''ਰਾਹੁ ਕੇਤੂ'' ਦਾ ਧਮਾਕੇਦਾਰ ਟੀਜ਼ਰ ਰਿਲੀਜ਼, ਇਸ ਦਿਨ ਰਿਲੀਜ਼ ਹੋਵੇਗੀ ਪੁਲਕਿਤ ਦੀ ਇਹ ਫਿਲਮ

ਮੁੰਬਈ- ਜ਼ੀ ਸਟੂਡੀਓਜ਼ ਅਤੇ ਸੂਰਜ ਸਿੰਘ ਦੀ ਬੀ ਲਾਈਵ ਪ੍ਰੋਡਕਸ਼ਨਜ਼ ਨੇ ਅੱਜ ਆਪਣੀ ਆਉਣ ਵਾਲੀ ਫਿਲਮ 'ਰਾਹੁ ਕੇਤੂ' ਦਾ ਟੀਜ਼ਰ ਰਿਲੀਜ਼ ਕਰ ਦਿੱਤਾ ਹੈ। ਇਹ ਟੀਜ਼ਰ ਫਿਲਮ ਦੀ ਬੇਹੱਦ ਓਰੀਜਨਲ, ਕੌਸਮਿਕ ਅਤੇ ਕਾਮਿਕ ਦੁਨੀਆ ਦੀ ਪਹਿਲੀ ਝਲਕ ਪੇਸ਼ ਕਰਦਾ ਹੈ।ਫਿਲਮ 'ਰਾਹੁ ਕੇਤੂ' ਦਾ ਟੀਜ਼ਰ ਜੋਤਿਸ਼ ਅਫਰਾ-ਤਫਰੀ, ਲੋਕ-ਕਥਾਵਾਂ ਤੋਂ ਪ੍ਰੇਰਿਤ ਟਵਿਸਟ ਅਤੇ ਭਰਪੂਰ ਮਨੋਰੰਜਨ ਨਾਲ ਭਰਪੂਰ ਹੈ। ਇਹ ਟੀਜ਼ਰ ਉਸ ਮਾਹੌਲ ਨੂੰ ਸੈੱਟ ਕਰਦਾ ਹੈ, ਜਿੱਥੇ ਕਿਸਮਤ ਸਭ ਤੋਂ ਮਜ਼ੇਦਾਰ ਮੋੜ ਲੈਂਦੀ ਨਜ਼ਰ ਆਉਂਦੀ ਹੈ।
ਪੁਲਕਿਤ ਸਮਰਾਟ ਅਤੇ ਵਰੁਣ ਸ਼ਰਮਾ ਦੀ ਜੋੜੀ
ਟੀਜ਼ਰ ਵਿੱਚ ਬਾਲੀਵੁੱਡ ਅਦਾਕਾਰ ਪੁਲਕਿਤ ਸਮਰਾਟ ਆਪਣੀ ਦਮਦਾਰ ਸਕ੍ਰੀਨ ਪ੍ਰੈਜੈਂਸ ਨਾਲ ਦਰਸ਼ਕਾਂ ਨੂੰ ਲੁਭਾਉਂਦੇ ਨਜ਼ਰ ਆ ਰਹੇ ਹਨ। 'ਫੁਕਰੇ' ਤੋਂ ਬਾਅਦ ਇੱਕ ਵਾਰ ਫਿਰ ਵਰੁਣ ਸ਼ਰਮਾ ਨਾਲ ਨਜ਼ਰ ਆਉਣ ਵਾਲੀ ਇਹ ਜੋੜੀ ਫਿਲਮ ਵਿੱਚ ਮੁੱਖ ਕਿਰਦਾਰਾਂ ਰਾਹੁ ਅਤੇ ਕੇਤੂ ਦੀ ਭੂਮਿਕਾ ਵਿੱਚ ਦਿਖਾਈ ਦੇਵੇਗੀ। ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦਾ ਇਹ ਅੰਦਾਜ਼ ਪਾਗਲਪਨ, ਸ਼ਰਾਰਤ ਅਤੇ ਕੌਸਮਿਕ ਕਨਫਿਊਜ਼ਨ ਨਾਲ ਭਰਪੂਰ ਹੋਵੇਗਾ।

ਪੁਲਕਿਤ ਸਮਰਾਟ ਨੇ ਦੱਸਿਆ 'ਰੋਮਾਂਚਕ ਪ੍ਰੋਜੈਕਟ'
ਫਿਲਮ ਬਾਰੇ ਗੱਲ ਕਰਦੇ ਹੋਏ ਅਦਾਕਾਰ ਪੁਲਕਿਤ ਸਮਰਾਟ ਨੇ ਕਿਹਾ ਕਿ ‘ਰਾਹੁ ਕੇਤੂ’ ਉਨ੍ਹਾਂ ਦੇ ਸਭ ਤੋਂ ਰੋਮਾਂਚਕ ਪ੍ਰੋਜੈਕਟਾਂ ਵਿੱਚੋਂ ਇੱਕ ਹੈ। ਉਨ੍ਹਾਂ ਨੇ ਇਸਨੂੰ "ਬੇਹੱਦ ਓਰੀਜਨਲ ਅਤੇ ਕੌਸਮਿਕ ਪਾਗਲਪਨ" ਨਾਲ ਭਰੀ ਫਿਲਮ ਦੱਸਿਆ। ਪੁਲਕਿਤ ਨੇ ਨਿਰਦੇਸ਼ਕ ਵਿਪੁਲ ਵਿਗ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਇੰਨੀ ਸਪੱਸ਼ਟਤਾ ਅਤੇ ਆਤਮ ਵਿਸ਼ਵਾਸ ਨਾਲ ਨਿਰਦੇਸ਼ਨ ਕਰਦੇ ਦੇਖਣਾ ਪ੍ਰੇਰਨਾਦਾਇਕ ਸੀ। ਉਨ੍ਹਾਂ ਨੇ ਜ਼ੀ ਸਟੂਡੀਓਜ਼ ਅਤੇ ਬੀ ਲਾਈਵ ਪ੍ਰੋਡਕਸ਼ਨਜ਼ ਦੇ ਸਮਰਥਨ ਦੀ ਵੀ ਸ਼ਲਾਘਾ ਕੀਤੀ, ਜਿਸ ਕਾਰਨ ਇਹ ਸਫ਼ਰ ਯਾਦਗਾਰ ਬਣਿਆ। ਉਨ੍ਹਾਂ ਨੇ ਕਿਹਾ, “ਮੈਂ ਸੱਚਮੁੱਚ ਇੰਤਜ਼ਾਰ ਕਰ ਰਿਹਾ ਹਾਂ ਕਿ ਦਰਸ਼ਕ ਸਾਡੀ ਬਣਾਈ ਇਸ ਦੁਨੀਆ ਦਾ ਅਨੁਭਵ ਕਰਨ”।
ਹੋਰ ਮੁੱਖ ਕਲਾਕਾਰ
ਵਿਪੁਲ ਵਿਗ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਇਹ ਫਿਲਮ ਪੌਰਾਣਿਕਤਾ ਨੂੰ ਆਧੁਨਿਕ ਹਾਸੇ ਨਾਲ ਜੋੜਦੀ ਹੈ। ਟੀਜ਼ਰ ਵਿੱਚ ਪੀਯੂਸ਼ ਮਿਸ਼ਰਾ ਦੇ ਰਹੱਸਮਈ ਕਿਰਦਾਰ ਅਤੇ ਸ਼ਾਲਿਨੀ ਪਾਂਡੇ ਦੀਆਂ ਦਿਲਚਸਪ ਝਲਕੀਆਂ ਵੀ ਦਿਖਾਈ ਦਿੰਦੀਆਂ ਹਨ। ਫਿਲਮ ਵਿੱਚ ਚੰਕੀ ਪਾਂਡੇ, ਅਮਿਤ ਸਿਆਲ ਅਤੇ ਮਨੂਰਿਸ਼ੀ ਚੱਢਾ ਵਰਗੇ ਪ੍ਰਤਿਭਾਸ਼ਾਲੀ ਕਲਾਕਾਰ ਵੀ ਸ਼ਾਮਲ ਹਨ। ਜ਼ੀ ਸਟੂਡੀਓਜ਼ ਦੁਆਰਾ ਪੇਸ਼ ਕੀਤੀ ਗਈ ਇਹ ਫਿਲਮ ਇੱਕ ਅਨੋਖਾ, ਆਸਮਾਨੀ ਕਾਮਿਕ ਅਨੁਭਵ ਦੇਣ ਦਾ ਵਾਅਦਾ ਕਰਦੀ ਹੈ। ਫਿਲਮ 'ਰਾਹੁ ਕੇਤੂ' 16 ਜਨਵਰੀ 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।