ਯੂਨੀਅਨ ਬੈਂਕ ਆਫ ਇੰਡੀਆ ''ਚ ਵੱਖ-ਵੱਖ ਅਹੁਦਿਆਂ ''ਤੇ ਨਿਕਲੀ ਭਰਤੀ, ਜਲਦ ਕਰੋ ਅਪਲਾਈ
01/25/2023 12:00:38 PM
ਨਵੀਂ ਦਿੱਲੀ- ਯੂਨੀਅਨ ਬੈਂਕ ਆਫ ਇੰਡੀਆ ਨੇ ਸਪੈਸ਼ਲਿਸਟ ਅਫ਼ਸਰ (SO) ਦੇ ਅਹੁਦਿਆਂ 'ਤੇ ਭਰਤੀ ਲਈ ਯੋਗ ਉਮੀਦਵਾਰਾਂ ਤੋਂ ਅਰਜ਼ੀਆਂ ਮੰਗੀਆਂ ਹਨ। ਦਿਲਚਸਪੀ ਰੱਖਣ ਵਾਲੇ ਉਮੀਦਵਾਰ UBI ਦੀ ਅਧਿਕਾਰਤ ਵੈੱਬਸਾਈਟ unionbankofindia.co.in 'ਤੇ ਜਾ ਕੇ ਆਨਲਾਈਨ ਮੋਡ ਰਾਹੀਂ ਅਰਜ਼ੀ ਦੇ ਸਕਦੇ ਹਨ। ਇਸ ਭਰਤੀ ਮੁਹਿੰਮ ਰਾਹੀਂ ਕੁੱਲ 42 ਅਸਾਮੀਆਂ ਭਰੀਆਂ ਜਾਣਗੀਆਂ। ਰਜਿਸਟ੍ਰੇਸ਼ਨ ਪ੍ਰਕਿਰਿਆ 23 ਜਨਵਰੀ ਨੂੰ ਸ਼ੁਰੂ ਹੋਈ ਸੀ ਅਤੇ ਅਰਜ਼ੀ ਫੀਸ ਜਮ੍ਹਾ ਕਰਨ ਦੀ ਆਖ਼ਰੀ ਮਿਤੀ 12 ਫਰਵਰੀ, 2023 ਹੈ।
ਅਸਾਮੀਆਂ ਦੇ ਵੇਰਵੇ
- ਚੀਫ਼ ਮੈਨੇਜਰ (ਚਾਰਟਰਡ ਅਕਾਊਂਟੈਂਟ): 3 ਅਸਾਮੀਆਂ
- ਸੀਨੀਅਰ ਮੈਨੇਜਰ (ਕ੍ਰੈਡਿਟ ਅਫਸਰ): 34 ਅਸਾਮੀਆਂ
- ਮੈਨੇਜਰ (ਕ੍ਰੈਡਿਟ ਅਫਸਰ): 5 ਅਸਾਮੀਆਂ
- ਕੁੱਲ: 42 ਅਸਾਮੀਆਂ
ਚੋਣ ਪ੍ਰਕਿਰਿਆ
ਉਮੀਦਵਾਰਾਂ ਦੀ ਗਿਣਤੀ ਦੇ ਆਧਾਰ 'ਤੇ ਚੋਣ ਪ੍ਰਕਿਰਿਆ ਵਿੱਚ ਆਨਲਾਈਨ ਪ੍ਰੀਖਿਆ, ਗਰੁੱਪ ਚਰਚਾ ਜਾਂ ਨਿੱਜੀ ਇੰਟਰਵਿਊ ਆਯੋਜਿਤ ਕੀਤੇ ਜਾ ਸਕਦੇ ਹਨ। ਉਮੀਦਵਾਰਾਂ ਨੂੰ ਕੱਟ-ਆਫ ਸਕੋਰ ਦੇ ਆਧਾਰ 'ਤੇ ਆਨਲਾਈਨ ਟੈਸਟ/ਗਰੁੱਪ ਚਰਚਾ ਲਈ ਕੁਆਲੀਫਾਈ ਕਰਨਾ ਪਵੇਗਾ।
ਵਿਦਿਅਕ ਯੋਗਤਾ
ਵੱਖ-ਵੱਖ ਅਹੁਦਿਆਂ ਦੇ ਹਿਸਾਬ ਨਾਲ ਵਿੱਦਿਅਕ ਯੋਗਤਾ ਵੀ ਵੱਖ-ਵੱਖ ਤੈਅ ਕੀਤੀ ਗਈ ਹੈ। ਵਧੇਰੇ ਜਾਣਕਾਰੀ ਲਈ ਉਮੀਦਵਾਰ ਨੋਟੀਫਿਕੇਸ਼ਨ ਵੇਖਣ।
ਅਰਜ਼ੀ ਫ਼ੀਸ
ਅਣਰਾਖਵੀਂ ਸ਼੍ਰੇਣੀ ਲਈ 850/- ਰੁਪਏ ਅਤੇ ਰਾਖਵੀਂ ਸ਼੍ਰੇਣੀ ਦੇ ਉਮੀਦਵਾਰਾਂ ਲਈ ਅਰਜ਼ੀ ਫ਼ੀਸ 150/- ਰੁਪਏ ਤੈਅ ਕੀਤੀ ਗਈ ਹੈ।
ਅਧਿਕਾਰਤ ਨੋਟੀਫਿਕੇਸ਼ਨ ਦੇਖਣ ਲਈ ਇੱਥੇ ਕਲਿੱਕ ਕਰੋ।
