ਕਪਿਲ ਸ਼ਰਮਾ ਦਾ ਸ਼ੋਅ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਦੇ ਨਾਂ ਨਾਲ ਨੈੱਟਫਲਿਕਸ 'ਤੇ ਸਟ੍ਰੀਮ ਕਰ ਰਿਹਾ ਹੈ, ਜਿਸ ਦੇ ਹਾਲ ਹੀ ਦੇ ਐਪੀਸੋਡ 'ਚ ਆਮਿਰ ਖ਼ਾਨ ਮਹਿਮਾਨ ਦੇ ਤੌਰ 'ਤੇ ਪਹੁੰਚੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਆਪਣੀ ਨਿੱਜੀ ਅਤੇ ਪੇਸ਼ੇਵਰ ਜ਼ਿੰਦਗੀ ਨਾਲ ਜੁੜੀਆਂ ਕਈ ਗੱਲਾਂ ਸਾਂਝੀਆਂ ਕੀਤੀਆਂ। ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਇੱਕ ਸਮਾਂ ਸੀ ਜਦੋਂ ਉਹ ਡਿਪਰੈਸ਼ਨ 'ਚ ਸੀ ਅਤੇ ਬਿਲਕੁਲ ਠੀਕ ਮਹਿਸੂਸ ਨਹੀਂ ਕਰ ਰਿਹਾ ਸੀ। ਉਦੋਂ ਉਹ ਕਪਿਲ ਸ਼ਰਮਾ ਦਾ ਸ਼ੋਅ ਦੇਖਦੇ ਸਨ।

ਇਸ ਵਜ੍ਹਾ ਕਾਰਨ ਪਹੁੰਚੇ ਕਪਿਲ ਦੇ ਸ਼ੋਅ 'ਚ ਆਮਿਰ ਖ਼ਾਨ
'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' ਦੇ ਹਾਲ ਹੀ ਦੇ ਐਪੀਸੋਡ 'ਚ ਆਮਿਰ ਖ਼ਾਨ ਨੇ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੂੰ ਆਪਣੇ ਔਖੇ ਸਮੇਂ 'ਚ ਕਪਿਲ ਸ਼ਰਮਾ ਦੀ ਕਾਮੇਡੀ ਤੋਂ ਸਕੂਨ ਮਿਲਿਆ ਹੈ। ਅਦਾਕਾਰ ਨੇ ਆਪਣੀਆਂ ਹਾਲੀਆ ਫ਼ਿਲਮਾਂ, ਐਵਾਰਡ ਸ਼ੋਅਜ਼ ਅਤੇ ਆਪਣੇ ਬੱਚਿਆਂ ਬਾਰੇ ਕਈ ਖੁਲਾਸੇ ਕੀਤੇ। ਪਹਿਲੀ ਵਾਰ ਆਮਿਰ ਖ਼ਾਨ ਕਪਿਲ ਸ਼ਰਮਾ ਦੇ ਨੈੱਟਫਲਿਕਸ ਸ਼ੋਅ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' 'ਚ ਇੱਕ ਮਹਿਮਾਨ ਦੇ ਰੂਪ 'ਚ ਦਿਖਾਈ ਦਿੱਤੇ, ਜਿੱਥੇ ਉਨ੍ਹਾਂ ਨੇ ਖੁਲਾਸਾ ਕੀਤਾ ਕਿ ਉਨ੍ਹਾਂ ਨੇ ਸ਼ੋਅ 'ਚ ਆਉਣ ਦਾ ਫੈਸਲਾ ਕੀਤਾ ਕਿਉਂਕਿ ਇਸ ਸ਼ੋਅ ਨੇ ਉਨ੍ਹਾਂ ਦੀ ਉਦਾਸੀ ਨੂੰ ਦੂਰ ਕਰਨ 'ਚ ਮਦਦ ਕੀਤੀ।

ਡਿਪ੍ਰੈਸ਼ਨ 'ਚੋਂ ਨਿਕਲਣ 'ਚ ਕੀਤੀ ਮਦਦ
ਆਮਿਰ ਖ਼ਾਨ ਨੇ ਦੱਸਿਆ ਕਿ ਪਿਛਲੇ ਦੋ ਤੋਂ ਢਾਈ ਸਾਲ ਉਨ੍ਹਾਂ ਲਈ ਬਹੁਤ ਮੁਸ਼ਕਿਲ ਰਹੇ ਹਨ। ਕਪਿਲ ਸ਼ਰਮਾ ਦੀ ਕਾਮੇਡੀ ਨੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਬੁਰੇ ਦਿਨਾਂ 'ਚ ਕਾਫੀ ਮਦਦ ਕੀਤੀ ਅਤੇ ਡਿਪ੍ਰੈਸ਼ਨ 'ਚੋਂ ਬਾਹਰ ਨਿਕਲਣ 'ਚ ਕਾਫੀ ਮਦਦ ਕੀਤੀ। ਉਸ ਨੇ ਕਿਹਾ, ''11 ਸਾਲ ਹੋ ਗਏ ਹਨ ਪਰ ਮੈਂ ਪਹਿਲੀ ਵਾਰ ਕਪਿਲ ਦੇ ਸ਼ੋਅ 'ਤੇ ਆਇਆ ਹਾਂ ਕਿਉਂਕਿ ਮੇਰੇ ਪਿਛਲੇ ਢਾਈ ਸਾਲ ਬਹੁਤ ਮੁਸ਼ਕਿਲ ਰਹੇ ਹਨ, ਮੈਂ ਬੁਰੇ ਭਾਵਨਾਤਮਕ ਦੌਰ 'ਚੋਂ ਲੰਘ ਰਿਹਾ ਸੀ।''

'ਲਾਹੌਰ 1947' ਨਾਲ ਕਰਨਗੇ ਵੱਡੇ ਪਰਦੇ 'ਤੇ ਵਾਪਸੀ
ਇਸ ਦੌਰਾਨ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਆਮਿਰ ਆਰ ਐੱਸ ਪ੍ਰਸੰਨਾ ਦੀ 'ਸਿਤਾਰੇ ਜ਼ਮੀਨ ਪਰ' ਅਤੇ ਰਾਜਕੁਮਾਰ ਸੰਤੋਸ਼ੀ ਦੀ 'ਲਾਹੌਰ 1947' ਨਾਲ ਵਾਪਸੀ ਦੀ ਤਿਆਰੀ ਕਰ ਰਹੇ ਹਨ। ਪਹਿਲੀ ਫ਼ਿਲਮ 'ਚ ਉਹ ਜੇਨੇਲੀਆ ਡਿਸੂਜ਼ਾ ਨਾਲ ਸਕ੍ਰੀਨ ਸ਼ੇਅਰ ਕਰੇਗੀ। 'ਲਾਹੌਰ 1947' 'ਚ ਸੰਨੀ ਦਿਓਲ ਮੁੱਖ ਭੂਮਿਕਾ 'ਚ ਹਨ। ਦੋਵਾਂ ਫ਼ਿਲਮਾਂ 'ਤੇ ਜਲਦ ਹੀ ਕੰਮ ਸ਼ੁਰੂ ਹੋ ਜਾਵੇਗਾ।