ਰੂਸ ਦੇ ਰਿਹਾ ਕੱਚੇ ਤੇਲ ਦੀ ਖ਼ਰੀਦ ''ਤੇ ਭਾਰੀ ਛੋਟ , ਭਾਰਤ ਸਮੇਤ ਇਸ ਦੇਸ਼ ਨੇ ਖ਼ਰੀਦਿਆ 80 ਫ਼ੀਸਦੀ ਤੇਲ

ਨਵੀਂ ਦਿੱਲੀ (ਪੋਸਟ ਬਿਊਰੋ) - ਦੁਨੀਆ ਦੇ ਸਭ ਤੋਂ ਵੱਡੇ ਤੇਲ ਉਪਭੋਗਤਾ ਭਾਰਤ ਅਤੇ ਚੀਨ ਨੇ ਮਈ ਵਿੱਚ ਰੂਸ ਤੋਂ 80 ਫੀਸਦੀ ਤੇਲ ਖਰੀਦਿਆ ਹੈ। ਇੰਟਰਨੈਸ਼ਨਲ ਐਨਰਜੀ ਏਜੰਸੀ (ਆਈ. ਈ. ਏ.) ਨੇ ਇਕ ਰਿਪੋਰਟ 'ਚ ਕਿਹਾ ਕਿ ਮਾਸਕੋ ਨੇ ਇਹ ਜਾਣਕਾਰੀ ਦਿੱਤੀ ਹੈ।

 ਜ਼ਿਕਰਯੋਗ ਹੈ ਕਿ ਰੂਸ ਦੋਵਾਂ ਦੇਸ਼ਾਂ ਨੂੰ ਕੱਚੇ ਤੇਲ 'ਤੇ ਭਾਰੀ ਛੋਟ ਦੇ ਰਿਹਾ ਹੈ। ਪੈਰਿਸ ਸਥਿਤ ਊਰਜਾ ਏਜੰਸੀ ਨੇ ਆਪਣੀ ਤਾਜ਼ਾ ਤੇਲ ਮਾਰਕੀਟ ਰਿਪੋਰਟ ਵਿੱਚ ਕਿਹਾ, "ਭਾਰੀ ਛੂਟ ਵਾਲੇ ਰੂਸੀ ਕਰੂਡ ਨੂੰ ਮੁੱਖ ਤੌਰ 'ਤੇ ਏਸ਼ੀਆ ਵਿੱਚ ਨਵੇਂ ਖਰੀਦਦਾਰ ਮਿਲੇ ਹਨ।"

ਇਹ ਵੀ ਪੜ੍ਹੋ : ਵਿਵਾਦ ਵਧਣ ਤੋਂ ਬਾਅਦ Zomato ਨੇ ਹਟਾਇਆ ਵਿਗਿਆਪਨ, ਦਿੱਤਾ ਇਹ ਸਪੱਸ਼ਟੀਕਰਨ

ਜਿੱਥੇ ਪਹਿਲਾਂ ਭਾਰਤ ਰੂਸ ਤੋਂ ਬਹੁਤ ਘੱਟ ਖਰੀਦਦਾ ਸੀ, ਹੁਣ ਉਹ ਰੋਜ਼ਾਨਾ 20 ਲੱਖ ਬੈਰਲ ਤੇਲ ਖਰੀਦ ਰਿਹਾ ਹੈ। ਦੂਜੇ ਪਾਸੇ ਚੀਨ ਨੇ ਖਰੀਦਦਾਰੀ 500,000 ਬੈਰਲ ਪ੍ਰਤੀ ਦਿਨ ਤੋਂ ਵਧਾ ਕੇ 22 ਲੱਖ ਬੈਰਲ ਪ੍ਰਤੀ ਦਿਨ ਕਰ ਦਿੱਤੀ ਹੈ। ਆਈਈਏ ਨੇ ਕਿਹਾ, “ਮਈ 2023 ਵਿੱਚ ਭਾਰਤ ਅਤੇ ਚੀਨ ਨੇ ਰੂਸੀ ਕੱਚੇ ਤੇਲ ਦੇ ਨਿਰਯਾਤ ਵਿੱਚ ਲਗਭਗ 80 ਪ੍ਰਤੀਸ਼ਤ ਹਿੱਸੇਦਾਰੀ ਕੀਤੀ।

ਮਈ ਵਿੱਚ ਰੂਸ ਦੀ ਸਮੁੰਦਰੀ ਕੱਚੇ ਤੇਲ ਦੀ ਨਿਰਯਾਤ ਔਸਤਨ 38.7 ਲੱਖ ਬੈਰਲ ਪ੍ਰਤੀ ਦਿਨ ਸੀ, ਜੋ ਫਰਵਰੀ 2022 ਵਿੱਚ ਯੂਕਰੇਨ ਉੱਤੇ ਰੂਸ ਦੇ ਹਮਲੇ ਤੋਂ ਬਾਅਦ ਸਭ ਤੋਂ ਵੱਧ ਹੈ। ਆਈਈਏ ਨੇ ਕਿਹਾ, “ਮਈ 2023 ਵਿੱਚ ਭਾਰਤ ਅਤੇ ਚੀਨ ਨੇ ਰੂਸੀ ਕੱਚੇ ਤੇਲ ਦੇ ਨਿਰਯਾਤ ਵਿੱਚ ਲਗਭਗ 80 ਪ੍ਰਤੀਸ਼ਤ ਹਿੱਸੇਦਾਰੀ ਕੀਤੀ।

ਭਾਰਤ ਅਤੇ ਚੀਨ ਦੇ ਕੁੱਲ ਆਯਾਤ ਦਾ ਕ੍ਰਮਵਾਰ 45 ਪ੍ਰਤੀਸ਼ਤ ਅਤੇ 20 ਪ੍ਰਤੀਸ਼ਤ ਰੂਸੀ ਤੇਲ ਦਾ ਹੈ।ਰੂਸ ਦੇ ਕੱਚੇ ਤੇਲ ਦਾ ਮੁੱਖ ਬਾਜ਼ਾਰ ਯੂਰਪ ਸੀ, ਜਿੱਥੇ ਇਹ ਪਾਬੰਦੀਆਂ ਦਾ ਸਾਹਮਣਾ ਕਰ ਰਿਹਾ ਹੈ। ਅਜਿਹੇ 'ਚ ਏਸ਼ੀਆਈ ਦੇਸ਼ ਹੁਣ ਰੂਸ ਤੋਂ 90 ਫੀਸਦੀ ਤੋਂ ਜ਼ਿਆਦਾ ਕੱਚਾ ਤੇਲ ਖਰੀਦ ਰਹੇ ਹਨ।

ਇਹ ਵੀ ਪੜ੍ਹੋ : ਡਿਫਾਲਟਰ ਨੂੰ ਵੀ ਮਿਲ ਸਕੇਗਾ ਕਰਜ਼ਾ, RBI ਦੇ ਫੈਸਲੇ ਦਾ ਆਮ ਆਦਮੀ ਨੂੰ ਮਿਲੇਗਾ ਫ਼ਾਇਦਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।