ਸੈਂਸੈਕਸ ''ਚ 290 ਅੰਕਾਂ ਕਮਜ਼ੋਰੀ, ਨਿਫਟੀ 9000 ਦੇ ਹੇਠਾਂ ਖੁੱਲ੍ਹਿਆ

04/16/2020 10:01:30 AM

ਮੁੰਬਈ - ਸਟਾਕ ਮਾਰਕੀਟ ਹਫਤੇ ਦੇ ਤੀਜੇ ਕਾਰੋਬਾਰੀ ਦਿਨ ਯਾਨੀ ਵੀਰਵਾਰ ਨੂੰ ਗਿਰਾਵਟ ਨਾਲ ਖੁੱਲ੍ਹਿਆ। ਅੱਜ ਬੰਬਈ ਸਟਾਕ ਐਕਸਚੇਂਜ ਦਾ ਇੰਡੈਕਸ ਸੈਂਸੈਕਸ 290.73 ਅੰਕ ਯਾਨੀ 0.96% ਦੀ ਗਿਰਾਵਟ ਨਾਲ 30089.08 ਦੇ ਪੱਧਰ 'ਤੇ ਖੁੱਲ੍ਹਿਆ। ਇਸ ਦੇ ਨਾਲ ਹੀ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 76.15 ਅੰਕ ਯਾਨੀ ਕਿ 0.85 ਫੀਸਦੀ ਦੀ ਗਿਰਾਵਟ ਨਾਲ 8849.15 ਅੰਕ  'ਤੇ ਖੁੱਲ੍ਹਿਆ।

ਦੁਨੀਆ ਭਰ ਦੇ ਬਾਜ਼ਾਰਾਂ ਵਿਚ ਗਿਰਾਵਟ

ਬੁੱਧਵਾਰ ਨੂੰ ਗਲੋਬਲ ਬਾਜ਼ਾਰਾਂ ਵਿਚ ਗਿਰਾਵਟ ਦੇ ਕਾਰਨ ਘਰੇਲੂ ਬਾਜ਼ਾਰ ਵਿਚ ਵੀ ਗਿਰਾਵਟ ਦੇਖਂ ਨੂੰ ਮਿਲੀ। ਅਮਰੀਕੀ ਬਾਜ਼ਾਰ ਡਾਓ ਜੋਨਸ 1.86% ਦੀ ਗਿਰਾਵਟ ਦੇ ਨਾਲ 445.41 ਅੰਕ 'ਤੇ 23,504.30' ਤੇ ਬੰਦ ਹੋਇਆ. ਨੈਸਡੇਕ 1.44 ਫੀਸਦੀ ਦੀ ਗਿਰਾਵਟ ਦੇ ਨਾਲ 122.56 ਅੰਕ ਹੇਠਾ 8,393.18 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਐੱਸ ਐਂਡ ਪੀ ਦੀ 2.20 ਪ੍ਰਤੀਸ਼ਤ ਦੀ ਗਿਰਾਵਟ ਦੇ ਨਾਲ 62.70 ਅੰਕ ਹੇਠਾਂ 2,783.36' ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਫਰਾਂਸ, ਕੈਨੇਡਾ, ਜਰਮਨੀ, ਇਟਲੀ ਅਤੇ ਜਾਪਾਨ ਦੇ ਸ਼ੇਅਰ ਬਾਜ਼ਾਰਾਂ ਵਿਚ ਵੀ ਗਿਰਾਵਟ ਦੇਖਣ ਨੂੰ ਮਿਲੀ। ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ 0.07 ਅੰਕ ਦੀ ਤੇਜ਼ੀ ਨਾਲ 2.08 ਅੰਕ ਉੱਪਰ 2,813.26 ਦੇ ਪੱਧਰ 'ਤੇ ਬੰਦ ਹੋਇਆ।

ਸੈਕਟੋਰੀਅਲ ਇੰਡੈਕਸ ਦਾ ਹਾਲ

ਜੇਕਰ ਸੈਕਟਰਲ ਇੰਡੈਕਸ ਦੀ ਗੱਲ ਕਰੀਏ ਤਾਂ ਸਾਰੇ ਸੈਕਟਰ ਅੱਜ ਲਾਲ ਨਿਸ਼ਾਨ 'ਤੇ ਖੁੱਲ੍ਹੇ। ਇਨ੍ਹਾਂ ਵਿਚ ਐਫਐਮਸੀਜੀ, ਮੀਡੀਆ, ਰੀਅਲਟੀ, ਬੈਂਕ, ਪ੍ਰਾਈਵੇਟ ਬੈਂਕ, ਆਟੋ, ਮੈਟਲ, ਫਾਰਮਾ, ਆਈ ਟੀ ਅਤੇ ਪੀਐਸਯੂ ਬੈਂਕ ਸ਼ਾਮਲ ਹਨ।

ਟਾਪ ਗੇਨਰਜ਼

ਐਨਟੀਪੀਸੀ, ਓਐਨਜੀਸੀ, ਵੇਦਾਂਤ ਲਿਮਟਿਡ, ਰਿਲਾਇੰਸ, ਸਿਪਲਾ, ਐਚਸੀਐਲ ਟੇਕ, ਆਈਟੀਸੀ

ਟਾਪ ਲੂਜ਼ਰਜ਼

ਇੰਫਰਾਟੈਲ, ਵਿਪਰੋ, ਐਕਸਿਸ ਬੈਂਕ, ਇੰਫੋਸਿਸ, ਟਾਈਟਨ, ਟਾਟਾ ਸਟੀਲ, ਬਜਾਜ ਫਾਈਨੈਂਸ, ਟੇਕ ਮਹਿੰਦਰਾ 


 


Harinder Kaur

Content Editor

Related News