ਸ਼ੇਅਰ ਬਾਜ਼ਾਰ ''ਚ ਵਾਧਾ : ਸੈਂਸੈਕਸ 149 ਅੰਕ ਚੜ੍ਹਿਆ ਤੇ ਨਿਫਟੀ 16,546 ਅੰਕ ''ਤੇ ਖੁੱਲ੍ਹਿਆ
Tuesday, Aug 24, 2021 - 10:32 AM (IST)
ਮੁੰਬਈ - ਮੰਗਲਵਾਰ ਨੂੰ ਇੰਫੋਸਿਸ, ਟਾਟਾ ਸਟੀਲ ਅਤੇ ਰਿਲਾਇੰਸ ਇੰਡਸਟਰੀਜ਼ ਵਰਗੀਆਂ ਵੱਡੀਆਂ ਕੰਪਨੀਆਂ ਦੇ ਸ਼ੇਅਰਾਂ ਵਿੱਚ ਹੋਏ ਵਾਧੇ ਨਾਲ ਸੈਂਸੈਕਸ ਮੰਗਲਵਾਰ ਦੇ ਸ਼ੁਰੂਆਤੀ ਕਾਰੋਬਾਰ ਵਿੱਚ 149 ਅੰਕ ਵਧਿਆ। ਗਲੋਬਲ ਬਾਜ਼ਾਰਾਂ ਵਿੱਚ ਇੱਕ ਸਕਾਰਾਤਮਕ ਰੁਝਾਨ ਨੇ ਵੀ ਇੱਥੇ ਬਾਜ਼ਾਰ ਦੀ ਭਾਵਨਾ ਨੂੰ ਮਜ਼ਬੂਤ ਕੀਤਾ ਹੈ। ਸ਼ੁਰੂਆਤੀ ਕਾਰੋਬਾਰ 'ਚ ਬੀ.ਐਸ.ਈ. ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ 148.72 ਅੰਕ ਜਾਂ 0.27 ਫੀਸਦੀ ਵਧ ਕੇ 55,704.51 ਅੰਕਾਂ 'ਤੇ ਪਹੁੰਚ ਗਿਆ। ਦੂਜੇ ਪਾਸੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਸ਼ੁਰੂਆਤੀ ਕਾਰੋਬਾਰ ਵਿੱਚ 49.15 ਅੰਕ ਜਾਂ 0.30 ਫੀਸਦੀ ਵਧ ਕੇ 16,545.60 'ਤੇ ਰਿਹਾ।
ਟਾਪ ਗੇਨਰਜ਼
ਸੈਂਸੈਕਸ ਕੰਪਨੀਆਂ ਵਿੱਚ ਟਾਟਾ ਸਟੀਲ ਦਾ ਸ਼ੇਅਰ ਸਭ ਤੋਂ ਵੱਧ ਤਿੰਨ ਫ਼ੀਸਦੀ ਚੜ੍ਹੇ। ਟੇਕ ਮਹਿੰਦਰਾ, ਐਨ.ਟੀ.ਪੀ.ਸੀ., ਐਲ.ਐਂਡ.ਟੀ., ਪਾਵਰ ਗ੍ਰਿਡ, ਇੰਡਸਇੰਡ ਬੈਂਕ ਅਤੇ ਅਲਟਰਾਟੈਕ ਸੀਮੈਂਟ ਦੇ ਸ਼ੇਅਰਾਂ ਵਿੱਚ ਵੀ ਤੇਜ਼ੀ ਰਹੀ।
ਟਾਪ ਲੂਜ਼ਰਜ਼
ਦੂਜੇ ਪਾਸੇ ਮਾਰੂਤੀ, ਏਸ਼ੀਅਨ ਪੇਂਟਸ, ਕੋਟਕ ਬੈਂਕ ਅਤੇ ਐਚ.ਡੀ.ਐਫ.ਸੀ. ਵਿੱਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਪਿਛਲੇ ਕਾਰੋਬਾਰੀ ਸੈਸ਼ਨ 'ਚ ਸੈਂਸੈਕਸ 226.47 ਅੰਕ ਜਾਂ 0.41 ਫੀਸਦੀ ਦੇ ਵਾਧੇ ਨਾਲ 55,555.79' ਤੇ ਬੰਦ ਹੋਇਆ ਸੀ। ਨਿਫਟੀ 45.95 ਅੰਕ ਜਾਂ 0.28 ਫੀਸਦੀ ਵਧ ਕੇ 16,496.45 'ਤੇ ਸੀ।
