ਸਰਕਾਰ ਦਾ ਵੱਡਾ ਫੈਸਲਾ, ਸੋਲਰ ਨਿਰਮਾਣ ਲਈ PLI ਫੰਡਿੰਗ ਵਧਾ ਕੇ 24 ਹਜ਼ਾਰ ਕਰੋੜ ਕੀਤੀ

ਨਵੀਂ ਦਿੱਲੀ : ਸਰਕਾਰ ਘਰੇਲੂ ਸੋਲਰ ਸੈੱਲ ਅਤੇ ਮਾਡਿਊਲ ਨਿਰਮਾਣ ਲਈ ਪ੍ਰੋਡਕਸ਼ਨ ਬੇਸਡ ਇੰਸੈਂਟਿਵ (ਪੀ.ਐੱਲ.ਆਈ.) ਸਕੀਮ ਦੇ ਤਹਿਤ ਫੰਡਿੰਗ ਵਧਾ ਕੇ 24,000 ਕਰੋੜ ਰੁਪਏ ਕਰੇਗੀ। ਫਿਲਹਾਲ ਇਹ ਰਕਮ 4,500 ਕਰੋੜ ਰੁਪਏ ਹੈ। ਬਿਜਲੀ ਅਤੇ ਨਵੀਂ ਅਤੇ ਨਵਿਆਉਣਯੋਗ ਊਰਜਾ ਮੰਤਰੀ ਆਰ ਕੇ ਸਿੰਘ ਨੇ ਕਿਹਾ, “ਅਸੀਂ ਸੋਲਰ ਸੈੱਲਾਂ ਅਤੇ ਮਾਡਿਊਲਾਂ ਲਈ 4,500 ਕਰੋੜ ਰੁਪਏ ਦੀ PLI ਸਕੀਮ ਲੈ ਕੇ ਆਏ। ਅਸੀਂ ਬੋਲੀਆਂ ਮੰਗੀਆਂ ਅਤੇ ਸਾਨੂੰ ਸੋਲਰ ਉਪਕਰਨਾਂ ਲਈ 54,500 ਮੈਗਾਵਾਟ ਸਮਰੱਥਾ ਮਿਲੀ। ਅਸੀਂ ਸਰਕਾਰ ਨੂੰ ਇਸ ਯੋਜਨਾ ਤਹਿਤ 19,000 ਕਰੋੜ ਰੁਪਏ ਹੋਰ ਦੇਣ ਲਈ ਕਿਹਾ ਹੈ। ਇਸ ਨੂੰ ਸਿਧਾਂਤਕ ਤੌਰ 'ਤੇ ਮਨਜ਼ੂਰੀ ਦੇ ਦਿੱਤੀ ਗਈ ਹੈ। ਹੁਣ ਸਾਡੇ ਕੋਲ 24,000 ਕਰੋੜ ਰੁਪਏ ਦੀ PLI ਸਕੀਮ ਹੈ। ਅਸੀਂ ਸੂਰਜੀ ਉਪਕਰਣ ਨਿਰਯਾਤ ਕਰਾਂਗੇ।

ਸਿੰਘ ਨੇ ਕਿਹਾ ਕਿ ਇਸ ਸਮੇਂ ਦੇਸ਼ ਵਿੱਚ ਸੋਲਰ ਮੋਡੀਊਲ ਨਿਰਮਾਣ ਸਮਰੱਥਾ 8,800 ਮੈਗਾਵਾਟ ਦੀ ਹੈ। ਜਦੋਂ ਕਿ ਸੋਲਰ ਸੈੱਲਾਂ ਦੀ ਨਿਰਮਾਣ ਸਮਰੱਥਾ 2,500 ਮੈਗਾਵਾਟ ਹੈ। ਇਸ ਸਾਲ ਅਪ੍ਰੈਲ ਵਿੱਚ, ਕੇਂਦਰੀ ਮੰਤਰੀ ਮੰਡਲ ਨੇ ਸੋਲਰ ਪੀਵੀ ਮਾਡਿਊਲਾਂ ਦੇ ਘਰੇਲੂ ਨਿਰਮਾਣ ਨੂੰ ਉਤਸ਼ਾਹਿਤ ਕਰਨ ਲਈ 4,500 ਕਰੋੜ ਰੁਪਏ ਦੀ PLI ਸਕੀਮ ਨੂੰ ਮਨਜ਼ੂਰੀ ਦਿੱਤੀ ਸੀ। ਇਸ ਯੋਜਨਾ ਦੇ ਤਹਿਤ, ਏਕੀਕ੍ਰਿਤ ਸੋਲਰ ਪੀਵੀ ਮਾਡਿਊਲਾਂ ਦੀ ਨਿਰਮਾਣ ਸਮਰੱਥਾ ਵਿੱਚ 10,000 ਮੈਗਾਵਾਟ ਨੂੰ ਜੋੜਨ ਦਾ ਟੀਚਾ ਹੈ। ਇਸ ਲਈ ਮੌਜੂਦਾ ਸਮੇਂ ਵਿੱਚ 17,200 ਕਰੋੜ ਰੁਪਏ ਦੇ ਸਿੱਧੇ ਨਿਵੇਸ਼ ਦੀ ਲੋੜ ਹੋਵੇਗੀ।

ਪੀ.ਐਲ.ਆਈ. ਸਕੀਮ ਦੇ ਤਹਿਤ ਅਲਾਟਮੈਂਟ ਨੂੰ ਵਧਾ ਕੇ 24,000 ਕਰੋੜ ਰੁਪਏ ਕਰਨ ਨਾਲ ਨਿਵੇਸ਼ ਦੀ ਮਾਤਰਾ ਅਤੇ ਘਰੇਲੂ ਨਿਰਮਾਣ ਸਮਰੱਥਾ ਵਿੱਚ ਹੋਰ ਵਾਧਾ ਹੋਵੇਗਾ। ਕੇਂਦਰੀ ਮੰਤਰੀ ਮੰਡਲ ਦੁਆਰਾ ਪ੍ਰਵਾਨਿਤ ਪੀ.ਐਲ.ਆਈ. ਸਕੀਮ ਰਾਸ਼ਟਰੀ ਉੱਚ ਕੁਸ਼ਲਤਾ ਸੋਲਰ ਪੀ.ਵੀ. ਮੋਡਿਊਲ ਪ੍ਰੋਗਰਾਮ ਦਾ ਉਦੇਸ਼ ਰਣਨੀਤਕ ਖੇਤਰਾਂ ਜਿਵੇਂ ਕਿ ਬਿਜਲੀ ਵਿੱਚ ਦਰਾਮਦਾਂ 'ਤੇ ਨਿਰਭਰਤਾ ਨੂੰ ਘਟਾਉਣਾ ਹੈ।

ਇਹ ਵੀ ਪੜ੍ਹੋ : ਗੁਪਤ ਰਿਪੋਰਟ 'ਚ ਵੱਡਾ ਖੁਲਾਸਾ : ਅਮਰੀਕੀ ਮਦਦ ਦੇ ਖਿਲਾਫ ਨੇਪਾਲ 'ਚ ਪ੍ਰਚਾਰ ਕਰ ਰਹੇ ਚੀਨੀ ਜਾਸੂਸ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।