ਚੌਥੀ ਤਿਮਾਹੀ ''ਚ SBI ਦਾ ਸ਼ੁੱਧ ਲਾਭ 83 ਫੀਸਦੀ ਵਧ ਕੇ 16,694 ਕਰੋੜ ਰੁਪਏ ''ਤੇ ਪਹੁੰਚਿਆ

ਨਵੀਂ ਦਿੱਲੀ (ਭਾਸ਼ਾ) - ਦੇਸ਼ ਦੇ ਸਭ ਤੋਂ ਵੱਡੇ ਰਿਣਦਾਤਾ ਸਟੇਟ ਬੈਂਕ ਆਫ ਇੰਡੀਆ (ਐਸਬੀਆਈ) ਦਾ ਸ਼ੁੱਧ ਲਾਭ ਪਿਛਲੇ ਵਿੱਤੀ ਸਾਲ 2022-23 ਦੀ ਚੌਥੀ ਤਿਮਾਹੀ ਵਿਚ 83 ਫੀਸਦੀ ਵਧ ਕੇ 16,694.51 ਕਰੋੜ ਰੁਪਏ ਹੋ ਗਿਆ ਹੈ। ਮੁਨਾਫੇ 'ਚ ਵਾਧਾ ਮੁੱਖ ਤੌਰ 'ਤੇ ਵਿਆਜ ਦੀ ਆਮਦਨ 'ਚ ਵਾਧਾ ਅਤੇ ਖਰਾਬ ਕਰਜ਼ਿਆਂ ਲਈ ਘੱਟ ਵਿਵਸਥਾ ਦੇ ਕਾਰਨ ਸੀ। ਐਸਬੀਆਈ ਨੇ ਸ਼ੇਅਰ ਬਾਜ਼ਾਰ ਨੂੰ ਇਹ ਜਾਣਕਾਰੀ ਦਿੱਤੀ।

ਇਹ ਵੀ ਪੜ੍ਹੋ : ਦੁਨੀਆ ’ਚ ਸਭ ਤੋਂ ਤੇਜ਼ੀ ਨਾਲ ਵਧੇਗੀ ਭਾਰਤੀ ਅਰਥਵਿਵਸਥਾ, ਮਹਿੰਗਾਈ ਦੀ ਮਾਰ ਹੇਠ ਆਉਣਗੇ ਇਹ ਦੇਸ਼

ਪਿਛਲੇ ਵਿੱਤੀ ਸਾਲ 2021-22 ਦੀ ਜਨਵਰੀ-ਮਾਰਚ ਤਿਮਾਹੀ ਵਿੱਚ, SBI ਦਾ ਸ਼ੁੱਧ ਲਾਭ ਸਟੈਂਡਅਲੋਨ ਆਧਾਰ 'ਤੇ 9,113.53 ਕਰੋੜ ਰੁਪਏ ਸੀ। ਵਿੱਤੀ ਸਾਲ 2022-23 ਦੀ ਮਾਰਚ ਤਿਮਾਹੀ 'ਚ ਵਿਆਜ ਦੀ ਆਮਦਨ 31 ਫੀਸਦੀ ਵਧ ਕੇ 92,951 ਕਰੋੜ ਰੁਪਏ ਹੋ ਗਈ। ਬੈਡ ਲੋਨ (ਐਨ.ਪੀ.ਏ.) ਦੀ ਵਿਵਸਥਾ ਮਾਰਚ 2023 ਦੀ ਸਮਾਪਤੀ ਤਿਮਾਹੀ ਵਿੱਚ ਘਟ ਕੇ 3,315.71 ਕਰੋੜ ਰੁਪਏ ਰਹਿ ਗਈ ਜੋ 2021-22 ਦੀ ਜਨਵਰੀ-ਮਾਰਚ ਤਿਮਾਹੀ ਵਿੱਚ 7,237.45 ਕਰੋੜ ਰੁਪਏ ਸੀ। ਪੂਰੇ ਵਿੱਤੀ ਸਾਲ 2022-23 'ਚ SBI ਦਾ ਸ਼ੁੱਧ ਲਾਭ 59 ਫੀਸਦੀ ਵਧ ਕੇ 50,232.45 ਕਰੋੜ ਰੁਪਏ 'ਤੇ ਪਹੁੰਚ ਗਿਆ।

ਇਸ ਤੋਂ ਪਹਿਲਾਂ ਵਿੱਤੀ ਸਾਲ 2021-22 'ਚ ਮੁਨਾਫਾ 31,675.98 ਕਰੋੜ ਰੁਪਏ ਸੀ। SBI ਨੇ 31 ਮਾਰਚ 2023 ਨੂੰ ਖਤਮ ਹੋਣ ਵਾਲੇ ਵਿੱਤੀ ਸਾਲ ਲਈ 11.30 ਰੁਪਏ (1130 ਫੀਸਦੀ) ਦੇ ਲਾਭਅੰਸ਼ ਦੀ ਸਿਫਾਰਿਸ਼ ਕੀਤੀ ਹੈ। ਲਾਭਅੰਸ਼ ਭੁਗਤਾਨ ਦੀ ਮਿਤੀ 14 ਜੂਨ ਨਿਸ਼ਚਿਤ ਕੀਤੀ ਗਈ ਹੈ।

ਇਹ ਵੀ ਪੜ੍ਹੋ : ਮਹਿਲਾ ਸਨਮਾਨ ਸਰਟੀਫਿਕੇਟ ’ਤੇ ਕੱਟੇ ਜਾਣ ਵਾਲੇ TDS ਨੂੰ ਲੈ ਕੇ ਕੇਂਦਰ ਸਰਕਾਰ ਨੇ ਜਾਰੀ ਕੀਤਾ ਅਪਡੇਟ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।