''ਟੌਕਸਿਕ: ਏ ਫੇਅਰੀਟੇਲ ਫਾਰ ਗ੍ਰੋਨ-ਅਪਸ'': ਰਾਕਿੰਗ ਸਟਾਰ ਯਸ਼ ਨੇ ਖੋਲ੍ਹੇ ਫਿਲਮ ਦੀ ਕਹਾਣੀ ਤੇ ਐਕਸ਼ਨ ਦੇ ਰਾਜ਼

ਮੁੰਬਈ (ਏਜੰਸੀ) : ਦੱਖਣ ਭਾਰਤੀ ਸਿਨੇਮਾ ਦੇ ਸੁਪਰਸਟਾਰ ਯਸ਼ ਨੇ ਆਪਣੀ ਅਗਲੀ ਵੱਡੀ ਫਿਲਮ 'ਟੌਕਸਿਕ: ਏ ਫੇਅਰੀਟੇਲ ਫਾਰ ਗ੍ਰੋਨ-ਅਪਸ' 'ਤੇ ਗੱਲ ਕੀਤੀ ਹੈ। ਹਾਲ ਹੀ ਵਿੱਚ ਯਸ਼ ਨੇ ਇਸ ਫਿਲਮ ਦੇ ਸਕੇਲ, ਐਕਸ਼ਨ ਅਤੇ ਇਸ ਦੇ ਪਿੱਛੇ ਦੀ ਡੂੰਘੀ ਫਿਲਾਸਫੀ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ।

ਯਸ਼ ਦਾ ਕਹਿਣਾ ਹੈ ਕਿ ਜਦੋਂ ਫਿਲਮ ਦਾ ਪੱਧਰ ਵੱਡਾ ਹੋਵੇ, ਤਾਂ ਹਰ ਸੀਨ ਵਿੱਚ ਕੁਝ ਵੱਖਰਾ ਹੋਣਾ ਚਾਹੀਦਾ ਹੈ। ਉਨ੍ਹਾਂ ਮੁਤਾਬਕ, "ਫਿਲਮ ਦੇ ਹਰ ਸੀਨ ਵਿੱਚ ਵੱਖਰਾ ਸਟਾਈਲ ਅਤੇ ਫਲੇਵਰ ਹੋਣਾ ਜ਼ਰੂਰੀ ਹੈ। ਮੇਰੇ ਲਈ ਐਕਸ਼ਨ ਸਿਰਫ ਸਟੰਟਬਾਜ਼ੀ ਨਹੀਂ ਹੈ, ਸਗੋਂ ਇਹ ਇੱਕ ਅਜਿਹਾ ਅਨੁਭਵ ਹੋਣਾ ਚਾਹੀਦਾ ਹੈ ਜਿਸ ਨੂੰ ਦਰਸ਼ਕ ਮਹਿਸੂਸ ਕਰ ਸਕਣ। ਜਦੋਂ ਐਕਸ਼ਨ ਅਜਿਹਾ ਹੋਵੇ ਕਿ ਹੱਡੀਆਂ ਟੁੱਟਣ ਦਾ ਦਰਦ ਪਰਦੇ ਦੇ ਸਾਹਮਣੇ ਬੈਠੇ ਦਰਸ਼ਕ ਨੂੰ ਮਹਿਸੂਸ ਹੋਵੇ, ਉਦੋਂ ਹੀ ਸਿਨੇਮਾ ਦਾ ਅਸਲੀ ਮਜ਼ਾ ਆਉਂਦਾ ਹੈ।"

ਯਸ਼ ਨੇ ਕਿਹਾ ਕਿ 'ਟੌਕਸਿਕ' ਸਿਰਫ ਗੋਲੀਬਾਰੀ ਜਾਂ ਐਕਸ਼ਨ ਦਾ ਤਮਾਸ਼ਾ ਨਹੀਂ ਹੈ, ਸਗੋਂ ਇਹ ਭਾਵਨਾਵਾਂ ਦੀ ਇੱਕ ਡੂੰਘੀ ਕਹਾਣੀ ਹੈ। ਉਨ੍ਹਾਂ ਕਿਹਾ, "ਅਸੀਂ ਫਿਲਮਾਂ ਇਸ ਲਈ ਦੇਖਦੇ ਹਾਂ ਕਿਉਂਕਿ ਅਸੀਂ ਆਪਣੀ ਅਸਲ ਜ਼ਿੰਦਗੀ ਵਿੱਚ ਹਰ ਤਰ੍ਹਾਂ ਦੇ ਅਨੁਭਵ ਨਹੀਂ ਜੀ ਸਕਦੇ। ਫਿਲਮ ਰਾਹੀਂ ਅਸੀਂ ਕਿਸੇ ਹੋਰ ਦੀ ਜ਼ਿੰਦਗੀ ਜਿਊਂਦੇ ਹਾਂ, ਉਨ੍ਹਾਂ ਦੇ ਸੰਘਰਸ਼ ਅਤੇ ਦਰਦ ਨੂੰ ਸਮਝਦੇ ਹਾਂ।" ਇਸ ਫਿਲਮ ਵਿੱਚ ਇਨਸਾਨੀ ਸੁਭਾਅ ਦੇ ਸਭ ਤੋਂ ਹਨੇਰੇ ਅਤੇ ਗੁੰਝਲਦਾਰ ਪਹਿਲੂਆਂ ਨੂੰ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਗੀਤੂ ਮੋਹਨਦਾਸ ਦੁਆਰਾ ਨਿਰਦੇਸ਼ਤ, ਇਸ ਫਿਲਮ ਵਿੱਚ ਨਯਨਤਾਰਾ, ਕਿਆਰਾ ਅਡਵਾਨੀ, ਹੁਮਾ ਕੁਰੈਸ਼ੀ, ਰੁਕਮਣੀ ਵਸੰਤ, ਅਤੇ ਤਾਰਾ ਸੁਤਾਰੀਆ ਵਰਗੇ ਦਮਦਾਰ ਕਲਾਕਾਰ ਨਜ਼ਰ ਆਉਣਗੇ ਹਨ। ਟੌਕਸਿਕ 4 ਜੂਨ 2026 ਨੂੰ ਰਿਲੀਜ਼ ਹੋਣ ਵਾਲੀ ਹੈ।