NIT ਜਲੰਧਰ ਵਿਖੇ ਐਮਰਜੈਂਸੀ ਤਿਆਰੀ ''ਤੇ ਪੰਜ ਰੋਜ਼ਾ ਸ਼ਾਰਟ ਟਰਮ ਕੋਰਸ ਸਫਲਤਾਪੂਰਵਕ ਜਾਰੀ

ਜਲੰਧਰ: ਡਾ. ਬੀ. ਆਰ. ਅੰਬੇਡਕਰ ਨੈਸ਼ਨਲ ਇੰਸਟੀਚਿਊਟ ਆਫ ਟੈਕਨਾਲੋਜੀ (NIT), ਜਲੰਧਰ ਵਿਖੇ 'ਐਮਰਜੈਂਸੀ ਪ੍ਰਿਪੇਅਰਡਨੈੱਸ' (ਐਮਰਜੈਂਸੀ ਦੀਆਂ ਤਿਆਰੀਆਂ) ਵਿਸ਼ੇ 'ਤੇ ਆਯੋਜਿਤ ਪੰਜ ਰੋਜ਼ਾ ਸ਼ੋਰਟ ਟਰਮ ਕੋਰਸ (STC) ਆਪਣੇ ਚੌਥੇ ਦਿਨ ਦੀਆਂ ਗਤੀਵਿਧੀਆਂ ਨੂੰ ਸਫਲਤਾਪੂਰਵਕ ਪੂਰਾ ਕਰਦਿਆਂ ਅੰਤਿਮ ਪੜਾਅ ਵਿੱਚ ਪ੍ਰਵੇਸ਼ ਕਰ ਗਿਆ ਹੈ। ਇਹ ਪ੍ਰੋਗਰਾਮ ਸੰਸਥਾ ਦੇ ਡਾਇਰੈਕਟਰ ਡਾ. ਬੀ. ਕੇ. ਕਨੌਜੀਆ ਅਤੇ ਰਜਿਸਟਰਾਰ ਡਾ. ਅਜੇ ਬੰਸਲ ਦੀ ਅਗਵਾਈ ਹੇਠ ਡਾ. ਤਰੁਣ ਸਹਿਗਲ ਅਤੇ ਉਹਨਾਂ ਦੀ ਟੀਮ ਵੱਲੋਂ ਉਲੀਕਿਆ ਗਿਆ ਹੈ। ਕੋਰਸ ਦੇ ਚਾਰ ਦਿਨਾਂ ਦੌਰਾਨ ਵੱਖ-ਵੱਖ ਖੇਤਰਾਂ ਦੇ ਮਾਹਿਰਾਂ ਨੇ ਮਹੱਤਵਪੂਰਨ ਵਿਸ਼ਿਆਂ 'ਤੇ ਰੌਸ਼ਨੀ ਪਾਈ।

ਪਹਿਲੇ ਦਿਨ: ਡਾ. ਅਨੁਰਾਗ ਜੁਲਕਾ ਨੇ ਕੰਪਿਊਟਰ ਵਿਜ਼ਨ ਸਿੰਡਰੋਮ, ਡਾ. ਮਨਮੋਹਿਤ ਨੇ ਡੈਂਟਲ ਐਮਰਜੈਂਸੀ ਅਤੇ ਡਾ. ਵਿਭਵ ਨੇ ਫ੍ਰੈਕਚਰ ਤੇ ਸੁਰੱਖਿਅਤ ਆਵਾਜਾਈ ਬਾਰੇ ਜਾਣਕਾਰੀ ਦਿੱਤੀ। ਇਸ ਤੋਂ ਇਲਾਵਾ, ਡਾ. ਹਿਮਪ੍ਰੀਤ ਨੇ ਫਿਟਜ਼ ਤੇ ਸੀਜ਼ਰਸ 'ਤੇ ਚਾਨਣਾ ਪਾਇਆ, ਜਦੋਂ ਕਿ ਡਾ. ਗੁਰਪ੍ਰੀਤ ਕੌਰ ਅਤੇ ਪ੍ਰੋ. ਐਸ.ਕੇ. ਪਾਹੂਜਾ ਨੇ ਭਰੂਣ-ਮਾਤਾ ਨਿਗਰਾਨੀ (ਮੌਜੂਦਾ ਅਤੇ ਨਵੀਆਂ ਤਕਨੀਕਾਂ) 'ਤੇ ਧਿਆਨ ਕੇਂਦਰਿਤ ਕੀਤਾ।

ਦੂਜਾ ਤੇ ਤੀਜਾ ਦਿਨ : ਇਸ ਸਮੇਂ ਦੌਰਾਨ, ਡਾ. ਡਿੰਪਲ ਸ਼ਰਮਾ ਦੁਆਰਾ ਗਾਇਨੀਕੋਲੋਜੀਕਲ ਮਿੱਥਾਂ, ਡਾ. ਸਾਹਿਲ ਸਰੀਨ ਦੁਆਰਾ ਸ਼ੂਗਰ ਦੌਰਾਨ ਕੀ ਕਰੀਏ ਤੇ ਕੀ ਨਾ ਕਰੀਏ ਅਤੇ ਡਾ. ਨਿਪੁਣ ਮਹਾਜਨ ਦੁਆਰਾ ਛਾਤੀ ਦੇ ਦਰਦ ਦਾ ਮੁਲਾਂਕਣ ਵਰਗੇ ਵਿਸ਼ਿਆਂ 'ਤੇ ਭਾਸ਼ਣ ਦਿੱਤੇ ਗਏ। ਇਸ ਤੋਂ ਇਲਾਵਾ, ਡਾ. ਅਨੁਰਾਧਾ ਬਾਂਸਲ, ਡਾ. ਮੀਨਾਕਸ਼ੀ ਆਨੰਦ, ਅਤੇ ਡਾ. ਅਨੁਪਮਾ ਸਾਗਰ ਦੁਆਰਾ ਸੀਪੀਆਰ ਅਤੇ ਏਈਡੀ ਤਕਨੀਕਾਂ ਬਾਰੇ ਵਿਸਤ੍ਰਿਤ ਜਾਣਕਾਰੀ ਦੇ ਨਾਲ-ਨਾਲ ਵਿਹਾਰਕ ਸਿਖਲਾਈ ਪ੍ਰਦਾਨ ਕੀਤੀ ਗਈ।

ਚੌਥੇ ਦਿਨ ਪ੍ਰੋਫੈਸਰ ਐੱਸ.ਕੇ. ਪਾਹੂਜਾ ਦੀ ਅਗਵਾਈ ਹੇਠ ਈਸੀਜੀ ਅਤੇ ਈਈਜੀ ਵਿੱਚ ਸਰੀਰਕ ਸੰਕੇਤਾਂ ਦੇ ਵਿਸ਼ੇ 'ਤੇ ਇੱਕ ਸੈਸ਼ਨ ਨਾਲ ਸ਼ੁਰੂ ਹੋਇਆ। ਇਸ ਤੋਂ ਬਾਅਦ, ਡਾ. ਆਰੂਸ਼ੀ ਨੇ ਸਰਵਾਈਕਲ ਅਤੇ ਛਾਤੀ ਦੇ ਕੈਂਸਰ ਬਾਰੇ ਕੀਮਤੀ ਜਾਣਕਾਰੀ ਪ੍ਰਦਾਨ ਕੀਤੀ, ਜਦੋਂ ਕਿ ਡਾ. ਤਰੁਣ ਵੀਰ ਸਿੰਘ ਕੁਮਾਰ ਨੇ ਚਮੜੀ ਦੀਆਂ ਐਲਰਜੀਆਂ ਬਾਰੇ ਮੁੱਖ ਜਾਣਕਾਰੀ ਸਾਂਝੀ ਕੀਤੀ।

ਗਤੀਵਿਧੀਆਂ ਦੇ ਮੁੱਖ ਨੁਕਤੇ
• 250 ਤੋਂ ਵੱਧ ਹਾਜ਼ਰੀਨ ਦੀ ਸਰਗਰਮ ਹਿੱਸੇਦਾਰੀ
• 20 ਸੀਐੱਮਈ ਘੰਟਿਆਂ ਲਈ ਮਾਨਤਾ
• ਲੈਕਚਰਾਂ ਤੇ ਹੱਥੀਂ ਸਿਖਲਾਈ ਦਾ ਮਿਸ਼ਰਣ
• ਵਿਭਿੰਨ ਖੇਤਰਾਂ ਦੇ ਮਾਹਿਰਾਂ ਦੀ ਹਿੱਸੇਦਾਰੀ

ਚਾਰ ਦਿਨਾਂ ਦੀਆਂ ਸਫਲ ਅਤੇ ਭਰਪੂਰ ਗਤੀਵਿਧੀਆਂ ਤੋਂ ਬਾਅਦ, ਇਹ ਐੱਸਟੀਸੀ ਹੁਣ ਆਪਣੇ ਆਖਰੀ ਦਿਨ 'ਚ ਦਾਖਲ ਹੋ ਗਿਆ ਹੈ। ਇਸ ਪ੍ਰੋਗਰਾਮ ਨੇ ਹਿੱਸੇਦਾਰਾਂ ਦੇ ਵਿਸ਼ਵਾਸ ਅਤੇ ਐਮਰਜੈਂਸੀ ਸਥਿਤੀਆਂ ਨੂੰ ਸੰਭਾਲਣ ਦੀ ਉਨ੍ਹਾਂ ਦੀ ਸਮਰੱਥਾ 'ਚ ਕਾਫ਼ੀ ਵਾਧਾ ਕੀਤਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e