ਆਮਦਨ ਟੈਕਸ ਬਚਾਉਣ ਲਈ ਬਹੁਤ ਕੰਮ ਆ ਸਕਦੇ ਹਨ ਤੁਹਾਡੇ ਪਰਿਵਾਰ ਦੇ ਇਹ ਮੈਂਬਰ, ਜਾਣੋ ਕਿਵੇਂ

ਨਵੀਂ ਦਿੱਲੀ - ਪੁਰਾਣੀ ਇਨਕਮ ਟੈਕਸ ਪ੍ਰਣਾਲੀ ਨੂੰ ਚੁਣਨ ਵਾਲੇ ਟੈਕਸਦਾਤਾ ਇਸ ਸਮੇਂ ਟੈਕਸ ਬਚਾਉਣ ਦੀਆਂ ਕੋਸ਼ਿਸ਼ਾਂ ਨੂੰ ਲੈ ਕੇ ਪ੍ਰੇਸ਼ਾਨ ਹੋ ਰਹੇ ਹੋਣਗੇ। ਪਰ ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਇਹ ਨਹੀਂ ਜਾਣਦੇ ਹਨ ਕਿ ਟੈਕਸ ਬਚਾਉਣ ਦੀਆਂ ਯੋਜਨਾਵਾਂ ਵਿੱਚ ਆਪਣੇ ਜੀਵਨ ਸਾਥੀ ਅਤੇ ਬੱਚਿਆਂ ਨੂੰ ਸ਼ਾਮਲ ਕਰਨਾ ਕਾਨੂੰਨੀ ਤੌਰ 'ਤੇ ਉਨ੍ਹਾਂ ਦੇ ਟੈਕਸ ਦੇ ਬੋਝ ਨੂੰ ਕਾਫ਼ੀ ਘੱਟ ਕਰ ਸਕਦਾ ਹੈ।

ਇਹ ਵੀ ਪੜ੍ਹੋ :     ਕਿਸਾਨ ਮੋਰਚੇ ਦਾ ਵੱਡਾ ਐਲਾਨ ; ਭਲਕੇ ਫੂਕੇ ਜਾਣਗੇ ਕੇਂਦਰ ਤੇ ਹਰਿਆਣਾ ਸਰਕਾਰ ਦੇ ਪੁਤਲੇ

ਕਰਜ਼ਾ ਦਿਓ

ਕੋਈ ਵੀ ਵਿਅਕਤੀ ਆਪਣੇ ਜੀਵਨ ਸਾਥੀ ਨੂੰ ਕਰਜ਼ਾ ਦੇ ਕੇ ਟੈਕਸ ਘਟਾ ਸਕਦਾ ਹੈ। ਮੰਨ ਲਓ ਕਿ ਕੋਈ ਆਦਮੀ ਆਪਣੀ ਪਤਨੀ ਨੂੰ ਬਿਊਟੀ ਪਾਰਲਰ ਭਾਵ ਕੋਈ ਕੰਮ ਸ਼ੁਰੂ ਕਰਨ ਲਈ ਕੁਝ ਪੈਸੇ ਉਧਾਰ ਦਿੰਦਾ ਹੈ ਅਤੇ ਉਹ ਵਿਆਜ ਸਮੇਤ ਵਾਪਸ ਕਰਨ ਲਈ ਸਹਿਮਤ ਹੋ ਜਾਂਦੀ ਹੈ। ਉਸ ਸਥਿਤੀ ਵਿੱਚ, ਟੈਕਸ ਵਸੂਲਣ ਦੇ ਉਦੇਸ਼ ਲਈ ਉਸਦੇ ਕਾਰੋਬਾਰ ਜਾਂ ਪੇਸ਼ੇ ਤੋਂ ਪ੍ਰਾਪਤ ਆਮਦਨ ਨੂੰ ਪਤੀ ਦੀ ਆਮਦਨ ਵਿੱਚ ਨਹੀਂ ਜੋੜਿਆ ਜਾਂਦਾ ਹੈ।

ਪਰ ਜੇਕਰ ਪਤੀ ਆਪਣੀ ਪਤਨੀ ਨੂੰ ਇਹ ਪੈਸੇ ਗਿਫਟ ਕਰਦਾ ਹੈ ਤਾਂ ਖਤਰਾ ਹੋ ਸਕਦਾ ਹੈ। ਟੈਕਸ ਅਧਿਕਾਰੀ ਕਿਸੇ ਵੀ ਸਮੇਂ ਇਨਕਮ ਟੈਕਸ ਐਕਟ ਦੀ ਧਾਰਾ 64 (1) (2) ਦੇ ਤਹਿਤ ਕਾਰੋਬਾਰ ਤੋਂ ਕਮਾਈ ਗਈ ਆਮਦਨ ਨੂੰ ਪਤੀ ਦੀ ਆਮਦਨ ਨਾਲ ਜੋੜਨ ਅਤੇ ਟੈਕਸ ਦੀ ਵਸੂਲੀ ਕਰਨ ਲਈ ਕਹਿ ਸਕਦੇ ਹਨ।

ਜ਼ਿਕਰਯੋਗ ਹੈ ਕਿ ਪਤੀ/ਪਤਨੀ ਨੂੰ ਕਰਜ਼ੇ ਲਈ ਉਚਿਤ ਸਮਝੌਤਾ ਕਰਵਾਉਣਾ ਚਾਹੀਦਾ ਹੈ ਤਾਂ ਜੋ ਟੈਕਸ ਆਡਿਟ ਵਿਚ ਇਸ ਦੀ ਵਰਤੋਂ ਕੀਤੀ ਜਾ ਸਕੇ ਅਤੇ ਇਸ ਨੂੰ ਤੋਹਫ਼ਾ ਨਾ ਮੰਨਿਆ ਜਾਵੇ।

ਜੀਵਨ ਸਾਥੀ ਨੂੰ ਤੋਹਫ਼ੇ ਵਿੱਚ ਦਿੱਤੇ ਪੈਸੇ ਜਾਂ ਸੰਪਤੀਆਂ ਟੈਕਸ ਦੇ ਅਧੀਨ ਨਹੀਂ ਹਨ, ਪਰ ਤੋਹਫ਼ੇ ਦੇ ਨਿਵੇਸ਼ ਤੋਂ ਹੋਣ ਵਾਲੀ ਆਮਦਨ ਨੂੰ ਉਸ ਵਿਅਕਤੀ ਦੀ ਆਮਦਨ ਵਿੱਚ ਜੋੜਿਆ ਜਾ ਸਕਦਾ ਹੈ ਜਿਸਨੇ ਤੋਹਫ਼ਾ ਦਿੱਤਾ ਹੈ।

ਇਸ ਲਈ ਜੇਕਰ ਤੁਹਾਡਾ ਜੀਵਨ ਸਾਥੀ ਕੋਈ ਜਾਇਦਾਦ ਖਰੀਦਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਪੈਸਾ ਉਧਾਰ ਦੇਣਾ ਬਿਹਤਰ ਹੈ। ਉਹਨਾਂ ਸੰਪਤੀਆਂ ਤੋਂ ਹੋਣ ਵਾਲੀ ਆਮਦਨ ਦੀ ਵਰਤੋਂ ਕਰਜ਼ੇ ਦੀ ਅਦਾਇਗੀ ਲਈ ਕੀਤੀ ਜਾ ਸਕਦੀ ਹੈ। ਉਸ ਸਥਿਤੀ ਵਿੱਚ, ਸਿਰਫ ਜੀਵਨ ਸਾਥੀ (ਜਿਸ ਨੇ ਤੋਹਫ਼ਾ ਪ੍ਰਾਪਤ ਕੀਤਾ ਹੈ) ਨੂੰ ਆਮਦਨ 'ਤੇ ਟੈਕਸ ਅਦਾ ਕਰਨਾ ਹੋਵੇਗਾ।

ਇਹ ਵੀ ਪੜ੍ਹੋ :     ਜਲੰਧਰ ਪੁਲਸ ਦੀ ਵੱਡੀ ਕਾਰਵਾਈ, ਲੰਡਾ ਗੈਂਗ ਦੇ ਅੰਤਰਰਾਜੀ ਹਥਿਆਰਾਂ ਦੀ ਤਸਕਰੀ ਦੇ ਨੈੱਟਵਰਕ ਦਾ ਕੀਤਾ ਪਰਦਾਫਾਸ਼

ਟੈਕਸ ਬਚਾਉਣ ਦਾ ਤੋਹਫ਼ਾ

ਟੈਕਸ ਕਾਨੂੰਨਾਂ ਦਾ ਕਹਿਣਾ ਹੈ ਕਿ ਜੇਕਰ ਕੋਈ ਵਿਅਕਤੀ ਜਾਂ ਹਿੰਦੂ ਅਣਵੰਡੇ ਪਰਿਵਾਰ (HUF) ਇੱਕ ਸਾਲ ਵਿੱਚ 50,000 ਰੁਪਏ ਤੋਂ ਵੱਧ ਦੀ ਨਕਦੀ ਜਾਂ ਜਾਇਦਾਦ ਤੋਹਫ਼ੇ ਵਿੱਚ ਦਿੰਦਾ ਹੈ, ਤਾਂ ਤੋਹਫ਼ਾ ਪ੍ਰਾਪਤ ਕਰਨ ਵਾਲੇ ਨੂੰ ਇਸ 'ਤੇ ਟੈਕਸ ਅਦਾ ਕਰਨਾ ਹੋਵੇਗਾ।

ਇਨਕਮ ਟੈਕਸ ਐਕਟ ਦੀ ਧਾਰਾ 56 ਦੇ ਅਨੁਸਾਰ, ਇਸਨੂੰ ਦੂਜੇ ਸਰੋਤਾਂ ਤੋਂ ਆਮਦਨ' ਮੰਨਿਆ ਜਾਂਦਾ ਹੈ। ਭਾਵੇਂ ਤੋਹਫ਼ਾ ਚੱਲ ਜਾਂ ਅਚੱਲ ਹੈ, ਜੇਕਰ ਇਸਦੀ ਕੀਮਤ 50,000 ਰੁਪਏ ਤੋਂ ਵੱਧ ਹੈ, ਤਾਂ ਇਸ ਨੂੰ ਆਮਦਨ ਮੰਨਿਆ ਜਾਵੇਗਾ ਅਤੇ ਪੂਰਾ ਟੈਕਸ ਲਗਾਇਆ ਜਾਵੇਗਾ।"

ਪਰ ਰਿਸ਼ਤੇਦਾਰਾਂ ਤੋਂ ਮਿਲੇ ਤੋਹਫ਼ਿਆਂ 'ਤੇ ਟੈਕਸ ਨਹੀਂ ਲਗਾਇਆ ਜਾਂਦਾ, ਚਾਹੇ ਉਸ ਦੀ ਕੀਮਤ ਜ਼ਿਆਦਾ ਕਿਉਂ ਨਾ ਹੋਵੇ। ਇਨਕਮ ਟੈਕਸ ਐਕਟ ਦੀ ਧਾਰਾ 2 (41) ਦੇ ਅਨੁਸਾਰ, ਪਤੀ-ਪਤਨੀ ਵੀ 'ਰਿਸ਼ਤੇਦਾਰਾਂ' ਦੀ ਸ਼੍ਰੇਣੀ ਵਿੱਚ ਆਉਂਦੇ ਹਨ। ਇਸ ਅਰਥ ਵਿੱਚ, ਪਤੀ ਜਾਂ ਪਤਨੀ ਦੁਆਰਾ ਇੱਕ ਦੂਜੇ ਨੂੰ ਦਿੱਤੇ ਗਏ ਤੋਹਫ਼ੇ ਟੈਕਸ ਤੋਂ ਮੁਕਤ ਹਨ।

ਮਿਲ ਕੇ ਲਓ ਹੋਮ ਲੋਨ

ਜੇਕਰ ਪਤੀ-ਪਤਨੀ ਸਾਂਝੇ ਤੌਰ 'ਤੇ ਮਕਾਨ ਲਈ ਕਰਜ਼ਾ ਲੈਂਦੇ ਹਨ ਤਾਂ ਵੀ ਟੈਕਸ ਬਚ ਜਾਂਦਾ ਹੈ। ਇਨਕਮ ਟੈਕਸ ਐਕਟ ਦੀ ਧਾਰਾ 24 (ਬੀ) ਦੇ ਤਹਿਤ, ਕੋਈ ਨਾਗਰਿਕ 2 ਲੱਖ ਰੁਪਏ ਤੱਕ ਦੇ ਹੋਮ ਲੋਨ 'ਤੇ ਵਿਆਜ ਵਜੋਂ ਅਦਾ ਕੀਤੀ ਰਕਮ 'ਤੇ ਟੈਕਸ ਛੋਟ ਦਾ ਦਾਅਵਾ ਕਰ ਸਕਦਾ ਹੈ।

ਪਤੀ ਅਤੇ ਪਤਨੀ ਸਾਂਝੇ ਤੌਰ 'ਤੇ ਹੋਮ ਲੋਨ ਲੈਂਦੇ ਹੋ, ਤਾਂ ਦੋਵੇਂ ਵਿਆਜ 'ਤੇ ਟੈਕਸ ਛੋਟ ਦਾ ਦਾਅਵਾ ਕਰ ਸਕਦੇ ਹਨ। ਜੇਕਰ ਕਿਸੇ ਵਿਆਹੁਤਾ ਜੋੜੇ ਨੇ ਸਾਂਝੇ ਤੌਰ 'ਤੇ ਹੋਮ ਲੋਨ ਲਿਆ ਹੈ ਅਤੇ ਦੋਵਾਂ ਕੋਲ 50-50 ਫੀਸਦੀ ਦੀ ਹਿੱਸੇਦਾਰੀ ਹੈ, ਫਿਰ ਦੋਵੇਂ 2-2 ਲੱਖ ਰੁਪਏ ਦੀ ਟੈਕਸ ਛੋਟ ਦਾ ਦਾਅਵਾ ਕਰ ਸਕਦੇ ਹਨ ਯਾਨੀ ਕੁੱਲ 4 ਲੱਖ ਰੁਪਏ ਲਈ ਟੈਕਸ ਛੋਟ ਦਾ ਦਾਅਵਾ ਕੀਤਾ ਜਾ ਸਕਦਾ ਹੈ।

ਜੇਕਰ ਪਤੀ-ਪਤਨੀ ਸਾਂਝੇ ਤੌਰ 'ਤੇ ਹੋਮ ਲੋਨ ਲੈਂਦੇ ਹਨ, ਤਾਂ ਉਹ ਸੈਕਸ਼ਨ 80ਸੀ ਦੇ ਤਹਿਤ ਭੁਗਤਾਨ ਕੀਤੀ ਗਈ ਮੂਲ ਰਕਮ 'ਤੇ 3 ਲੱਖ ਰੁਪਏ ਤੱਕ ਦੀ ਟੈਕਸ ਛੋਟ ਦਾ ਦਾਅਵਾ ਕਰ ਸਕਦੇ ਹਨ। ਜੇਕਰ ਪਤੀ-ਪਤਨੀ ਦੋਵਾਂ ਲਈ ਟੈਕਸ ਦੀ ਕਟੌਤੀ ਕੀਤੀ ਜਾਂਦੀ ਹੈ, ਤਾਂ ਇਹ ਤਰੀਕਾ ਟੈਕਸ ਬਚਾਉਣ ਲਈ ਬਹੁਤ ਪ੍ਰਭਾਵਸ਼ਾਲੀ ਹੋਵੇਗਾ।

ਸਿਹਤ ਬੀਮਾ ਪ੍ਰੀਮੀਅਮ

ਫੈਮਿਲੀ ਫਲੋਟਰ ਪਲਾਨ ਦੇ ਪ੍ਰੀਮੀਅਮ ਨੂੰ ਸਾਂਝਾ ਕਰਕੇ, ਤੁਹਾਡਾ ਜੀਵਨ ਸਾਥੀ ਅਤੇ ਤੁਸੀਂ 25,000 ਰੁਪਏ ਤੱਕ ਦੀ ਟੈਕਸ ਛੋਟ ਦਾ ਦਾਅਵਾ ਕਰ ਸਕਦੇ ਹੋ। ਇਸ ਤਰ੍ਹਾਂ ਤੁਸੀਂ ਆਪਣੀ ਟੈਕਸਯੋਗ ਆਮਦਨੀ ਤੋਂ ਕੁੱਲ 50,000 ਰੁਪਏ ਦੀ ਕਟੌਤੀ ਕਰ ਸਕਦੇ ਹੋ।

ਹੋਰ ਤਰੀਕੇ

ਜੇਕਰ ਤੁਸੀਂ ਆਪਣੇ ਜੀਵਨ ਸਾਥੀ ਦੇ ਪਬਲਿਕ ਪ੍ਰੋਵੀਡੈਂਟ ਫੰਡ (PPF) ਖਾਤੇ ਵਿੱਚ ਨਿਵੇਸ਼ ਕਰਦੇ ਹੋ ਜਾਂ ਉਸਦੇ ਜੀਵਨ ਬੀਮਾ ਪ੍ਰੀਮੀਅਮ ਦਾ ਭੁਗਤਾਨ ਕਰਦੇ ਹੋ, ਤਾਂ ਵੀ ਤੁਸੀਂ ਧਾਰਾ 80C ਦੇ ਤਹਿਤ ਟੈਕਸ ਬਚਾ ਸਕਦੇ ਹੋ।

ਇਸ ਦੇ ਨਾਲ ਹੀ ਤੁਸੀਂ ਆਪਣੇ ਜੀਵਨ ਸਾਥੀ ਦੇ ਸਿੱਖਿਆ ਕਰਜ਼ੇ 'ਤੇ ਦਿੱਤੇ ਗਏ ਵਿਆਜ 'ਤੇ ਧਾਰਾ 80E ਦੇ ਤਹਿਤ ਟੈਕਸ ਛੋਟ ਦੀ ਮੰਗ ਵੀ ਕਰ ਸਕਦੇ ਹੋ।

ਨੋਟ - ਆਮਦਨ ਟੈਕਸ ਬਚਾਉਣ ਦੇ ਇਹ ਉਪਾਅ ਕੁਝ ਵਿਸ਼ੇਸ਼ ਨਿਯਮਾਂ ਅਧੀਨ ਹਨ। ਇਸ ਲਈ ਵਧੇਰੇ ਜਾਣਕਾਰੀ ਲਈ ਤੁਸੀਂ ਮਾਹਰਾਂ ਦੀ ਸਲਾਹ ਲੈ ਸਕਦੇ ਹੋ। 

ਇਹ ਵੀ ਪੜ੍ਹੋ :     ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਨੇ ਕੀਤੀ ਸਭ ਤੋਂ ਵੱਧ ਕਮਾਈ, ਟਾਟਾ ਦੀ ਇਸ ਕੰਪਨੀ ਨੂੰ ਹੋਇਆ ਘਾਟਾ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8