ਰਿਕਾਰਡ ਉੱਚ ਪੱਧਰ ਤੇ ਖੁੱਲ੍ਹਿਆ ਸ਼ੇਅਰ ਬਾਜ਼ਾਰ, ਸੈਂਸੈਕਸ 201 ਅੰਕ ਚੜ੍ਹਿਆ ਤੇ ਨਿਫਟੀ 18,000 ਦੇ ਪਾਰ

ਮੁੰਬਈ - ਅੱਜ ਸ਼ੇਅਰ ਬਾਜ਼ਾਰ ਹਫਤੇ ਦੇ ਤੀਜੇ ਕਾਰੋਬਾਰੀ ਦਿਨ ਭਾਵ ਬੁੱਧਵਾਰ ਨੂੰ ਉੱਚਤਮ ਪੱਧਰ 'ਤੇ ਖੁੱਲ੍ਹਿਆ ਹੈ। ਬੰਬਈ ਸਟਾਕ ਐਕਸਚੇਂਜ ਦਾ ਪ੍ਰਮੁੱਖ ਸੂਚਕ ਅੰਕ ਸੈਂਸੈਕਸ 201.01 ਅੰਕ ਭਾਵ 0.33 ਫੀਸਦੀ ਦੇ ਵਾਧੇ ਨਾਲ 60485.32 'ਤੇ ਖੁੱਲ੍ਹਿਆ। ਦੂਜੇ ਪਾਸੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 82.50 ਅੰਕਾਂ ਭਾਵ 0.46 ਫੀਸਦੀ ਦੇ ਵਾਧੇ ਨਾਲ 18074.50 'ਤੇ ਖੁੱਲ੍ਹਿਆ। ਅੱਜ 1480 ਸ਼ੇਅਰ ਵਧੇ, 407 ਸ਼ੇਅਰਾਂ ਵਿੱਚ ਗਿਰਾਵਟ ਅਤੇ 74 ਸ਼ੇਅਰਾਂ ਵਿੱਚ ਕੋਈ ਬਦਲਾਅ ਨਹੀਂ ਰਿਹਾ। ਪਿਛਲੇ ਹਫਤੇ ਬੀਐਸਈ ਦੇ 30 ਸ਼ੇਅਰਾਂ ਵਾਲਾ ਸੈਂਸੈਕਸ 1,293.48 ਅੰਕ ਜਾਂ 2.20 ਫੀਸਦੀ ਵਧਿਆ ਸੀ। 

ਕਰੂਡ 83 ਡਾਲਰ ਦੇ ਪਾਰ 

ਬ੍ਰੈਂਟ ਕੱਚੇ ਤੇਲ ਦੀ ਕੀਮਤ 83 ਡਾਲਰ ਪ੍ਰਤੀ ਬੈਰਲ ਤੋਂ ਉਪਰ ਹੈ। ਗਲੋਬਲ ਸਪਲਾਈ ਪੱਖ ਦੀਆਂ ਚਿੰਤਾਵਾਂ ਦੇ ਕਾਰਨ ਕਰੂਡ ਦੀਆਂ ਕੀਮਤਾਂ ਨੂੰ ਸਮਰਥਨ ਮਿਲ ਰਿਹਾ ਹੈ। ਯੂ.ਐਸ. ਵਿੱਚ ਵੀ ਅਜੇ ਇਨਵੈਂਟਰੀ ਆਮ ਨਹੀਂ ਹੈ। ਕੱਚਾ ਇੱਕ ਸਾਲ ਵਿੱਚ 80% ਤੋਂ ਜ਼ਿਆਦਾ ਮਹਿੰਗਾ ਹੋ ਗਿਆ ਹੈ।

ਟਾਪ ਗੇਨਰਜ਼

ਟੈਕ ਮਹਿੰਦਰਾ, ਐਮ ਐਂਡ ਐਮ, ਏਸ਼ੀਅਨ ਪੇਂਟਸ, ਕੋਟਕ ਬੈਂਕ, ਐਲ ਐਂਡ ਟੀ, ਪਾਵਰ ਗਰਿੱਡ, ਬਜਾਜ ਫਾਈਨਾਂਸ, ਆਈਸੀਆਈਸੀਆਈ ਬੈਂਕ, ਐਨਟੀਪੀਸੀ, ਬਜਾਜ ਆਟੋ, ਬਜਾਜ ਫਿਨਸਰਵ, ਐਚਸੀਐਲ ਟੈਕ, ਰਿਲਾਇੰਸ, ਆਈਟੀਸੀ, ਐਚਡੀਐਫਸੀ ਬੈਂਕ, ਭਾਰਤੀ ਏਅਰਟੈਲ, ਟੀਸੀਐਸ, ਸੀਮੈਂਟ ਦੇ ਅਲਟਰਾਟੈਕ ਸ਼ੇਅਰ, ਇੰਡਸਇੰਡ ਬੈਂਕ, ਐਚਡੀਐਫਸੀ, ਐਕਸਿਸ ਬੈਂਕ, ਡਾ: ਰੈਡੀ, ਸਨ ਫਾਰਮਾ, ਐਸਬੀਆਈ, ਮਾਰੂਤੀ, ਟਾਈਟਨ, ਨੇਸਲੇ ਇੰਡੀਆ

ਟਾਪ ਲੂਜ਼ਰਜ਼

ਟਾਟਾ ਸਟੀਲ, ਹਿੰਦੁਸਤਾਨ ਯੂਨੀਲੀਵਰ ਅਤੇ ਇਨਫੋਸਿਸ

ਵਿਦੇਸ਼ੀ ਬਾਜ਼ਾਰ ਦਾ ਹਾਲ

ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕ (ਐਫਆਈਆਈ) ਪੂੰਜੀ ਬਾਜ਼ਾਰ ਵਿੱਚ ਸ਼ੁੱਧ ਵਿਕਰੇਤਾ ਸਨ ਅਤੇ ਸ਼ੇਅਰ ਬਾਜ਼ਾਰ ਦੇ ਅੰਕੜਿਆਂ ਅਨੁਸਾਰ ਮੰਗਲਵਾਰ ਨੂੰ 278.32 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਹੋਰ ਪ੍ਰਮੁੱਖ ਏਸ਼ੀਆਈ ਸਟਾਕ ਐਕਸਚੇਂਜਾਂ ਵਿੱਚ, ਸ਼ੰਘਾਈ ਅਤੇ ਟੋਕੀਓ ਦੇ ਸ਼ੇਅਰ ਮੱਧ-ਸੈਸ਼ਨ ਸੌਦਿਆਂ ਵਿੱਚ ਘਾਟੇ ਨਾਲ ਵਪਾਰ ਕਰ ਰਹੇ ਸਨ, ਜਦੋਂ ਕਿ ਸਿਓਲ ਦਾ ਸ਼ੇਅਰ ਬਾਜ਼ਾਰ ਲਾਭ ਦੇ ਨਾਲ ਵਪਾਰ ਕਰ ਰਿਹਾ ਸੀ। ਇਸ ਦੌਰਾਨ ਅੰਤਰਰਾਸ਼ਟਰੀ ਤੇਲ ਬੈਂਚਮਾਰਕ ਬ੍ਰੈਂਟ ਕੱਚਾ 0.31 ਫੀਸਦੀ ਡਿੱਗ ਕੇ 83.16 ਡਾਲਰ ਪ੍ਰਤੀ ਬੈਰਲ 'ਤੇ ਆ ਗਿਆ।