ਸਾਲ 2021 ਇਨ੍ਹਾਂ ਕਲਾਕਾਰਾਂ ਲਈ ਰਿਹੈ ਖ਼ਾਸ, ਬੱਝੇ ਵਿਆਹ ਦੇ ਬੰਧਨ 'ਚ ਤੇ ਆਏ ਚਰਚਾ 'ਚ (ਵੇਖੋ ਤਸਵੀਰਾਂ)

ਮੁੰਬਈ- ਸਾਲ 2021 ਖਤਮ ਹੋਣ 'ਚ ਕੁਝ ਹੀ ਦਿਨ ਬਾਕੀ ਰਹਿ ਗਏ ਹਨ। ਹਰ ਕੋਈ ਨਵੀਂਆਂ ਉਮੀਦਾਂ ਅਤੇ ਨਵੇਂ ਵਾਦਿਆਂ ਦੇ ਨਾਲ ਨਵੇਂ ਸਾਲ ਦੀ ਸ਼ੁਰੂਆਤ ਕਰੇਗਾ। 2021 ਦੀ ਹੁਣ ਤੱਕ ਦੀ ਝਲਕ ਦੇਖੀਆਂ ਤਾਂ ਇਸ ਸਾਲ ਕਈ ਸਿਤਾਰਿਆਂ ਨੂੰ ਉਨ੍ਹਾਂ ਦਾ ਹਮਸਫ਼ਰ ਮਿਲਿਆ। ਫਿਲਮਾਂ ਅਤੇ ਟੀਵੀ ਦੇ ਕਈ ਸਿਤਾਰੇ ਆਪਣੇ ਪਾਰਟਨਰ ਨਾਲ ਵਿਆਹ ਰਚਾ ਕੇ ਇਨ੍ਹੀਂ ਦਿਨੀਂ ਖੁਸ਼ੀ ਨਾਲ ਆਪਣੀ ਜ਼ਿੰਦਗੀ ਬਤੀਤ ਕਰ ਰਹੇ ਹਨ। ਤਾਂ ਆਓ ਜਾਣਦੇ ਹਾਂ ਸਾਲ 2021 'ਚ ਕਿਹੜੇ-ਕਿਹੜੇ ਸਿਤਾਰਿਆਂ ਨੂੰ ਉਨ੍ਹਾਂ ਦਾ ਜੀਵਨ ਸਾਥੀ ਮਿਲਿਆ...

ਵਰੁਣ ਧਵਨ ਤੇ ਨਤਾਸ਼ਾ ਦਲਾਲ
ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਵਰੁਣ ਧਵਨ 24 ਜਨਵਰੀ ਨੂੰ ਆਪਣੀ ਬਚਪਨ ਦੀ ਦੋਸਤ ਨਤਾਸ਼ਾ ਦਲਾਲ ਨਾਲ ਸੱਤ ਜਨਮਾਂ ਲਈ ਵਿਆਹ ਦੇ ਬੰਧਨ 'ਚ ਬੱਝੇ। ਉਨ੍ਹਾਂ ਨੇ ਆਪਣੇ ਵਿਆਹ ਨੂੰ ਪੂਰੀ ਤਰ੍ਹਾਂ ਨਾਲ ਪ੍ਰਾਈਵੇਟ ਰੱਖਿਆ। ਕੋਰੋਨਾ ਦੌਰਾਨ ਸੁਰੱਖਿਆ ਨੂੰ ਧਿਆਨ 'ਚ ਰੱਖਦੇ ਹੋਏ ਵਿਆਹ 'ਚ ਸਿਰਫ਼ 50 ਮਹਿਮਾਨਾਂ ਨੂੰ ਹੀ ਸ਼ਾਮਲ ਕੀਤਾ ਗਿਆ।

ਦੀਆ ਮਿਰਜ਼ਾ ਤੇ ਵੈਭਵ ਰੇਖੀ
ਦੀਆ ਮਿਰਜ਼ਾ ਤੇ ਵੈਭਵ ਰੇਖੀ ਨੇ 15 ਫਰਵਰੀ ਨੂੰ ਵਿਆਹ ਰਚਾਇਆ। ਦੀਆ ਦੇ ਪਤੀ ਵੈਭਵ ਅਦਾਕਾਰਾ ਨਾਲ ਵਿਆਹ ਕਰਨ ਤੋਂ ਪਹਿਲੇ ਸ਼ਾਦੀਸ਼ੁਦਾ ਸਨ। ਵੈਭਵ ਦੇ ਪਹਿਲੇ ਵਿਆਹ 'ਚੋਂ ਇਕ ਧੀ ਹੈ। ਉਧਰ ਵੈਭਵ ਨਾਲ ਵਿਆਹ ਤੋਂ ਬਾਅਦ ਦੀਆ ਨੇ ਪੁੱਤਰ ਨੂੰ ਜਨਮ ਦਿੱਤਾ। ਹੁਣ ਇਹ ਜੋੜਾ ਪਰਿਵਾਰ ਨਾਲ ਹੈਪੀ ਟਾਈਮ ਸਪੈਂਡ ਕਰ ਰਿਹਾ ਹੈ।

ਐਵਲਿਨ ਸ਼ਰਮਾ ਤੇ ਤੁਸ਼ਾਨ ਭਿੰਡੀ 
ਅਦਾਕਾਰਾ ਐਵਲਿਨ ਸ਼ਰਮਾ ਨੇ ਆਪਣੇ ਪ੍ਰੇਮੀ ਤੁਸ਼ਾਨ ਭਿੰਡੀ ਨਾਲ 15 ਮਈ ਨੂੰ ਵਿਆਹ ਕਰਵਾ ਲਿਆ। ਇਹ ਵਿਆਹ ਆਸਟ੍ਰੇਲੀਆ 'ਚ ਕ੍ਰਿਸ਼ਚਨ ਰੀਤੀ ਰਿਵਾਜ਼ ਨਾਲ ਹੋਇਆ। ਦੱਸ ਦਈਏ ਕਿ ਐਵਲਿਨ ਸ਼ਰਮਾ 'ਸਾਹੋ', 'ਯੇ ਜਵਾਨੀ ਹੈ ਦੀਵਾਨੀ' ਵਰਗੀਆਂ ਕਈ ਫ਼ਿਲਮਾਂ 'ਚ ਅਦਾਕਾਰੀ ਦੇ ਜਲਵੇ ਬਿਖੇਰ ਚੁੱਕੀ ਹੈ।

ਯਾਮੀ ਗੌਤਮ ਤੇ ਆਦਿੱਤਿਯ ਧਰ
ਅਦਾਕਾਰਾ ਯਾਮੀ ਗੌਮਤਮ ਨੇ 'ਉਰੀ: ਦਿ ਸਰਜ਼ੀਕਲ ਸਟਰਾਈਕ' ਦੇ ਨਿਰਦੇਸ਼ਕ ਆਦਿੱਤਿਯ ਧਰ ਨਾਲ ਜੂਨ 'ਚ ਵਿਆਹ ਰਚਾਇਆ। ਜੋੜੇ ਦਾ ਵਿਆਹ ਹਿਮਾਚਲ ਪ੍ਰਦੇਸ਼ 'ਚ ਹੋਇਆ। ਆਪਣੇ ਵਿਆਹ ਦੀ ਜਾਣਕਾਰੀ ਅਦਾਕਾਰ ਨੇ ਸੋਸ਼ਲ ਮੀਡੀਆ 'ਤੇ ਤਸਵੀਰ ਸਾਂਝੀ ਕਰਕੇ ਦਿੱਤੀ ਸੀ। 

ਰਾਹੁਲ ਵੈਦਿਆ ਤੇ ਦਿਸ਼ਾ ਪਰਮਾਰ
'ਬਿੱਗ ਬੌਸ' ਫੇਮ ਰਾਹੁਲ ਵੈਦਿਆ ਅਤੇ ਅਦਾਕਾਰਾ ਦਿਸ਼ਾ ਪਰਮਾਰ 16 ਜੁਲਾਈ ਨੂੰ ਮੁੰਬਈ 'ਚ ਵਿਆਹ ਦੇ ਬੰਧਨ 'ਚ ਬੱਝੇ। ਇਸ ਜੋੜੇ ਨੇ ਪਰਿਵਾਰ ਅਤੇ ਕਰੀਬੀ ਦੋਸਤਾਂ ਦੀ ਮੌਜੂਦਗੀ 'ਚ ਰਸਮੀ ਹਿੰਦੂ ਰੀਤੀ-ਰਿਵਾਜ਼ ਨਾਲ ਵਿਆਹ ਕੀਤਾ। ਦਿਸ਼ਾ ਲਾਲ ਜੋੜੇ 'ਚ ਲਾੜੀ ਬਣੀ ਕਾਫੀ ਖੂਬਸੂਰਤ ਲੱਗ ਰਹੀ ਸੀ ਜਦ ਕਿ ਰਾਹੁਲ ਕਰੀਮ ਰੰਗ ਦੀ ਸ਼ੇਰਵਾਨੀ 'ਚ ਪਰਫੈਕਟ ਗਰੂਮ ਲੱਗੇ।

ਰੀਆ ਕਪੂਰ ਤੇ ਕਰਨ ਭੁਲਾਨੀ
14 ਅਗਸਤ ਨੂੰ ਵਿਆਹ ਦੇ ਬੰਧਨ 'ਚ ਬੱਝੀ ਅਨਿਲ ਕਪੂਰ ਦੀ ਛੋਟੀ ਧੀ ਅਤੇ ਸੋਨਮ ਕਪੂਰ ਦੀ ਭੈਣ ਰੀਆ ਕਪੂਰ ਆਪਣੇ ਵਿਆਹ ਨੂੰ ਲੈ ਕੇ ਕਾਫੀ ਚਰਚਾ 'ਚ ਰਹੀ। ਲੰਬੇ ਸਮੇਂ ਤੱਕ ਡੇਟਿੰਗ ਕਰਨ ਤੋਂ ਬਾਅਦ ਰੀਆ ਨੇ ਅਚਾਨਕ ਪ੍ਰੇਮੀ ਕਰਨ ਭੁਲਾਨੀ ਨਾਲ ਵਿਆਹ ਕਰਵਾ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਦੋਵਾਂ ਦੇ ਵਿਆਹ 'ਚ ਕੁਝ ਕਰੀਬੀ ਰਿਸ਼ਤੇਦਾਰ ਤੇ ਖ਼ਾਸ ਦੋਸਤ ਹੀ ਮੌਜੂਦ ਸਨ।

ਸ਼ਰਧਾ ਆਰੀਆ ਤੇ ਰਾਹੁਲ ਨਾਗਲ
ਅਦਾਕਾਰਾ ਸ਼ਰਧਾ ਆਰੀਆ ਦਾ ਵਿਆਹ ਵੀ ਟੀਵੀ ਇੰਡਸਟਰੀ ਦੇ ਮਹਿੰਗੇ ਵਿਆਹਾਂ ਵਾਲੀ ਲਿਸਟ 'ਚ ਸ਼ਾਮਲ ਹੈ। 17 ਨਵੰਬਰ ਨੂੰ ਅਦਾਕਾਰਾ ਨੇ ਬਿਜਨੈੱਸਮੈਨ ਰਾਹੁਲ ਨਾਗਲ ਨਾਲ ਸੱਤ ਫੇਰੇ ਲਏ। ਆਪਣੇ ਵਿਆਹ 'ਚ ਸ਼ਰਧਾ ਨੇ ਖੂਬ ਧਮਾਲ ਮਚਾਇਆ ਅਤੇ ਉਨ੍ਹਾਂ ਦੇ ਦੋਸਤਾਂ ਨੇ ਵੀ ਅਦਾਕਾਰਾ ਦੇ ਵਿਆਹ 'ਚ ਖੂਬ ਮਸਤੀ ਕੀਤੀ।

ਪੱਤਰਲੇਖਾ ਤੇ ਰਾਜਕੁਮਾਰ ਰਾਓ
ਅਦਾਕਾਰ ਰਾਜਕੁਮਾਰ ਰਾਓ ਤੇ ਪੱਤਰਲੇਖਾ ਪਾਲ ਨੇ ਵੀ ਆਪਣੇ ਵਿਆਹ ਨੂੰ ਸ਼ੋਰ-ਸ਼ਰਾਬੇ ਤੋਂ ਦੂਰ ਰੱਖਿਆ ਅਤੇ ਚੰਡੀਗੜ੍ਹ 'ਚ ਕਰੀਬੀ ਦੋਸਤਾਂ ਤੇ ਪਰਿਵਾਰ ਦੀ ਮੌਜੂਦਗੀ ਵਿਚਾਲੇ ਸੱਤ ਫੇਰੇ ਲਈ। ਕਰੀਬ 10 ਸਾਲ ਤੱਕ ਇਕ ਦੂਜੇ ਨੂੰ ਡੇਟ ਕਰਨ ਤੋਂ ਬਾਅਦ ਇਹ ਜੋੜਾ 15 ਨਵੰਬਰ ਨੂੰ ਆਫਿਸ਼ਿਅਲੀ ਇਕ-ਦੂਜੇ ਦਾ ਹੋ ਗਿਆ। 

ਕੈਟਰੀਨਾ ਕੈਫ ਤੇ ਵਿੱਕੀ ਕੌਸ਼ਲ
ਅਦਾਕਾਰਾ ਕੈਟਰੀਨਾ ਕੈਫ ਤੇ ਵਿੱਕੀ ਕੌਸ਼ਲ ਦਾ ਵਿਆਹ ਬਾਲੀਵੁੱਡ ਦੀਆਂ ਗ੍ਰੈਂਡ ਵੈਡਿੰਗਾਂ 'ਚੋਂ ਇਕ ਹੈ, ਜਿਸ 'ਚ ਕਰੋੜਾਂ ਦੇ ਹਿਸਾਬ ਨਾਲ ਪੈਸੇ ਖਰਚ ਹੋਏ। ਕੈਟਰੀਨਾ-ਵਿੱਕੀ ਨੇ 9 ਦਸੰਬਰ ਨੂੰ ਦਿ ਸਿਕਸ ਸੈਂਸ ਫੋਰਟ ਬਰਵਾੜਾ 'ਚ ਕਰੀਬੀ ਪਰਿਵਾਰ ਤੇ ਦੋਸਤਾਂ ਦੀ ਮੌਜੂਦਗੀ 'ਚ ਹਿੰਦੂ ਰੀਤੀ-ਰਿਵਾਜ਼ ਅਨੁਸਾਰ ਵਿਆਹ ਕਰਵਾਇਆ। ਵਿਆਹ ਤੋਂ ਕਈ ਦਿਨ ਪਹਿਲੇ ਅਤੇ ਕਾਫੀ ਦਿਨ ਬਾਅਦ 'ਚ ਇਹ ਜੋੜਾ ਚਰਚਾ 'ਚ ਬਣਿਆ ਰਿਹਾ।

ਅੰਕਿਤਾ ਲੋਖੰਡੇ ਤੇ ਵਿੱਕੀ ਜੈਨ
ਮਸ਼ਹੂਰ ਅਦਾਕਾਰਾ ਅੰਕਿਤਾ ਲੋਖੰਡੇ 14 ਦਸੰਬਰ ਨੂੰ ਆਪਣੇ ਪ੍ਰੇਮੀ ਵਿੱਕੀ ਜੈਨ ਨਾਲ ਵਿਆਹ ਦੇ ਬੰਧਨ 'ਚ ਬੱਝੀ। ਵਿਆਹ 'ਤੇ ਅੰਕਿਤਾ ਨੇ ਆਪਣੇ ਸਾਰੇ ਸ਼ੌਂਕ ਪੂਰੇ ਕੀਤੇ। ਵਿਆਹ ਕਾਫੀ ਧੂਮਧਾਮ ਨਾਲ ਹੋਇਆ ਜਿਸ 'ਚ ਉਨ੍ਹਾਂ ਦੇ ਕਈ ਦੋਸਤ ਅਤੇ ਕਰੀਬੀ ਸ਼ਾਮਲ ਹੋਏ। ਜੋੜੇ ਦੇ ਵਿਆਹ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਨੇ ਕਾਫੀ ਦਿਨਾਂ ਤੱਕ ਪ੍ਰਸ਼ੰਸਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚੇ ਰੱਖਿਆ।