ਵਿਸ਼ਵ ਦਾ ਸਭ ਤੋਂ ਮਹਿੰਗਾ ਸਟਾਕ ਬਰਕਸ਼ਾਇਰ ਹੈਥਵੇ ਘਾਟੇ ਵਿੱਚ, ਵਾਰੇਨ ਬਫੇਟ ਨੇ ਸਰਕਾਰ ਨੂੰ ਦਿੱਤੀ ਸਲਾਹ

ਨਵੀਂ ਦਿੱਲੀ - ਬਰਕਸ਼ਾਇਰ ਹੈਥਵੇ ਦੀ ਸੰਚਾਲਨ ਆਮਦਨ 2022 ਦੀ ਚੌਥੀ ਤਿਮਾਹੀ ਦੌਰਾਨ ਘਟੀ ਹੈ। ਇਸ ਨਾਲ ਨਿਵੇਸ਼ਕਾਂ ਨੂੰ ਭਾਰੀ ਨੁਕਸਾਨ ਹੋਇਆ ਹੈ। ਅਮਰੀਕਾ 'ਚ ਵਧਦੀ ਮਹਿੰਗਾਈ ਨੇ ਕੰਪਨੀਆਂ ਦੀ ਹਾਲਤ ਖਰਾਬ ਕਰ ਦਿੱਤੀ ਹੈ। ਵਾਰੇਨ ਬਫੇਟ ਨੇ ਇਸ ਬਾਰੇ ਚਿੰਤਾ ਪ੍ਰਗਟ ਕਰਦਿਆਂ ਕਿਹਾ ਹੈ ਕਿ ਸਰਕਾਰ ਨੂੰ ਆਪਣੀਆਂ ਨੀਤੀਆਂ ਵੱਲ ਧਿਆਨ ਦੇਣਾ ਚਾਹੀਦਾ ਹੈ। ਸ਼ਨੀਵਾਰ ਨੂੰ ਵਾਰੇਨ ਬਫੇਟ ਨੇ ਆਪਣਾ ਸਾਲਾਨਾ ਸਟਾਕ ਪੱਤਰ ਜਾਰੀ ਕੀਤਾ, ਜੋ ਉਹ ਹਰ ਸਾਲ ਆਪਣੀ ਕੰਪਨੀ ਲਈ ਜਾਰੀ ਕਰਦਾ ਹੈ।

ਇਹ ਵੀ ਪੜ੍ਹੋ : ਤਾਲਿਬਾਨ ਦੀ ਪਾਕਿ ਸਰਕਾਰ ਨੂੰ ਆਫ਼ਰ - ਅੱਤਵਾਦੀਆਂ ਦੇ ਬਣਾਓ ਘਰ ਤੇ ਦਿਓ ਪੈਸੇ, ਤਾਂ ਹੀ ਰੁਕਣਗੇ ਹਮਲੇ

ਉਸ ਪੱਤਰ ਵਿੱਚ ਕੰਪਨੀ ਅਗਲੇ ਸਾਲ ਕਿਵੇਂ ਕੰਮ ਕਰਨ ਜਾ ਰਹੀ ਹੈ ਤਾਂ ਜੋ ਤੇਜ਼ੀ ਨਾਲ ਵਿਕਾਸ ਕੀਤਾ ਜਾ ਸਕੇ ਇਸ ਬਾਰੇ ਪੂਰੀ ਵਿਸਥਾਰਪੂਰਵਕ ਜਾਣਕਾਰੀ ਦਿੱਤੀ ਗਈ ਹੈ । ਇਸ ਵਿਚ ਦੱਸਿਆ ਗਿਆ ਹੈ ਕਿ ਬਰਕਸ਼ਾਇਰ ਦਾ ਸੰਚਾਲਨ ਲਾਭ, ਜਾਂ ਟੈਕਸ ਅਤੇ ਵਿਆਜ ਤੋਂ ਪਹਿਲਾਂ ਕੋਰ ਓਪਰੇਸ਼ਨਾਂ ਤੋਂ ਸ਼ੁੱਧ ਲਾਭ, ਪਿਛਲੇ ਸਾਲ ਦੀ ਚੌਥੀ ਤਿਮਾਹੀ ਵਿੱਚ 6.7 ਅਰਬ ਡਾਲਰ ਸੀ। ਇਹ ਕੰਪਨੀ ਦੀ 7.8 ਅਰਬ ਡਾਲਰ ਦੀ ਤੀਜੀ ਤਿਮਾਹੀ ਦੀ ਕਮਾਈ ਤੋਂ ਲਗਭਗ 8 ਫੀਸਦੀ ਘੱਟ ਹੈ।

ਇਹ ਵੀ ਪੜ੍ਹੋ : ਅਡਾਨੀ ਸਮੂਹ ਹੀ ਨਹੀਂ ਇਨ੍ਹਾਂ ਸਰਕਾਰੀ ਬੈਂਕਾਂ ਨੂੰ ਵੀ ਲੱਗਾ ਹਿੰਡਨਬਰਗ ਰਿਪੋਰਟ ਦਾ ਝਟਕਾ, 18 ਫ਼ੀਸਦੀ ਡਿੱਗੇ ਸ਼ੇਅਰ

ਨਿਵੇਸ਼ਕ ਬਫੇਟ ਦੇ ਇਸ ਪੱਤਰ ਦਾ ਨਿਵੇਸ਼ਕਾਂ ਨੂੰ ਰਹਿੰਦਾ ਹੈ ਇੰਤਜ਼ਾਰ 

ਦੁਨੀਆ ਭਰ ਦੇ ਨਿਵੇਸ਼ਕ ਵਾਰਨ ਬਫੇਟ ਦੁਆਰਾ ਸਾਲ ਦੇ ਸ਼ੁਰੂ ਵਿੱਚ ਜਾਰੀ ਕੀਤੇ ਜਾਣ ਵਾਲੇ ਇਸ ਪੱਤਰ ਦੀ ਉਡੀਕ ਕਰਦੇ ਹਨ। ਚੈੱਕ ਕੈਪੀਟਲ ਮੈਨੇਜਮੈਂਟ ਦੇ ਪ੍ਰਧਾਨ ਸਟੀਵਨ ਚੈਕ ਨੇ ਕਿਹਾ, ਇਹ ਲਾਜ਼ਮੀ ਤੌਰ 'ਤੇ ਬਾਇਡੇਨ ਅਤੇ ਹੋਰਾਂ ਲਈ ਸਿੱਧੀ ਟਿੱਪਣੀ ਸੀ ਜੋ ਉਸ ਮਾਨਸਿਕਤਾ ਲਈ ਹੈ ਕਿ ਸਟਾਕਾਂ ਨੂੰ ਵਾਪਸ ਖਰੀਦਣਾ ਦੇਸ਼ ਲਈ ਨੁਕਸਾਨਦੇਹ ਹੈ। 7 ਫਰਵਰੀ ਨੂੰ ਆਪਣੇ ਸਟੇਟ ਆਫ਼ ਦ ਯੂਨੀਅਨ ਸੰਬੋਧਨ ਵਿੱਚ, ਬਾਇਡੇਨ ਨੇ ਸਟਾਕ ਬਾਇਬੈਕ 'ਤੇ ਟੈਕਸ ਨੂੰ ਚੌਗੁਣਾ ਕਰਨ ਦਾ ਐਲਾਨ ਕੀਤਾ। ਇਕ ਮੀਡੀਆ ਰਿਪੋਰਟ ਮੁਤਾਬਕ ਰਾਸ਼ਟਰਪਤੀ ਸ਼ੇਅਰਧਾਰਕਾਂ ਨੂੰ ਪੈਸਾ ਵਾਪਸ ਕਰਨ ਲਈ ਕੰਪਨੀਆਂ ਦੁਆਰਾ ਵਰਤੀਆਂ ਜਾਂਦੀਆਂ ਨੀਤੀਆਂ ਨੂੰ ਲੈ ਕੇ ਹਮੇਸ਼ਾ ਤੋਂ ਸਪੱਸ਼ਟ ਆਲੋਚਕ ਰਹੇ ਹਨ।

ਇਹ ਵੀ ਪੜ੍ਹੋ : ਅਪ੍ਰੈਲ ਤੋਂ ਨਵੇਂ ਨਿਕਾਸੀ ਮਾਪਦੰਡ ਲਾਗੂ ਹੋਣ ਤੋਂ ਬਾਅਦ  5% ਤੱਕ ਵਧਣਗੀਆਂ VECV ਵਾਹਨਾਂ ਦੀਆਂ ਕੀਮਤਾਂ

ਬਫੇਟ ਦਾ ਮੰਨਣਾ ਹੈ ਕਿ ਸਟਾਕ ਬਾਇਬੈਕ ਮੌਜੂਦਾ ਸ਼ੇਅਰਧਾਰਕਾਂ ਨੂੰ ਲਾਭ ਪਹੁੰਚਾਉਂਦਾ ਹੈ ਅਤੇ ਉਹ ਨਾਮਨਜ਼ੂਰੀ ਤੋਂ ਚੰਗੀ ਤਰ੍ਹਾਂ ਜਾਣੂ ਹੈ। ਨਜ਼ਦੀਕੀ ਭਵਿੱਖ ਲਈ ਬਰਕਸ਼ਾਇਰ ਹਮੇਸ਼ਾ ਨਕਦ ਅਤੇ ਯੂ.ਐੱਸ. ਖਜ਼ਾਨਾ ਬਿੱਲਾਂ ਦੇ ਨਾਲ-ਨਾਲ ਕਾਰੋਬਾਰਾਂ ਨੂੰ ਵਿਸ਼ਾਲ ਸ਼੍ਰੇਣੀ ਵਿਚ ਰੱਖੇਗਾ।

 ਅਸੀਂ ਅਜਿਹੇ ਵਿਵਹਾਰ ਤੋਂ ਵੀ ਬਚਾਂਗੇ ਜੋ ਅਸੁਵਿਧਾਜਨਕ ਸਮੇਂ 'ਤੇ ਕਿਸੇ ਵੀ ਅਸੁਵਿਧਾਜਨਕ ਨਕਦ ਲੋੜਾਂ ਦਾ ਕਾਰਨ ਬਣ ਸਕਦਾ ਹੈ, ਜਿਸ ਵਿੱਚ ਵਿੱਤੀ ਘਬਰਾਹਟ ਅਤੇ ਬੇਮਿਸਾਲ ਬੀਮਾ ਨੁਕਸਾਨ ਸ਼ਾਮਲ ਹਨ। ਨਿਵੇਸ਼ਕ ਵਧਦੀਆਂ ਵਿਆਜ ਦਰਾਂ ਅਤੇ ਮਹਿੰਗਾਈ ਬਾਰੇ ਵੀ ਬਫੇਟ ਦੇ ਵਿਚਾਰਾਂ ਦਾ ਇੰਤਜ਼ਾਰ ਕਰ ਰਹੇ ਸਨ। ਉਹ ਅਜਿਹੇ ਦੌਰ ਵਿੱਚੋਂ ਲੰਘਿਆ ਹੈ ਜਦੋਂ ਹਾਲਾਤ ਅੱਜ ਨਾਲੋਂ ਵੀ ਬਦਤਰ ਹਾਲਾਤ ਹੁੰਦੇ ਸਨ ਅਤੇ ਵਿਸ਼ੇਸ਼ ਰੂਪ ਨਾਲ 70 ਅਤੇ 80 ਦੇ ਦਹਾਕੇ। ਜਦੋਂ ਦੁਨੀਆ ਭਰ ਵਿਚ ਮੰਦੀ ਸੀ ਅਤੇ ਆਰਥਿਕ ਹਾਲਾਤ ਕਮਜ਼ੋਰ ਹੁੰਦੇ ਸਨ।

ਇਹ ਵੀ ਪੜ੍ਹੋ : ਮਾਰਚ ਮਹੀਨੇ ਇੰਨੇ ਦਿਨ ਬੰਦ ਰਹਿਣ ਵਾਲੇ ਹਨ ਬੈਂਕ, ਛੁੱਟੀਆਂ ਦੀ ਸੂਚੀ ਦੇਖ ਕੇ ਬਣਾਓ ਯੋਜਨਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।