3 ਰੁਪਏ ਦੇ ਇਸ ਸ਼ੇਅਰ ਨੇ ਰਚਿਆ ਇਤਿਹਾਸ, ਅੱਜ ਬਣ ਗਿਆ ਦੇਸ਼ ਦਾ ਸਭ ਤੋਂ ਮਹਿੰਗਾ ਸ਼ੇਅਰ

ਮੁੰਬਈ - ਐਲਸਿਡ ਇਨਵੈਸਟਮੈਂਟਸ(Elcid Investments) ਦੇ ਸ਼ੇਅਰ ਇਨ੍ਹੀਂ ਦਿਨੀਂ ਦਲਾਲ ਸਟਰੀਟ 'ਤੇ ਲਗਾਤਾਰ ਚਰਚਾ 'ਚ ਹਨ। ਐਲਸਿਡ ਇਨਵੈਸਟਮੈਂਟਸ ਦੇਸ਼ ਦਾ ਸਭ ਤੋਂ ਮਹਿੰਗਾ ਸਟਾਕ ਬਣ ਗਿਆ ਹੈ। ਕੰਪਨੀ ਦੇ ਸ਼ੇਅਰਾਂ ਨੇ ਅੱਜ 6 ਨਵੰਬਰ ਬੁੱਧਵਾਰ ਨੂੰ 3 ਲੱਖ ਰੁਪਏ ਦੇ ਪੱਧਰ ਨੂੰ ਪਾਰ ਕਰਕੇ ਨਵਾਂ ਇਤਿਹਾਸ ਰਚ ਦਿੱਤਾ ਹੈ। ਐਲਸਾਈਡ ਇਨਵੈਸਟਮੈਂਟਸ ਦੇ ਸ਼ੇਅਰ ਅੱਜ ਵਪਾਰ ਵਿੱਚ 5% ਵਧ ਕੇ 301521.40 ਰੁਪਏ ਦੇ ਇੰਟਰਾਡੇ ਉੱਚ ਪੱਧਰ 'ਤੇ ਪਹੁੰਚ ਗਏ।

ਇਹ ਵੀ ਪੜ੍ਹੋ :    ਦੀਵਾਲੀ 'ਤੇ ਇਕ ਝਟਕੇ 'ਚ ਕਮਾਏ 9,00,23,23,77,970 ਰੁਪਏ, ਜਾਣੋ ਕਿਸ ਰਈਸ 'ਤੇ ਮਿਹਰਬਾਨ ਹੋਈ ਲਕਸ਼ਮੀ

ਇਹ 52 ਹਫ਼ਤਿਆਂ ਦੀ ਇਸਦੀ ਨਵੀਂ ਉੱਚ ਕੀਮਤ ਵੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਚਾਰ ਕਾਰੋਬਾਰੀ ਦਿਨਾਂ ਤੋਂ ਇਸ ਸਟਾਕ ਵਿਚ ਲਗਾਤਾਰ 5% ਦਾ ਅੱਪਰ ਸਰਕਟ ਲੱਗ ਰਿਹਾ ਹੈ। ਅੱਜ ਵੀ ਇਸ ਸਟਾਕ 'ਚ ਸਿਰਫ ਖਰੀਦਦਾਰ ਹੀ ਨਜ਼ਰ ਆ ਰਹੇ ਹਨ। ਪੰਜ ਦਿਨਾਂ ਵਿੱਚ ਇਹ ਸ਼ੇਅਰ 21% ਤੋਂ ਵੱਧ ਯਾਨੀ 53,458.90 ਰੁਪਏ ਵਧ ਗਿਆ ਹੈ। ਇਸ ਸਾਲ 21 ਜੂਨ ਨੂੰ ਇਸ ਸ਼ੇਅਰ ਦੀ ਕੀਮਤ ਸਿਰਫ 3.51 ਰੁਪਏ ਸੀ।

ਇਹ ਵੀ ਪੜ੍ਹੋ :     Bank Holiday List: ਦੀਵਾਲੀ ਤੋਂ ਬਾਅਦ ਫਿਰ ਆ ਗਈਆਂ ਲਗਾਤਾਰ 4 ਛੁੱਟੀਆਂ, ਦੇਖੋ ਪੂਰੀ ਸੂਚੀ

ਸ਼ੇਅਰਾਂ ਵਿੱਚ ਵਾਧੇ ਦਾ ਕਾਰਨ

ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਹਫਤੇ 29 ਅਕਤੂਬਰ ਨੂੰ ਬੀਐਸਈ ਦੁਆਰਾ ਹੋਲਡਿੰਗ ਕੰਪਨੀਆਂ ਦੀ ਕੀਮਤ ਨੂੰ ਲੈ ਕੇ ਸਪੈਸ਼ਲ ਕਾਲ ਨਿਲਾਮੀ ਕੀਤੀ ਗਈ ਸੀ। ਇਸ ਨਿਲਾਮੀ ਸੈਸ਼ਨ ਵਿੱਚ ਐਲਸਿਡ ਦੇ ਸ਼ੇਅਰ ਦੀ ਕੀਮਤ 2.25 ਲੱਖ ਰੁਪਏ ਰੱਖੀ ਗਈ ਸੀ। ਐਲਸਿਡ ਇਨਵੈਸਟਮੈਂਟ ਲਿਮਿਟੇਡ ਦੇ ਸ਼ੇਅਰ ਮੰਗਲਵਾਰ, 29 ਅਕਤੂਬਰ ਨੂੰ ਬੀਐਸਈ ਯਾਨੀ ਬੰਬਈ ਸਟਾਕ ਐਕਸਚੇਂਜ ਵਿੱਚ ਮੁੜ ਸੂਚੀਬੱਧ ਕੀਤੇ ਗਏ ਸਨ।

ਇਹ ਵੀ ਪੜ੍ਹੋ :     30 ਹਜ਼ਾਰ ਫੁੱਟ ਦੀ ਉਚਾਈ 'ਤੇ ਜਹਾਜ਼ 'ਚੋਂ ਆਉਣ ਲੱਗੀਆਂ ਰਹੱਸਮਈ ਆਵਾਜ਼ਾਂ (Video)

ਸ਼ੇਅਰ ਦੀ ਸੂਚੀਬੱਧ ਕੀਮਤ 2.25 ਲੱਖ ਰੁਪਏ ਸੀ ਪਰ ਸਮਾਲਕੈਪ ਸਟਾਕ ਨੇ ਦਲਾਲ ਸਟਰੀਟ 'ਤੇ ਇਤਿਹਾਸ ਰਚਿਆ ਅਤੇ 2,36,250 ਰੁਪਏ ਨੂੰ ਛੂਹ ਲਿਆ। ਇਹ 66,92,535% ਦੀ ਇੱਕ ਹੈਰਾਨਕੁਨ ਛਾਲ ਸੀ। ਇਸ ਸਾਲ 21 ਜੂਨ ਨੂੰ ਇਹ ਸ਼ੇਅਰ ਸਿਰਫ਼ 3.51 ਰੁਪਏ ਦਾ ਪੈਨੀ ਸਟਾਕ ਸੀ। ਉਦੋਂ ਤੋਂ ਇਸ ਦੇ ਸ਼ੇਅਰਾਂ ਦਾ ਵਪਾਰ ਬੰਦ ਕਰ ਦਿੱਤਾ ਗਿਆ ਸੀ। ਰੀ-ਲਿਸਟਿੰਗ ਤੋਂ ਬਾਅਦ ਇਹ ਸਟਾਕ ਪਿਛਲੇ 4 ਦਿਨਾਂ ਤੋਂ ਲਗਾਤਾਰ ਅੱਪਰ ਸਰਕਟ 'ਚ ਹੈ।

ਇਹ ਵੀ ਪੜ੍ਹੋ :     PENSION RULES : ਆ ਗਏ ਨਵੇਂ ਨਿਯਮ, ਅੱਜ ਹੀ ਕਰੋ ਇਹ ਕੰਮ ਨਹੀਂ ਤਾਂ ਪੈਨਸ਼ਨ 'ਚ ਆਵੇਗੀ ਦਿੱਕਤ

ਕੰਪਨੀ ਦਾ ਕਾਰੋਬਾਰ

ਐਲਸਿਡ ਇਨਵੈਸਟਮੈਂਟਸ RBI ਕੋਲ ਇਨਵੈਸਟਮੈਂਟ ਕੰਪਨੀ ਸ਼੍ਰੇਣੀ ਦੇ ਤਹਿਤ ਇੱਕ ਰਜਿਸਟਰਡ NBFC ਹੈ। ਕੰਪਨੀ ਦਾ ਵਰਤਮਾਨ ਵਿੱਚ ਆਪਣਾ ਕੋਈ ਸੰਚਾਲਨ ਕਾਰੋਬਾਰ ਨਹੀਂ ਹੈ ਪਰ ਏਸ਼ੀਅਨ ਪੇਂਟਸ ਆਦਿ ਵਰਗੀਆਂ ਹੋਰ ਵੱਡੀਆਂ ਕੰਪਨੀਆਂ ਵਿੱਚ ਮਹੱਤਵਪੂਰਨ ਨਿਵੇਸ਼ ਹੈ। ਇਸ ਦੀ ਮਾਰਕੀਟ ਕੈਪ 6,030.43 ਕਰੋੜ ਰੁਪਏ ਹੈ।

ਇਹ ਵੀ ਪੜ੍ਹੋ :    CBDT ਵਲੋਂ ਵੱਡੀ ਰਾਹਤ! ਟੈਕਸਦਾਤਿਆਂ ਦਾ ਮੁਆਫ਼ ਹੋ ਸਕਦਾ ਹੈ ਵਿਆਜ, ਬਸ ਇਨ੍ਹਾਂ ਸ਼ਰਤਾਂ ਨੂੰ ਕਰ ਲਓ ਪੂਰਾ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8