RBI ਦੇ ਫੈਸਲੇ ਤੋਂ ਬਾਅਦ 8 ਦਿਨਾਂ ਬਾਅਦ ਸ਼ੇਅਰ ਬਾਜ਼ਾਰ ''ਚ ਜ਼ਬਰਦਸਤ ਤੇਜ਼ੀ, ਸੈਂਸੈਕਸ 600 ਅੰਕਾਂ ਤੋਂ ਵੱਧ ਉਛਲਿਆ

ਬਿਜ਼ਨੈੱਸ ਡੈਸਕ - ਘਰੇਲੂ ਸ਼ੇਅਰ ਬਾਜ਼ਾਰ ਵਿੱਚ ਲਗਾਤਾਰ ਅੱਠ ਦਿਨਾਂ ਦੀ ਗਿਰਾਵਟ ਤੋਂ ਬਾਅਦ, ਅੱਜ ਰੌਣਕ ਵਾਪਸ ਆਈ ਹੈ ਅਤੇ ਤੇਜ਼ੀ ਦੇਖਣ ਨੂੰ ਮਿਲੀ ਹੈ।

ਇਹ ਵੀ ਪੜ੍ਹੋ :    ਤੋਬਾ-ਤੋਬਾ! ਨਵੇਂ ਰਿਕਾਰਡ ਉੱਚ ਪੱਧਰ 'ਤੇ ਪਹੁੰਚ ਗਈਆਂ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ

ਇਹ ਤੇਜ਼ੀ ਭਾਰਤੀ ਰਿਜ਼ਰਵ ਬੈਂਕ (RBI) ਦੀ ਮੁਦਰਾ ਨੀਤੀ ਕਮੇਟੀ (MPC) ਦੇ ਫੈਸਲੇ ਤੋਂ ਬਾਅਦ ਆਈ ਹੈ। ਆਰਬੀਆਈ ਨੇ ਰੈਪੋ ਦਰ ਵਿੱਚ ਕੋਈ ਬਦਲਾਅ ਨਾ ਕਰਨ ਦਾ ਫੈਸਲਾ ਕੀਤਾ ਹੈ ਅਤੇ ਇਸਨੂੰ 5.5 ਪ੍ਰਤੀਸ਼ਤ 'ਤੇ ਬਰਕਰਾਰ ਰੱਖਿਆ ਹੈ, ਜਦੋਂ ਕਿ ਆਪਣਾ ਰੁਖ 'ਨਿਊਟਰਲ' ਬਣਾਈ ਰੱਖਿਆ ਹੈ।

ਦੁਪਹਿਰ 12 ਵਜੇ, ਬੀਐਸਈ ਸੈਂਸੈਕਸ ਵਿੱਚ 600 ਅੰਕਾਂ ਤੋਂ ਵੱਧ ਦੀ ਤੇਜ਼ੀ ਆਈ ਸੀ। ਸੈਂਸੈਕਸ 640.83 ਅੰਕ (0.80% ਦੀ ਤੇਜ਼ੀ) ਦੇ ਨਾਲ 80,908.45 ਅੰਕਾਂ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਇਸੇ ਤਰ੍ਹਾਂ, ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ50 ਇੰਡੈਕਸ ਵੀ 181.85 ਅੰਕ (0.74% ਦੀ ਤੇਜ਼ੀ) ਨਾਲ 24,792.95 ਅੰਕਾਂ 'ਤੇ ਟ੍ਰੇਡ ਕਰ ਰਿਹਾ ਸੀ।

ਇਹ ਵੀ ਪੜ੍ਹੋ :     SBI ਕਾਰਡ ਧਾਰਕਾਂ ਲਈ ਵੱਡਾ ਝਟਕਾ! ਬਦਲ ਜਾਣਗੇ ਇਹ ਨਿਯਮ, ਲੱਗੇਗਾ Extra charge

ਮਹੱਤਵਪੂਰਨ ਅੰਕੜੇ ਅਤੇ ਸੈਕਟਰ: RBI ਨੇ ਵਿੱਤੀ ਸਾਲ 2026 ਲਈ ਮਹਿੰਗਾਈ ਦੇ ਅਨੁਮਾਨ ਨੂੰ ਘਟਾ ਕੇ 2.6% ਕਰ ਦਿੱਤਾ ਹੈ, ਜਦੋਂ ਕਿ ਜੀਡੀਪੀ (GDP) ਦਾ ਅਨੁਮਾਨ ਵਧਾ ਕੇ 6.8 ਪ੍ਰਤੀਸ਼ਤ ਕਰ ਦਿੱਤਾ ਗਿਆ ਹੈ।

ਇਹ ਵੀ ਪੜ੍ਹੋ :     39ਵੀਂ ਵਾਰ ਤੋੜਿਆ ਸੋਨੇ ਦੀਆਂ ਕੀਮਤਾਂ ਨੇ ਰਿਕਾਰਡ, ਆਲ ਟਾਈਮ ਉੱਚ ਪੱਧਰ 'ਤੇ ਪਹੁੰਚੇ ਭਾਅ

ਵਿਆਪਕ ਬਾਜ਼ਾਰਾਂ ਵਿੱਚ ਵੀ ਵਾਧਾ ਦੇਖਣ ਨੂੰ ਮਿਲਿਆ। ਨਿਫਟੀ ਬੈਂਕ ਸੈਕਟਰ 0.66 ਪ੍ਰਤੀਸ਼ਤ, ਆਟੋ ਸੈਕਟਰ 0.54 ਪ੍ਰਤੀਸ਼ਤ, ਅਤੇ ਰਿਐਲਟੀ ਸੈਕਟਰ 0.41 ਪ੍ਰਤੀਸ਼ਤ ਉੱਪਰ ਚੜ੍ਹੇ। ਬੀਐਸਈ 'ਤੇ ਟ੍ਰੈਂਟ, ਟਾਟਾ ਮੋਟਰਜ਼, ਕੋਟਕ ਮਹਿੰਦਰਾ ਬੈਂਕ, ਮਹਿੰਦਰਾ ਐਂਡ ਮਹਿੰਦਰਾ ਅਤੇ ਆਈਸੀਆਈਸੀਆਈ ਬੈਂਕ ਸਭ ਤੋਂ ਵੱਧ ਵਧਣ ਵਾਲੇ ਸ਼ੇਅਰਾਂ ਵਿੱਚ ਸ਼ਾਮਲ ਸਨ।

ਇਹ ਵੀ ਪੜ੍ਹੋ :     ਟਰੰਪ ਦਾ ਨਵਾਂ ਧਮਾਕਾ ; ਹੁਣ ਫਿਲਮਾਂ ’ਤੇ ਲਾਇਆ 100 ਫੀਸਦੀ ਟੈਰਿਫ, ਫਰਨੀਚਰ 'ਤੇ ਵੀ ਲੱਗੇਗਾ ਭਾਰੀ ਟੈਕਸ

ਸਰਕਾਰੀ ਬੈਂਕਾਂ ਵਿੱਚ ਗਿਰਾਵਟ: ਹਾਲਾਂਕਿ, ਸਰਕਾਰੀ ਬੈਂਕਾਂ (PSU) ਦੇ ਸ਼ੇਅਰਾਂ ਵਿੱਚ ਗਿਰਾਵਟ ਆਈ ਹੈ। ਨਿਫਟੀ ਪੀਐਸਯੂ ਬੈਂਕ ਇੰਡੈਕਸ 0.78% ਹੇਠਾਂ ਆ ਗਿਆ। ਇੰਡੀਅਨ ਬੈਂਕ ਅਤੇ ਕੈਨਰਾ ਬੈਂਕ ਵਿੱਚ ਸਭ ਤੋਂ ਵੱਧ 1.43% ਗਿਰਾਵਟ ਦਰਜ ਕੀਤੀ ਗਈ। ਦੇਸ਼ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ ਐਸਬੀਆਈ (SBI) ਅਤੇ ਬੈਂਕ ਆਫ ਬੜੌਦਾ ਦੇ ਸ਼ੇਅਰਾਂ ਵਿੱਚ 0.5% ਤੋਂ 0.7% ਤੱਕ ਗਿਰਾਵਟ ਰਹੀ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8