SBI ਗਾਹਕਾਂ ਲਈ ਅਹਿਮ ਖ਼ਬਰ! ਕੋਰੋਨਾ ਖੌਫ ਦਰਮਿਆਨ ਬੈਂਕ ਨੇ ਖ਼ਾਤਾਧਾਰਕਾਂ ਨੂੰ ਦਿੱਤੀ ਇਹ ਸਹੂਲਤ

ਨਵੀਂ ਦਿੱਲੀ - ਸਟੇਟ ਬੈਂਕ ਆਫ਼ ਇੰਡੀਆ ਨੇ ਆਪਣੇ ਖ਼ਾਤਾਧਾਰਕਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਦੇਸ਼ ਦੇ ਕਈ ਸੂਬਿਆਂ ਵਿਚ ਲਾਗੂ ਕੀਤੀ ਗਈ ਤਾਲਾਬੰਦੀ ਅਤੇ ਕੋਰੋਨਾ ਆਫ਼ਤ ਦਰਮਿਆਨ ਕੇਵਾਈਸੀ ਕਰਵਾਉਣ ਤੋਂ ਰਾਹਤ ਮਿਲੀ ਹੈ। ਹੁਣ ਬੈਂਕ ਦੇ ਗਾਹਕ ਕੇਵਾਈਸੀ ਦਸਤਾਵੇਜ਼ ਡਾਕ ਦੁਆਰਾ ਜਾਂ By Mail ਦੇ ਜ਼ਰੀਏ ਦਸਤਾਵੇਜ਼ ਜਮ੍ਹਾ ਕਰ ਸਕਦੇ ਹਨ। 

ਬੈਂਕ ਨੇ ਟਵੀਟ ਕਰਕੇ ਦਿੱਤੀ ਜਾਣਕਾਰੀ 

30 ਅਪ੍ਰੈਲ 2021 ਨੂੰ ਐਸਬੀਆਈ ਨੇ 17 ਸਥਾਨਕ ਮੁੱਖ ਦਫਤਰਾਂ ਦੇ ਚੀਫ ਜਨਰਲ ਮੈਨੇਜਰਾਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ ਸੀ। ਇਹ ਦੱਸਿਆ ਗਿਆ ਹੈ ਕਿ ਕੋਵਿਡ -19 ਸੰਕਰਮਣ ਦੇ ਕੇਸ ਇਕ ਵਾਰ ਫਿਰ ਵੱਧ ਰਹੇ ਹਨ। ਇਸ ਦੇ ਮੱਦੇਨਜ਼ਰ ਬ੍ਰਾਂਚ ਵਿਚ ਖ਼ਾਤਾਧਾਰਕਾਂ ਦੀ ਮੌਜੂਦਗੀ ਤੋਂ ਬਿਨਾਂ ਡਾਕ ਰਾਹੀਂ ਜਾਂ ਮੇਲ ਰਾਹੀਂ ਕੇ.ਵਾਈ.ਸੀ. ਦਸਤਾਵੇਜ਼ ਬੇਨਤੀ ਨੂੰ ਸਵੀਕਾਰ ਕਰਨ ਦੀ ਸਲਾਹ ਦਿੱਤੀ ਗਈ ਹੈ।

ਇਹ ਵੀ ਪੜ੍ਹੋ : ਕੋਰੋਨਾ ਕਾਰਨ ਹੋਈ ਮੌਤ ਤਾਂ ਪਰਿਵਾਰਕ ਮੈਂਬਰਾਂ ਨੂੰ ਇਸ ਸਰਕਾਰੀ ਯੋਜਨਾ ਤੋਂ ਮਿਲਣਗੇ 2 ਲੱਖ ਰੁਪਏ

31 ਮਈ ਤੱਕ ਦਸਤਾਵੇਜ਼ ਜਮ੍ਹਾ ਕਰੋ

ਬੈਂਕ ਨੇ ਕਿਹਾ ਹੈ ਕਿ ਜੇ ਕੇਵਾਈਸੀ ਦੇ ਦਸਤਾਵੇਜ਼ 31 ਮਈ ਤੱਕ ਅਪਡੇਟ ਕਰ ਦਿੱਤੇ ਗਏ ਤਾਂ ਬੈਂਕ ਖਾਤਿਆਂ ਨੂੰ ਫਰੀਜ਼ ਨਹੀਂ ਕਰੇਗਾ। ਬੈਂਕ ਨੇ ਅੱਗੇ ਕਿਹਾ ਕਿ ਕੇਵਾਈਸੀ ਅਪਡੇਟ ਹੋਣ ਕਾਰਨ ਸੀ.ਆਈ.ਐਫ. ਦੀ ਅੰਸ਼ਕ ਫ੍ਰੀਜ਼ 31 ਮਈ 2021 ਤੱਕ ਨਹੀਂ ਕੀਤੀ ਜਾਏਗੀ। ਬੈਂਕ ਨੇ ਅੱਗੇ ਕਿਹਾ ਕਿ ਦੇਸ਼ ਭਰ ਵਿਚ ਫੈਲ ਰਹੀ ਮਹਾਮਾਰੀ ਦੇ ਮੱਦੇਨਜ਼ਰ ਅਸੀਂ ਡਾਕ ਜਾਂ ਮੇਲ ਰਾਹੀਂ ਕੇਵਾਈਸੀ ਦਸਤਾਵੇਜ਼ਾਂ ਨੂੰ ਸਵੀਕਾਰਨਾ ਸ਼ੁਰੂ ਕਰ ਦਿੱਤਾ ਹੈ। 

ਇਹ ਵੀ ਪੜ੍ਹੋ : ਰੇਲਵੇ ਵਿਭਾਗ ਵਲੋਂ ਕੋਰੋਨਾ ਮਰੀਜ਼ਾਂ ਲਈ ਰਾਹਤ, RTPCR ਟੈਸਟ ਸਮੇਤ ਕਈ ਖਰਚੇ ਕੀਤੇ ਮੁਆਫ਼

ਵਧੇਰੇ ਜਾਣਕਾਰੀ ਲਈ ਇਨ੍ਹਾਂ ਨੰਬਰਾਂ ਤੇ ਸੰਪਰਕ ਕਰੋ

ਬੈਂਕ ਦੁਆਰਾ ਇੱਕ ਟ੍ਰੋਲ ਫ੍ਰੀ ਨੰਬਰ ਵੀ ਜਾਰੀ ਕੀਤਾ ਗਿਆ ਹੈ। ਖ਼ਾਤਾਧਾਰਕਾਂ ਨੂੰ ਹੁਣ ਬੈਂਕ ਬ੍ਰਾਂਚ ਵਿਚ ਜਾਣ ਦੀ ਜ਼ਰੂਰਤ ਨਹੀਂ ਹੈ। ਤੁਸੀਂ ਆਪਣੇ ਬੈਂਕ ਨਾਲ ਸਬੰਧਤ ਕੰਮ ਘਰ ਬੈਠੇ 1800 112 211 ਅਤੇ 1800 425 3800 ਟੋਲ ਫ੍ਰੀ ਨੰਬਰਾਂ ਤੇ ਕਾਲ ਕਰਕੇ ਪੂਰੇ ਕਰ ਸਕਦੇ ਹੋ।

ਇਸ ਕਾਰਨ ਜ਼ਰੂਰੀ ਹੁੰਦਾ ਹੈ ਕੇਵਾਈਸੀ ਅਪਡੇਟ 

ਬੈਂਕ ਆਪਣੇ ਗਾਹਕਾਂ ਨੂੰ ਆਪਣੇ ਜੋਖਮ ਦੇ ਅਧਾਰ 'ਤੇ ਰੇਟਿੰਗ ਦਿੰਦੇ ਹਨ। ਬੈਂਕ ਦੇ ਉੱਚ ਜੋਖਮ ਵਾਲੇ ਗਾਹਕਾਂ ਨੂੰ ਹਰ ਦੋ ਸਾਲਾਂ ਵਿਚ ਘੱਟ ਤੋਂ ਘੱਟ ਇਕ ਵਾਰ ਕੇਵਾਈਸੀ ਨੂੰ ਅਪਡੇਟ ਕਰਨਾ ਪੈਂਦਾ ਹੈ। ਜਿਨ੍ਹਾਂ ਖ਼ਾਤਾਧਾਰਕਾਂ ਦਾ ਜੋਖਮ ਘੱਟ ਹੁੰਦਾ ਹੈ, ਉਨ੍ਹਾਂ ਨੂੰ ਹਰ ਅੱਠ ਸਾਲਾਂ ਵਿਚ ਇਕ ਵਾਰ ਕੇਵਾਈਸੀ ਨੂੰ ਅਪਡੇਟ ਕਰਨਾ ਪੈਂਦਾ ਹੈ। ਉਹ ਖ਼ਾਤਾਧਾਰਕ ਜਿਨ੍ਹਾਂ ਦਾ ਜੋਖਮ ਬਹੁਤ ਘੱਟ ਹੁੰਦਾ ਹੈ ਉਨ੍ਹਾਂ ਨੂੰ ਹਰ ਦਸ ਸਾਲਾਂ ਬਾਅਦ ਇੱਕ ਵਾਰ ਕੇਵਾਈਸੀ ਨੂੰ ਅਪਡੇਟ ਕਰਨਾ ਪੈਂਦਾ ਹੈ।

ਇਹ ਵੀ ਪੜ੍ਹੋ : ਆਮਦਨ ਟੈਕਸ ਨੂੰ ਲੈ ਕੇ CBDT ਦਾ ਵੱਡਾ ਐਲਾਨ! ਰਿਟਰਨ ਭਰਨ ਦੀ ਆਖ਼ਰੀ ਤਾਰੀਖ਼ ਵਧਾਈ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।