ਸ਼ੇਅਰ ਬਾਜ਼ਾਰ 'ਚ ਵਾਧਾ : ਸੈਂਸੈਕਸ 274 ਅੰਕ ਚੜ੍ਹਿਆ ਤੇ ਨਿਫਟੀ 24,950 ਦੇ ਪਾਰ

ਮੁੰਬਈ - ਅੱਜ ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ 25 ਅਗਸਤ ਦੇ ਦਿਨ ਸ਼ੇਅਰ ਬਾਜ਼ਾਰ ਵਿਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਸੈਂਸੈਕਸ 274.26 ਅੰਕ ਭਾਵ 0.34% ਚੜ੍ਹ ਕੇ 81,581.11 ਦੇ ਪੱਧਰ 'ਤੇ ਕਾਰੋਬਾਰ ਕਰਦਾ ਦੇਖਿਆ ਜਾ ਰਿਹਾ ਹੈ। ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ, 19 ਸਟਾਕ ਵਾਧੇ ਨਾਲ ਅਤੇ 11 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਜਾ ਰਹੇ ਹਨ। ਇਨਫੋਸਿਸ, ਟੈਕ ਮਹਿੰਦਰਾ ਅਤੇ TCS ਉੱਪਰ ਹਨ। ICICI, HDFC ਅਤੇ ਬਜਾਜ ਫਿਨਸਰਵ ਸਟਾਕ ਹੇਠਾਂ ਹਨ।

ਦੂਜੇ ਪਾਸੇ ਨਿਫਟੀ ਵੀ 88.85 ਅੰਕ ਭਾਵ 0.36% ਦੇ ਵਾਧੇ ਨਾਲ 24,958.95 ਦੇ ਪੱਧਰ 'ਤੇ ਕਾਰੋਬਾਰ ਕਰ ਰਿਹਾ ਹੈ। ਮਿਡਕੈਪ ਅਤੇ ਸਮਾਲਕੈਪ ਇੰਡੈਕਸ ਵਿੱਚ ਚੰਗੀ ਖਰੀਦਦਾਰੀ ਹੈ। ਸੈਕਟਰਲ ਇੰਡੈਕਸ ਵਿੱਚੋਂ, ਆਈਟੀ ਇੰਡੈਕਸ ਵਧੀਆ ਪ੍ਰਦਰਸ਼ਨ ਕਰ ਰਿਹਾ ਸੀ। ਇਹ 1.5% ਵਧਿਆ ਸੀ। ਨਿਫਟੀ ਦੇ 50 ਸਟਾਕਾਂ ਵਿੱਚੋਂ, 39 ਉੱਪਰ ਹਨ ਅਤੇ 11 ਹੇਠਾਂ ਹਨ।

ਗਲੋਬਲ ਬਾਜ਼ਾਰਾਂ ਦਾ ਹਾਲ

ਜਾਪਾਨ ਦਾ ਨਿੱਕੇਈ 0.68% ਵਧ ਕੇ 42,922 'ਤੇ ਅਤੇ ਕੋਰੀਆ ਦਾ ਕੋਸਪੀ 0.92% ਵਧ ਕੇ 3,198 'ਤੇ ਕਾਰੋਬਾਰ ਕਰ ਰਿਹਾ ਹੈ।

ਹਾਂਗ ਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 2.04% ਵਧ ਕੇ 25,856 'ਤੇ ਅਤੇ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.86% ਵਧ ਕੇ 3,858 'ਤੇ ਕਾਰੋਬਾਰ ਕਰ ਰਿਹਾ ਹੈ।

ਅਮਰੀਕਾ ਦਾ ਡਾਓ ਜੋਨਸ 1.89% ਵਧ ਕੇ 45,632 'ਤੇ ਬੰਦ ਹੋਇਆ। ਇਸ ਦੌਰਾਨ, ਨੈਸਡੈਕ ਕੰਪੋਜ਼ਿਟ 1.88% ਵਧ ਕੇ 21,496 'ਤੇ ਅਤੇ ਐਸ ਐਂਡ ਪੀ 500 1.52% ਵਧ ਕੇ 6,467 'ਤੇ ਬੰਦ ਹੋਇਆ।

ਸ਼ੁੱਕਰਵਾਰ 22 ਅਗਸਤ ਨੂੰ  ਭਾਰਤੀ ਸ਼ੇਅਰ ਬਾਜ਼ਾਰ ਦਾ ਹਾਲ

ਸੈਂਸੈਕਸ 694 ਅੰਕ ਡਿੱਗ ਕੇ 81,307 'ਤੇ ਬੰਦ ਹੋਇਆ। ਸੈਂਸੈਕਸ ਦੇ 30 ਵਿੱਚੋਂ 23 ਸਟਾਕ ਡਿੱਗੇ ਤੇ 7 ਚੜ੍ਹ ਕੇ ਬੰਦ ਹੋਏ। ਨਿਫਟੀ ਵੀ 214 ਅੰਕ ਡਿੱਗ ਕੇ 24,870 'ਤੇ ਆ ਗਿਆ। ਨਿਫਟੀ ਦੇ 50 ਸਟਾਕਾਂ ਵਿੱਚੋਂ 42 ਡਿੱਗ ਗਏ ਅਤੇ ਸਿਰਫ਼ 8 ਵਧੇ।