ਪੰਜਾਬ ਦੇ ਵਾਹਨ ਚਾਲਕਾਂ ਲਈ ਖੜ੍ਹੀ ਹੋਈ ਨਵੀਂ ਮੁਸੀਬਤ! ਟ੍ਰੈਫ਼ਿਕ ਚਾਲਾਨ ਕੱਟੇ ਜਾਣ ''ਤੇ...

ਜਲੰਧਰ (ਚੋਪੜਾ)- ਵਾਹਨ ਚਾਲਕਾਂ ਦੇ ਟ੍ਰੈਫ਼ਿਕ ਚਾਲਾਨ ਕੱਟੇ ਜਾਣ ਮਗਰੋਂ ਸੋਮਵਾਰ ਨੂੰ ਖੇਤਰੀ ਟਰਾਂਸਪੋਰਟ ਦਫ਼ਤਰ (RTO) ਵਿਖੇ ਚਾਲਾਨ ਭਰਨ ਆਏ ਡਰਾਈਵਰਾਂ ਨੂੰ ਉਸ ਸਮੇਂ ਵੱਡਾ ਝਟਕਾ ਲੱਗਾ ਜਦੋਂ ਵਿਭਾਗੀ ਸਾਈਟ ਪੂਰਾ ਦਿਨ ਬੰਦ ਰਹੀ ਅਤੇ ਕਿਸੇ ਦਾ ਚਾਲਾਨ ਵੀ ਨਹੀਂ ਕੱਟਿਆ ਜਾ ਸਕਿਆ। ਇਸ ਕਾਰਨ ਵੱਡੀ ਗਿਣਤੀ ਵਿਚ ਆਏ ਲੋਕ ਆਪਣੇ ਦਸਤਾਵੇਜ਼ਾਂ ਨਾਲ ਘੰਟਿਆਂਬੱਧੀ ਇੰਤਜ਼ਾਰ ਕਰਦੇ ਰਹੇ ਪਰ ਕੰਮ ਠੱਪ ਰਿਹਾ, ਜਦੋਂ ਦੁਪਹਿਰ ਇਕ ਵਜੇ ਤੱਕ ਕੋਈ ਹਰਕਤ ਨਾ ਵੇਖ ਕੇ ARTO  ਵਿਸ਼ਾਲ ਗੋਇਲ ਨੇ ਮੌਕੇ ’ਤੇ ਮੌਜੂਦ ਲੋਕਾਂ ਨੂੰ ਸਪੱਸ਼ਟ ਤੌਰ ’ਤੇ ਕਿਹਾ ਕਿ ਅੱਜ ਕੋਈ ਚਾਲਾਨ ਨਹੀਂ ਕੱਟਿਆ ਜਾਵੇਗਾ, ਉਹ ਕੱਲ ਆ ਕੇ ਕੋਸ਼ਿਸ਼ ਕਰਨ। ਇਸ ਤੋਂ ਨਿਰਾਸ਼ ਹੋ ਕੇ ਵਾਪਸ ਆਉਂਦੇ ਲੋਕ RTO ਦਫ਼ਤਰ ਦੇ ਸਿਸਟਮ ’ਤੇ ਸਵਾਲ ਉਠਾਉਂਦੇ ਦੇਖੇ ਗਏ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ 'ਚ ਅਸਮਾਨੋਂ ਵਰ੍ਹ ਰਹੀ ਅੱਗ! ਲੂ ਨੇ ਲਈ ਵਿਅਕਤੀ ਦੀ ਜਾਨ; ਪੜ੍ਹੋ ਆਪਣੇ ਸ਼ਹਿਰ ਦੇ ਮੌਸਮ ਦਾ ਹਾਲ

ਸੋਮਵਾਰ ਸਵੇਰੇ 9 ਵਜੇ ਤੋਂ ਹੀ ਵੱਡੀ ਗਿਣਤੀ ਵਿਚ ਡਰਾਈਵਰ ਆਪਣੇ ਟ੍ਰੈਫਿਕ ਚਾਲਾਨਾਂ ਦਾ ਨਿਪਟਾਰਾ ਕਰਨ ਲਈ RTO ਦਫ਼ਤਰ ਪਹੁੰਚਣੇ ਸ਼ੁਰੂ ਹੋ ਗਏ ਸਨ ਪਰ ਸਾਈਟ ਬੰਦ ਹੋਣ ਕਾਰਨ ਚਾਲਾਨਾਂ ਦਾ ਨਿਪਟਾਰਾ ਨਹੀਂ ਹੋ ਸਕਿਆ। ਲੋਕ ਕਾਫ਼ੀ ਦੇਰ ਤੱਕ ਇੰਤਜ਼ਾਰ ਕਰਦੇ ਰਹੇ ਕਿ ਆਖਰਕਾਰ ਸਾਈਟ ਖੁੱਲ੍ਹ ਜਾਵੇਗੀ ਅਤੇ ਉਹ ਚਾਲਾਨ ਦਾ ਭੁਗਤਾਨ ਕਰ ਕੇ ਆਪਣਾ ਕੰਮ ਨਿਪਟਾ ਸਕਣਗੇ।

ਲਗਭਗ 12 ਵਜੇ ਤੋਂ ਬਾਅਦ ARTO  ਵਿਸ਼ਾਲ ਗੋਇਲ ਨੇ ਮੌਜੂਦ ਲੋਕਾਂ ਨੂੰ ਦੱਸਿਆ ਕਿ ਵਿਭਾਗੀ ਵਾਹਨ ਸਾਈਟ ਕਿਸੇ ਤਕਨੀਕੀ ਕਾਰਨ ਕਰ ਕੇ ਬੰਦ ਹੈ ਅਤੇ ਚਾਲਾਨ ਦਾ ਨਿਪਟਾਰਾ ਅੱਜ ਸੰਭਵ ਨਹੀਂ ਹੋਵੇਗਾ। ਇਸ ਦੇ ਨਾਲ ਹੀ ਚਾਲਾਨ ਦੀਆਂ ਖਿੜਕੀਆਂ ’ਤੇ ਕੰਮ ਬੰਦ ਕਰਨ ਸਬੰਧੀ ਇਕ ਨੋਟਿਸ ਵੀ ਚਿਪਕਾਇਆ ਗਿਆ। ਇਸ ਨਾਲ ਲੋਕਾਂ ਵਿਚ ਗੁੱਸਾ ਪੈਦਾ ਹੋਇਆ ਕਿ ਉਹ ਦੂਰ-ਦੁਰਾਡੇ ਦੇ ਇਲਾਕਿਆਂ ਤੋਂ ਆਏ ਸਨ ਅਤੇ ਉਨ੍ਹਾਂ ਦਾ ਪੂਰਾ ਦਿਨ ਬਰਬਾਦ ਹੋ ਗਿਆ, ਫਿਰ ਵੀ ਚਾਲਾਨ ਦਾ ਜੁਰਮਾਨਾ ਨਹੀਂ ਭਰਿਆ ਜਾ ਸਕਿਆ ਅਤੇ ਨਿਪਟਾਰਾ ਨਹੀਂ ਹੋ ਸਕਿਆ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ 'ਚ ਮੀਂਹ ਨੂੰ ਲੈ ਕੇ ਵੱਡੀ ਅਪਡੇਟ! ਇੰਨੇ ਦਿਨ ਲੂ ਝੱਲਣ ਤੋਂ ਬਾਅਦ ਮਿਲੇਗੀ ਰਾਹਤ

RTO ਦੇ ਪ੍ਰਬੰਧਾਂ 'ਤੇ ਸਵਾਲ ਉਠਾਉਂਦੇ ਹੋਏ ਕਰਤਾਰਪੁਰ ਦੇ ਇਕ ਡਰਾਈਵਰ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ਮੈਂ ਸਵੇਰੇ 8 ਵਜੇ ਨਿਕਲਿਆ ਸੀ ਤਾਂ ਜੋ ਮੈਂ ਸਮੇਂ ਸਿਰ ਪਹੁੰਚ ਸਕਾਂ ਤੇ ਚਾਲਾਨ ਦਾ ਨਿਪਟਾਰਾ ਕਰ ਸਕਾਂ। ਮੈਂ ਇੱਥੇ ਪਹੁੰਚਣ ਤੋਂ ਬਾਅਦ ਘੰਟਿਆਂ ਤੱਕ ਇੰਤਜ਼ਾਰ ਕੀਤ ਪਰ ਨਾ ਤਾਂ ਕੋਈ ਠੋਸ ਜਾਣਕਾਰੀ ਦਿੱਤੀ ਗਈ ਤੇ ਨਾ ਹੀ ਕੋਈ ਪ੍ਰਬੰਧ ਕੀਤਾ ਗਿਆ। ਜੰਡੂਸਿੰਘਾ ਤੋਂ ਆਏ ਰਮੇਸ਼ ਕੁਮਾਰ ਨੇ ਕਿਹਾ ਕਿ ਜੇਕਰ ਸਾਈਟ ਕੰਮ ਨਹੀਂ ਕਰ ਰਹੀ ਸੀ ਤਾਂ ਮੁੱਖ ਦਫ਼ਤਰ ਨੂੰ ਇਸ ਬਾਰੇ ਪੁੱਛਗਿੱਛ ਕਰਨੀ ਚਾਹੀਦੀ ਸੀ ਤੇ ਸਮੇਂ ਸਿਰ ਜਾਣਕਾਰੀ ਦੇਣੀ ਚਾਹੀਦੀ ਸੀ।

RTO ਵਿਚ ਜਨਤਕ ਸੇਵਾ ਖਿੜਕੀ ਵੀ ਅੱਧੀ ਬੰਦ ਹੈ, ਕੰਮ ਠੱਪ ਹੈ

RTO ਦਫ਼ਤਰ ਵਿਚ ਜਨਤਕ ਸੇਵਾ ਲਈ ਕੁੱਲ 4 ਖਿੜਕੀਆਂ ਹਨ ਪਰ ਸੋਮਵਾਰ ਨੂੰ ਇਨ੍ਹਾਂ ਵਿਚੋਂ ਸਿਰਫ਼ 2 ਹੀ ਚਾਲੂ ਸਨ। ਦੋ ਖਿੜਕੀਆਂ ਪੂਰੀ ਤਰ੍ਹਾਂ ਬੰਦ ਰਹੀਆਂ, ਜਿਸ ਕਾਰਨ ਕੰਮ ਵਿਚ ਹੋਰ ਦੇਰੀ ਹੋਈ। ਦੱਸਿਆ ਗਿਆ ਕਿ ਇਨ੍ਹਾਂ ਖਿੜਕੀਆਂ ਨਾਲ ਜੁੜੇ ਕਰਮਚਾਰੀ ਅਦਾਲਤ ਵਿਚ ਚੱਲ ਰਹੇ ਇਕ ਕੇਸ ਨਾਲ ਸਬੰਧਤ ਸੰਮਨਾਂ ਕਾਰਨ ਪੇਸ਼ ਨਹੀਂ ਹੋ ਸਕੇ। ਇਸ ’ਤੇ ਲੋਕਾਂ ਨੇ ਸਵਾਲ ਕੀਤਾ ਕਿ ਜੇਕਰ ਪਹਿਲਾਂ ਤੋਂ ਪਤਾ ਸੀ ਕਿ ਕਰਮਚਾਰੀ ਅਦਾਲਤ ਜਾਣਗੇ ਤਾਂ ਵਿਕਲਪਕ ਪ੍ਰਬੰਧ ਕਿਉਂ ਨਹੀਂ ਕੀਤੇ ਗਏ?

ਇਹ ਖ਼ਬਰ ਵੀ ਪੜ੍ਹੋ - Honeymoon 'ਤੇ ਗਏ ਲਾੜੇ ਨਾਲ ਹੋ ਗਈ ਜੱਗੋਂ ਤੇਰ੍ਹਵੀਂ! ਵਹੁਟੀ ਨੇ ਚਾਰ ਮੁੰਡਿਆਂ ਨਾਲ...

'ਇਹ ਅਸਥਾਨੀ ਤਕਨੀਕੀ ਖ਼ਰਾਬੀ': ARTO

ਇਸ ਦਾ ਜਵਾਬ ਦਿੰਦੇ ਹੋਏ, ARTO ਵਿਸ਼ਾਲ ਗੋਇਲ ਨੇ ਕਿਹਾ ਕਿ ਇਹ ਇਕ ਅਸਥਾਈ ਤਕਨੀਕੀ ਖਰਾਬੀ ਸੀ, ਜੋ ਸਾਈਟ ਦੇ ਅਪਡੇਟ ਜਾਂ ਡਾਊਨ ਹੋਣ ਕਾਰਨ ਹੋਈ ਸੀ। ਉਨ੍ਹਾਂ ਕਿਹਾ ਕਿ ਅਸੀਂ ਇਸ ਬਾਰੇ ਸਬੰਧਤ ਤਕਨੀਕੀ ਵਿਭਾਗ ਨੂੰ ਸੂਚਿਤ ਕਰ ਦਿੱਤਾ ਹੈ। ਸਾਨੂੰ ਉਮੀਦ ਹੈ ਕਿ ਕੱਲ ਤੋਂ ਸਾਈਟ ਸੁਚਾਰੂ ਢੰਗ ਨਾਲ ਕੰਮ ਕਰੇਗੀ। ਨਾਲ ਹੀ, ਦੋ ਖਿੜਕੀਆਂ ਬੰਦ ਹੋਣ ਦਾ ਕਾਰਨ ਅਦਾਲਤ ਦੇ ਸੰਮਨ ਹਨ, ਕਰਮਚਾਰੀਆਂ ਦੇ ਵਾਪਸ ਆਉਂਦੇ ਹੀ ਖਿੜਕੀਆਂ ਖੋਲ੍ਹ ਦਿੱਤੀਆਂ ਜਾਣਗੀਆਂ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8