ਸੇਬੀ ਨੇ ISSL, AFSPL ਅਤੇ ਤਿੰਨ ਲੋਕਾਂ ''ਤੇ ਲਗਾਇਆ 32 ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਜੁਰਮਾਨਾ
Monday, Jul 05, 2021 - 05:40 PM (IST)
ਮੁੰਬਈ - ਸੇਬੀ ਨੇ ਆਈ.ਐਲ.ਐਂਡ.ਐਫ. ਸਿਕਉਰਿਟੀ ਸਰਵਿਸਿਜ਼ ਲਿਮਟਿਡ (ਆਈਐਸਐਸਐਲ), ਅਲਾਈਡ ਫਾਈਨੈਂਸ਼ੀਅਲ ਸਰਵਿਸਿਜ਼ ਪ੍ਰਾਈਵੇਟ ਲਿਮਟਿਡ (ਏਐਫਐਸਪੀਐਲ) ਅਤੇ ਤਿੰਨ ਹੋਰਾਂ ਨੂੰ 32 ਕਰੋੜ ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਹੈ। ਇਹ ਜੁਰਮਾਨਾ ਇਨ੍ਹਾਂ ਤਿੰਨ ਕੰਪਨੀਆਂ ਦੇ ਮਿਊਚੁਅਲ ਫੰਡ ਯੂਨਿਟਾਂ ਦੇ ਕਥਿਤ ਧੋਖਾਧੜੀ ਨਾਲ ਕੀਤੇ ਗਏ ਲੈਣ-ਦੇਣ ਦੇ ਸਬੰਧ ਵਿੱਚ ਲਗਾਇਆ ਗਿਆ ਹੈ। ਇਸ ਤੋਂ ਇਲਾਵਾ ਪੂੰਜੀ ਬਾਜ਼ਾਰਾਂ ਦੇ ਰੈਗੂਲੇਟਰ ਨੇ ਵੀ ਉਸਦੇ ਵਿਰੁੱਧ ਕਈ ਨਿਰਦੇਸ਼ ਵੀ ਜਾਰੀ ਕੀਤੇ।
ਸੇਬੀ ਨੇ 2 ਜੁਲਾਈ ਨੂੰ ਆਈ.ਐਸ.ਐਸ.ਐਲ., ਆਈ.ਐਫ.ਐਸ.ਪੀ.ਐਲ. ਅਤੇ ਇਸਦੇ ਤਿੰਨ ਡਾਇਰੈਕਟਰਾਂ ਵਿਰੁੱਧ ਦੋ ਵੱਖਰੇ ਆਦੇਸ਼ ਜਾਰੀ ਕੀਤੇ ਸਨ। ਰੈਗੂਲੇਟਰ ਨੇ 20 ਫਰਵਰੀ, 2017 ਤੋਂ 8 ਫਰਵਰੀ, 2019 ਵਿਚਕਾਰ ਇਸ ਮਾਮਲੇ ਦੀ ਵਿਸਥਾਰਤ ਜਾਂਚ ਕਰਨ ਤੋਂ ਬਾਅਦ ਅਜਿਹਾ ਕੀਤਾ ਸੀ। ਆਈ.ਐਸ.ਐਸ.ਐਲ. ਇਸ ਮਾਮਲੇ ਵਿਚ ਮਨਜ਼ੂਰੀ ਦੇਣ ਵਾਲਾ ਮੈਂਬਰ ਹੈ ਜਦੋਂ ਕਿ ਆਈ.ਐਫ.ਐਸ.ਪੀ.ਐਲ. ਜਮ੍ਹਾ ਕਰਨ ਵਾਲਾ ਹਿੱਸਾ ਲੈਂਦਾ ਹੈ। ਸੇਬੀ ਨੇ ਆਈ.ਐਸ.ਐਸ.ਐਲ. ਉੱਤੇ 26 ਕਰੋੜ ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਅਤੇ ਕੁਝ ਨਿਰਦੇਸ਼ ਜਾਰੀ ਕਰਦਿਆਂ ਕਿਹਾ ਕਿ ਇਸ ਦਾ ਆਦੇਸ਼ ਸੁਪਰੀਮ ਕੋਰਟ ਵੱਲੋਂ ਜਾਰੀ ਕਿਸੇ ਵੀ ਹੁਕਮ ਦੇ ਅਧੀਨ ਆਵੇਗਾ।
ਸੇਬੀ ਨੇ ਆਈ.ਐਸ.ਐਸ.ਐਲ. ਨੂੰ ਨਵੇਂ ਗਾਹਕਾਂ ਨੂੰ ਦੋ ਸਾਲਾਂ ਤੱਕ ਹਾਸਲ ਕਰਨ ਤੋਂ ਵੀ ਰੋਕ ਦਿੱਤਾ ਹੈ। ਇਹ ਕੁਝ ਸ਼ਰਤਾਂ ਦੇ ਅਧੀਨ ਰਹੇਗਾ। ਸੇਬੀ ਦੇ ਆਦੇਸ਼ ਅਨੁਸਾਰ ਏ.ਐਸ.ਪੀ.ਐਸ.ਐਲ. ਉੱਤੇ 3 ਕਰੋੜ ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਗਿਆ ਹੈ। ਇਸ ਦੇ ਪ੍ਰਬੰਧ ਨਿਰਦੇਸ਼ਕ ਅਵਨੀਸ਼ ਕੁਮਾਰ ਮਿਸ਼ਰਾ ਨੂੰ 3 ਕਰੋੜ ਰੁਪਏ, ਇਸ ਦੇ ਦੋ ਨਿਰਦੇਸ਼ਕਾਂ- ਹਿਮਾਂਸ਼ੂ ਅਰੋੜਾ ਨੂੰ 14 ਲੱਖ ਰੁਪਏ ਅਤੇ ਜਤਿੰਦਰ ਤਿਵਾੜੀ ਨੂੰ 7 ਲੱਖ ਰੁਪਏ ਜੁਰਮਾਨਾ ਕੀਤਾ ਗਿਆ ਹੈ।
