ਸ਼ੇਅਰ ਬਾਜ਼ਾਰ ਦੀ ਲਾਲ ਨਿਸ਼ਾਨ ''ਚ Closing : ਸੈਂਸੈਕਸ 153 ਅੰਕ ਡਿੱਗਿਆ ਤੇ ਨਿਫਟੀ 25,046 ਦੇ ਪੱਧਰ ''ਤੇ

ਮੁੰਬਈ (ਭਾਸ਼ਾ) - ਅੱਜ ਬੁੱਧਵਾਰ ਨੂੰ ਸ਼ੁਰੂਆਤੀ ਕਾਰੋਬਾਰ ਵਿੱਚ ਸੈਂਸੈਕਸ ਅਤੇ ਨਿਫਟੀ ਵਿੱਚ ਵਾਧਾ ਦੇਖਣ ਨੂੰ ਮਿਲਿਆ। ਬਾਅਦ ਵਿਚ ਤੇਜ਼ ਉਤਰਾਅ-ਚੜ੍ਹਾਅ ਦਾ ਸਾਹਮਣਾ ਕਰਨਾ ਪਿਆ। ਇੰਡੀਆ VIX 1.5% ਉੱਪਰ ਸੀ। ਇਸ ਦੇ ਨਾਲ ਹੀ ਸੈਂਸੈਕਸ ਅਤੇ ਨਿਫਟੀ ਆਪਣੇ ਇੰਟਰਾਡੇ ਉੱਚ ਪੱਧਰ ਤੋਂ ਹੇਠਾਂ ਆ ਗਏ। ਕਾਰੋਬਾਰ ਦੇ ਅੰਤ ਤੱਕ ਬਾਜ਼ਾਰ ਸੁਸਤ ਸੁਰ ਵਿੱਚ ਵਾਪਸ ਆਇਆ, ਲਾਲ ਨਿਸ਼ਾਨ ਵਿੱਚ ਬੰਦ ਹੋਇਆ। ਬਾਜ਼ਾਰ ਉਤਰਾਅ-ਚੜ੍ਹਾਅ ਦੇ ਨਾਲ ਇੱਕ ਸੀਮਾ ਵਿੱਚ ਵਪਾਰ ਕਰਦਾ ਰਿਹਾ, ਪ੍ਰਮੁੱਖ ਬੈਂਚਮਾਰਕ ਸੂਚਕਾਂਕ, ਨਿਫਟੀ ਅਤੇ ਸੈਂਸੈਕਸ, ਆਪਣੇ ਦਿਨ ਦੇ ਹੇਠਲੇ ਪੱਧਰ ਦੇ ਨੇੜੇ ਬੰਦ ਹੋਏ। ਬੀਐਸਈ ਸੈਂਸੈਕਸ 153.09 ਅੰਕ ਭਾਵ 0.19% ਡਿੱਗ ਕੇ 81,773.66 ਦੇਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ ਸਿਰਫ਼ 9 ਸਟਾਕ ਵਾਧੇ ਨਾਲ ਅਤੇ 21 ਸਟਾਕ ਗਿਰਾਵਟ ਨਾਲ ਕਾਰੋਬਾਰ  ਕਰਦੇ ਦੇਖੇ ਗਏ।

ਟਾਪ ਗੇਨਰਸ

ਸੈਂਸੈਕਸ ਦੀਆਂ 30 ਕੰਪਨੀਆਂ ਵਿੱਚੋਂ, ਟਾਈਟਨ, ਇਨਫੋਸਿਸ, ਟਾਟਾ ਕੰਸਲਟੈਂਸੀ ਸਰਵਿਸਿਜ਼, ਐਚਸੀਐਲ ਟੈਕ , ਟੈਕ ਮਹਿੰਦਰਾ ਅਤੇ ਇਟਰਨਲ ਸਭ ਤੋਂ ਵੱਧ ਲਾਭ ਪ੍ਰਾਪਤ ਕਰਨ ਵਾਲੇ ਸਨ। 

ਟਾਪ ਲੂਜ਼ਰਸ

ਟਾਟਾ ਮੋਟਰਸ, ਮਹਿੰਦਰਾ ਐਂਡ ਮਹਿੰਦਰਾ bel, ਅਲਟਰਾਟੈਕ ਸੀਮੈਂਟ ਅਤੇ Trent ਘਾਟੇ ਵਿੱਚ ਸਨ। 

ਦੂਜੇ ਪਾਸੇ ਐਨਐਸਈ ਨਿਫਟੀ 62.15 ਅੰਕ ਭਾਵ 0.25% ਡਿੱਗ 25,046.15 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਬੈਂਕ ਨਿਫਟੀ ਆਪਣੇ ਦਿਨ ਦੇ ਉੱਚ ਪੱਧਰ ਤੋਂ 200 ਅੰਕ ਹੇਠਾਂ ਡਿੱਗ ਗਿਆ।

ਗਲੋਬਲ ਬਾਜ਼ਾਰਾਂ ਦਾ ਹਾਲ

ਏਸ਼ੀਆਈ ਬਾਜ਼ਾਰਾਂ ਵਿੱਚ, ਜਾਪਾਨ ਦਾ ਨਿੱਕੇਈ 225 ਹਰੇ ਰੰਗ ਵਿੱਚ ਸੀ, ਜਦੋਂ ਕਿ ਹਾਂਗ ਕਾਂਗ ਦਾ ਹੈਂਗ ਸੇਂਗ ਲਾਲ ਰੰਗ ਵਿੱਚ ਸੀ। ਚੀਨ ਅਤੇ ਦੱਖਣੀ ਕੋਰੀਆ ਦੇ ਬਾਜ਼ਾਰ ਛੁੱਟੀਆਂ ਲਈ ਬੰਦ ਹਨ। ਮੰਗਲਵਾਰ ਨੂੰ ਅਮਰੀਕੀ ਬਾਜ਼ਾਰ ਨਕਾਰਾਤਮਕ ਰੁਝਾਨ ਨਾਲ ਬੰਦ ਹੋਏ। ਅੰਤਰਰਾਸ਼ਟਰੀ ਬੈਂਚਮਾਰਕ ਬ੍ਰੈਂਟ ਕਰੂਡ 0.78 ਪ੍ਰਤੀਸ਼ਤ ਵਧ ਕੇ $65.96 ਪ੍ਰਤੀ ਬੈਰਲ 'ਤੇ ਪਹੁੰਚ ਗਿਆ। ਸਟਾਕ ਮਾਰਕੀਟ ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ (FII) ਮੰਗਲਵਾਰ ਨੂੰ ਖਰੀਦਦਾਰ ਰਹੇ, ਜਿਨ੍ਹਾਂ ਨੇ 1,440.66 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।