ਸ਼ੁਰੂਆਤੀ ਕਾਰੋਬਾਰ ''ਚ ਡਾਲਰ ਦੇ ਮੁਕਾਬਲੇ ਰੁਪਿਆ 17 ਪੈਸੇ ਮਜ਼ਬੂਤ ਹੋਇਆ
08/12/2021 12:46:26 PM
ਮੁੰਬਈ (ਭਾਸ਼ਾ) : ਅੰਤਰਬੈਂਕ ਵਿਦੇਸ਼ੀ ਮੁਦਰਾ ਬਾਜ਼ਾਰ ਵਿੱਚ ਸ਼ੁਰੂਆਤੀ ਕਾਰੋਬਾਰ ਵਿੱਚ ਰੁਪਿਆ ਵੀਰਵਾਰ ਨੂੰ 17 ਪੈਸੇ ਵਧ ਕੇ 74.27 ਪ੍ਰਤੀ ਡਾਲਰ ਦੇ ਪੱਧਰ 'ਤੇ ਪਹੁੰਚ ਗਿਆ। ਘਰੇਲੂ ਸ਼ੇਅਰ ਬਾਜ਼ਾਰਾਂ 'ਚ ਤੇਜ਼ੀ ਅਤੇ ਅਮਰੀਕੀ ਮੁਦਰਾ 'ਚ ਕਮਜ਼ੋਰ ਰੁਝਾਨ ਨੇ ਰੁਪਏ ਦੀ ਭਾਵਨਾ ਨੂੰ ਮਜ਼ਬੂਤ ਕੀਤਾ।
ਫਾਰੇਕਸ ਵਪਾਰੀਆਂ ਨੇ ਕਿਹਾ ਕਿ ਇਸ ਤੋਂ ਇਲਾਵਾ ਵਿਦੇਸ਼ੀ ਨਿਵੇਸ਼ ਦੇ ਨਵੇਂ ਪ੍ਰਵਾਹ ਨਾਲ ਘਰੇਲੂ ਮੁਦਰਾ ਨੂੰ ਵੀ ਲਾਭ ਹੋਇਆ ਹੈ। ਸ਼ੁਰੂਆਤ 'ਚ 74.26 ਪ੍ਰਤੀ ਡਾਲਰ 'ਤੇ ਖੁੱਲ੍ਹਣ ਤੋਂ ਬਾਅਦ ਰੁਪਿਆ 74.27 ਪ੍ਰਤੀ ਡਾਲਰ 'ਤੇ ਆ ਗਿਆ। ਇਹ ਬੁੱਧਵਾਰ ਦੇ ਸਮਾਪਤੀ ਪੱਧਰ ਦੇ ਮੁਕਾਬਲੇ 17 ਪੈਸੇ ਦਾ ਵਾਧਾ ਹੈ।
ਬੁੱਧਵਾਰ ਨੂੰ ਰੁਪਿਆ 74.44 ਪ੍ਰਤੀ ਡਾਲਰ ਦੇ ਪੱਧਰ 'ਤੇ ਬੰਦ ਹੋਇਆ ਸੀ। ਘਰੇਲੂ ਸ਼ੇਅਰ ਬਾਜ਼ਾਰ ਦੇ ਮੋਰਚੇ 'ਤੇ, ਬੀ.ਐਸ.ਈ. ਸੈਂਸੈਕਸ 160.60 ਅੰਕ ਜਾਂ 0.29 ਫੀਸਦੀ ਵਧ ਕੇ 54,686.53 'ਤੇ ਕਾਰੋਬਾਰ ਕਰ ਰਿਹਾ ਸੀ, ਜਦੋਂ ਕਿ ਵਿਆਪਕ ਐਨ.ਐਸ.ਈ. ਨਿਫਟੀ 45.45 ਅੰਕ ਭਾਵ 0.28 ਫੀਸਦੀ ਵਧ ਕੇ 16,327.70 'ਤੇ ਕਾਰੋਬਾਰ ਕਰ ਰਿਹਾ ਸੀ।
ਇਸ ਦੌਰਾਨ ਛੇ ਮੁਦਰਾਵਾਂ ਦੇ ਮੁਕਾਬਲੇ ਅਮਰੀਕੀ ਮੁਦਰਾ ਦੇ ਰੁਝਾਨ ਨੂੰ ਦਰਸਾਉਂਦਾ ਡਾਲਰ ਇੰਡੈਕਸ 0.05 ਫੀਸਦੀ ਘੱਟ ਕੇ 92.87 'ਤੇ ਰਿਹਾ। ਗਲੋਬਲ ਬੈਂਚਮਾਰਕ ਬ੍ਰੈਂਟ ਕੱਚਾ ਤੇਲ 0.04 ਫੀਸਦੀ ਵਧ ਕੇ 71.47 ਪ੍ਰਤੀ ਡਾਲਰ 'ਤੇ ਕਾਰੋਬਾਰ ਕਰ ਰਿਹਾ ਸੀ।
