ਸ਼ੇਅਰ ਬਾਜ਼ਾਰ : ਸੈਂਸੈਕਸ 500 ਅੰਕ ਉਛਲਿਆ ਤੇ ਨਿਫਟੀ ਨੇ ਪਾਰ ਕੀਤਾ 17000 ਦਾ ਪੱਧਰ

ਮੁੰਬਈ - ਹਫਤੇ ਦੇ ਆਖਰੀ ਕਾਰੋਬਾਰੀ ਦਿਨ ਭਾਰਤੀ ਸ਼ੇਅਰ ਬਾਜ਼ਾਰ ਦੀ ਸ਼ੁਰੂਆਤ ਮਜ਼ਬੂਤੀ ਨਾਲ ਹੋਈ ਹੈ। ਸੈਂਸੈਕਸ 508.65 ਅੰਕ ਭਾਵ 0.89% ਵਧ ਕੇ 57366.44 'ਤੇ ਅਤੇ ਨਿਫਟੀ 154.70 ਅੰਕ ਭਾਵ 0.91% ਵਧ ਕੇ 17084.30 'ਤੇ ਕਾਰੋਬਾਰ ਕਰ ਰਿਹਾ ਹੈ। ਸ਼ੁੱਕਰਵਾਰ ਦੇ ਸ਼ੁਰੂਆਤੀ ਕਾਰੋਬਾਰ 'ਚ ਸੈਂਸੈਕਸ ਅਤੇ ਨਿਫਟੀ ਦੋਵਾਂ 'ਚ ਇਕ-ਇਕ ਫੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ।

ਗਲੋਬਲ ਬਾਜ਼ਾਰਾਂ ਦਾ ਹਾਲ

ਵੀਰਵਾਰ ਨੂੰ ਅਮਰੀਕੀ ਬਾਜ਼ਾਰਾਂ 'ਚ ਲਗਾਤਾਰ ਦੂਜੇ ਦਿਨ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਯੂਐਸ ਫੈੱਡ ਨੇ ਦਰਾਂ ਵਿੱਚ ਵਾਧੇ ਵਿੱਚ ਹਮਲਾਵਰ ਮੁਹਿੰਮ ਨੂੰ ਖਤਮ ਕਰਨ ਦਾ ਸੰਕੇਤ ਦਿੱਤਾ ਹੈ, ਜਿਸ ਨਾਲ ਭਾਵਨਾ ਵਿੱਚ ਸੁਧਾਰ ਹੋਇਆ ਹੈ। ਵੀਰਵਾਰ ਨੂੰ ਡਾਓ ਜੋਂਸ 332 ਅੰਕ ਜਾਂ 1% ਵਧ ਕੇ 32,529.63 'ਤੇ ਬੰਦ ਹੋਇਆ। SP 500 ਇੰਡੈਕਸ 1.2% ਵਧ ਕੇ 4,072.43 'ਤੇ ਬੰਦ ਹੋਇਆ। ਜਦੋਂ ਕਿ ਨੈਸਡੈਕ 1.1% ਵਧ ਕੇ 12,162.59 'ਤੇ ਬੰਦ ਹੋਇਆ। ਜਾਪਾਨ ਦੇ ਨਿੱਕੇਈ ਇੰਡੈਕਸ 'ਚ ਵੀ 0.27 ਫੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਦੇ ਨਾਲ ਹੀ ਦੱਖਣੀ ਕੋਰੀਆ ਦੇ ਕੋਸਪੀ 'ਚ 0.6 ਫੀਸਦੀ ਅਤੇ ਕੋਸਡੈਕ 'ਚ 0.56 ਫੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਦੱਸ ਦੇਈਏ ਕਿ ਭਾਰਤੀ ਸ਼ੇਅਰ ਬਾਜ਼ਾਰ 'ਚ ਵੀਰਵਾਰ ਨੂੰ ਐੱਫ.ਆਈ.ਆਈਜ਼ ਨੇ 1638 ਕਰੋੜ ਰੁਪਏ ਦੀ ਨਕਦੀ ਖਰੀਦੀ ਹੈ ਜਦਕਿ ਡੀਆਈਆਈਜ਼ ਨੇ 600 ਕਰੋੜ ਰੁਪਏ ਦੀ ਨਕਦੀ ਖਰੀਦੀ ਹੈ।

ਟਾਪ ਗੇਨਰਜ਼

ਐਸਬੀਆਈ ਲਾਈਫ ਇੰਸ਼ੋਰੈਂਸ, ਬਜਾਜ ਫਿਨਸਰਵ, ਐਚਡੀਐਫਸੀ ਲਾਈਫ, ਆਈਸ਼ਰ ਮੋਟਰਜ਼ ,ਟਾਈਟਨ ਨਿਫਟੀ

ਟਾਪ ਲੂਜ਼ਰਜ਼

ਡਾ. ਰੈਡੀਜ਼ ਲੈਬਾਰਟਰੀਜ਼ , ਸਨ ਫਾਰਮਾ 

ਇਹ ਵੀ ਪੜ੍ਹੋ : ਪਾਬੰਦੀ ਦੇ ਬਾਵਜੂਦ ਪਾਕਿਸਤਾਨ ਨੇ ਲਗਜ਼ਰੀ ਵਸਤੂਆਂ ਦੀ ਸਪਲਾਈ ਰੱਖੀ ਜਾਰੀ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।