ਸੋਨੇ ''ਚ ਆਈ ਜ਼ਬਰਦਸਤ ਗਿਰਾਵਟ, ਚਾਂਦੀ 3000 ਰੁਪਏ ਟੁੱਟੀ

ਬਿਜਨੈੱਸ ਡੈਸਕ- ਡਾਲਰ ਦੇ ਵਧਦੇ ਸੂਚਕਾਂਕ ਅਤੇ ਆਗਾਮੀ FOMC ਬੈਠਕ 'ਚ ਯੂ ਐੱਸ ਫੈੱਡ ਦਰਾਂ 'ਚ ਵਾਧੇ ਦੀਆਂ ਅਟਕਲਾਂ ਕਾਰਨ, ਪੂਰੇ ਹਫ਼ਤੇ ਸੋਨੇ ਦੀ ਕੀਮਤ ਦਬਾਅ 'ਚ ਰਹੀ। ਮਲਟੀ ਕਮੋਡਿਟੀ ਐਕਸਚੇਂਜ (MCX) 'ਤੇ ਸੋਨੇ ਦੀਆਂ ਦਰਾਂ ਸ਼ੁੱਕਰਵਾਰ ਨੂੰ 50,280 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਬੰਦ ਹੋਈ। ਇੰਟਰਾਡੇ ਦੇ ਕਾਰੋਬਾਰ 'ਚ ਕੱਲ੍ਹ ਸੋਨੇ ਦੀ ਕੀਮਤ ਲਗਭਗ 600 ਰੁਪਏ ਪ੍ਰਤੀ 10 ਗ੍ਰਾਮ ਟੁੱਟ ਗਈ ਸੀ, ਜਦੋਂ ਕਿ ਹਫਤਾਵਾਰੀ ਆਧਾਰ 'ਤੇ, ਐੱਮ.ਸੀ.ਐਕਸ ਸੋਨੇ ਦੀ ਕੀਮਤ 1,719 ਰੁਪਏ ਪ੍ਰਤੀ 10 ਗ੍ਰਾਮ ਜਾਂ 3.30 ਰੁਪਏ ਦਾ ਨੁਕਸਾਨ ਦਰਜ ਕੀਤਾ ਗਿਆ ਸੀ। ਹਾਜ਼ਿਰ ਬਾਜ਼ਾਰ 'ਚ ਸ਼ੁੱਕਰਵਾਰ ਨੂੰ ਸੋਨੇ ਦੀ ਕੀਮਤ 1.33 ਫੀਸਦੀ ਦੀ ਗਿਰਾਵਟ ਨਾਲ 1,643 ਡਾਲਰ ਪ੍ਰਤੀ ਔਂਸ ਦੇ ਪੱਧਰ 'ਤੇ ਬੰਦ ਹੋਈ।
ਚਾਂਦੀ 3000 ਰੁਪਏ ਤੱਕ ਸਸਤੀ
IBJA ਦੇ ਮੁਤਾਬਕ ਸਰਾਫਾ ਬਾਜ਼ਾਰ 'ਚ ਪਿਛਲੇ ਇਕ ਹਫਤੇ 'ਚ ਸੋਨਾ 51120 ਰੁਪਏ ਤੋਂ ਡਿੱਗ ਕੇ 50438 ਰੁਪਏ 'ਤੇ ਆ ਗਿਆ, ਯਾਨੀ ਸੋਨੇ ਦੀ ਕੀਮਤ 'ਚ ਪੰਜ ਦਿਨਾਂ 'ਚ 682 ਰੁਪਏ ਦੀ ਗਿਰਾਵਟ ਆਈ ਹੈ। ਉਧਰ ਇਕ ਹਫਤੇ 'ਚ ਇਕ ਕਿਲੋ ਚਾਂਦੀ ਦੀ ਕੀਮਤ ਹਫਤਾਵਾਰੀ 'ਚ ਲਗਭਗ 3000 ਰੁਪਏ ਟੁੱਟ ਗਈ ਹੈ। ਇਸ ਦੌਰਾਨ ਚਾਂਦੀ 58949 ਰੁਪਏ ਤੋਂ ਟੁੱਟ ਕੇ 56042 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਆ ਗਈ ਯਾਨੀ ਇਸ ਹਫਤੇ ਚਾਂਦੀ 2907 ਰੁਪਏ ਸਸਤੀ ਹੋ ਗਈ ਹੈ।
ਕਿਉਂ ਡਿੱਗ ਰਿਹਾ ਸੋਨਾ?
ਜਿੰਸ ਬਾਜ਼ਾਰ ਦੇ ਜਾਣਕਾਰਾਂ ਮੁਤਾਬਕ ਇਸ ਹਫਤੇ ਸੋਨੇ ਦੀਆਂ ਕੀਮਤਾਂ 'ਚ ਗਿਰਾਵਟ ਦਾ ਵੱਡਾ ਕਾਰਨ ਡਾਲਰ ਸੂਚਕ ਅੰਕ 'ਚ ਵਾਧਾ ਹੈ। ਹਾਲਾਂਕਿ, ਯੂਐਸ ਸੀਪੀਆਈ ਦੇ ਅੰਕੜਿਆਂ ਨੇ ਪੀਲੀ ਧਾਤਾਂ ਦੀ ਕੀਮਤ ਵਿੱਚ ਕੁਝ ਰਾਹਤ ਦੀ ਰੈਲੀ ਲਿਆਂਦੀ ਹੈ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਅਮਰੀਕੀ ਡਾਲਰ ਦੇ ਸਬੰਧ 'ਚ ਹੜਬੜੀ ਦੀ ਭਾਵਨਾ ਕਾਰਨ ਲੋਕ ਸੋਨੇ ਨਾਲ ਡਾਲਰ 'ਚ ਅਦਲਾ-ਬਦਲੀ ਕਰ ਰਹੇ ਹਨ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਅਮਰੀਕੀ ਡਾਲਰ ਦੀ ਵਜ੍ਹਾ ਨਾਲ ਸੋਨੇ ਦੀਆਂ ਕੀਮਤਾਂ ਡਾਊਨ ਰਹਿਣ ਦੀ ਉਮੀਦ ਹੈ ਅਤੇ ਇਹ 1,640 ਡਾਲਰ ਤੋਂ 1,700 ਡਾਲਰ ਪ੍ਰਤੀ ਔਂਸ ਦੇ ਦਾਇਰੇ 'ਚ ਵਪਾਰ ਕਰ ਸਕਦੀ ਹੈ। 1,640 ਡਾਲਰ ਦੇ ਪੱਧਰ ਨੂੰ ਤੋੜਣ 'ਤੇ ਹਾਜ਼ਿਰ ਸੋਨੇ ਦੀ ਕੀਮਤ 1,600 ਡਾਲਰ ਦੇ ਪੱਧਰ ਤੱਕ ਜਾ ਸਕਦੀ ਹੈ। MCX 'ਤੇ ਦੀਵਾਲੀ ਤੱਕ ਸੋਨੇ ਦੀ ਕੀਮਤ 50,200 ਰੁਪਏ ਤੋਂ 51,500 ਰੁਪਏ ਦੇ ਵਿਚਕਾਰ ਰਹਿਣ ਦੀ ਉਮੀਦ ਹੈ।