ਅੰਮ੍ਰਿਤਸਰ-ਜਲੰਧਰ ਸਿਟੀ ਵਿਚਕਾਰ ਨਵੀਂ ਪੈਸੇਂਜਰ ਟਰੇਨ ਚੱਲੇਗੀ ਕੱਲ੍ਹ ਤੋਂ

ਜਲੰਧਰ (ਗੁਲਸ਼ਨ)— ਰੇਲਵੇ ਵਿਭਾਗ ਨੇ ਅੰਮ੍ਰਿਤਸਰ-ਜਲੰਧਰ ਸਿਟੀ ਵਿਚਕਾਰ 4 ਮਹੀਨਿਆਂ ਲਈ ਇਕ ਨਵੀਂ ਦੈਨਿਕ ਪੈਸੇਂਜਰ ਟਰੇਨ ਚਲਾਉਣ ਦਾ ਫੈਸਲਾ ਕੀਤਾ ਹੈ। 18 ਜਨਵਰੀ ਤੋਂ ਚੱਲਣ ਜਾ ਰਹੀ ਅੰਮ੍ਰਿਤਸਰ-ਜਲੰਧਰ ਸਿਟੀ ਪੈਸੇਂਜਰ ਟਰੇਨ ਗਿਣਤੀ 54610 ਦੁਪਹਿਰ 12.15 ਵਜੇ ਅੰਮ੍ਰਿਤਸਰ ਰੇਲਵੇ ਸਟੇਸ਼ਨ ਤੋਂ ਚੱਲ ਕੇ 1.55 ਵਜੇ ਜਲੰਧਰ ਸਿਟੀ ਸਟੇਸ਼ਨ 'ਤੇ ਪਹੁੰਚੇਗੀ। 
7 ਜਨਰਲ ਸ਼੍ਰੇਣੀ ਅਤੇ 2 ਜਨਰਲ-ਕਮ-ਸਾਮਾਨਯਾਨ ਵਾਲੀ ਇਹ ਪੈਸੇਂਜਰ ਟਰੇਨ 54625 ਹੁਣ ਅੰਮ੍ਰਿਤਸਰ ਤੱਕ ਚੱਲੇਗੀ। ਜੈਜੋਂ ਦੋਆਬਾ ਤੋਂ ਸਵੇਰੇ 5 ਵਜੇ ਚੱਲਣ ਵਾਲੀ ਇਹ ਪੈਸੇਂਜਰ ਟਰੇਨ 8.15 ਵਜੇ ਜਲੰਧਰ ਪਹੁੰਚੇਗੀ ਅਤੇ ਇਥੋਂ 8.20 ਵਜੇ ਚੱਲ ਕੇ 11 ਵਜੇ ਅੰਮ੍ਰਿਤਸਰ ਪਹੁੰਚੇਗੀ। ਬਾਅਦ 'ਚ ਇਹ ਟਰੇਨ ਬਿਆਸ ਅਤੇ ਕਰਤਾਰਪੁਰ ਸਟੇਸ਼ਨ 'ਤੇ ਰੁਕੇਗੀ।