ਸਲਮਾਨ ਖਾਨ ਬਣੇ ਜੀ.ਆਰ.ਐਮ. ਓਵਰਸੀਜ਼ ਦੇ ਬ੍ਰਾਂਡ ਐਂਬੇਸਡਰ

ਨਵੀਂ ਦਿੱਲੀ- ਬਾਸਮਤੀ ਚਾਵਲ ਬਰਾਮਦਕਾਰ ਜੀ.ਆਰ.ਐਮ. ਓਵਰਸੀਜ਼ ਨੇ ਬਾਲੀਵੁੱਡ ਅਦਾਕਾਰ ਸਲਮਾਨ ਖਾਨ ਨੂੰ ਆਪਣੇ ਬਾਸਮਤੀ ਚਾਵਲ ਅਤੇ ਕਣਕ ਦੇ ਆਟੇ ਲਈ ਬ੍ਰਾਂਡ ਐਂਬੇਸਡਰ ਬਣਾਇਆ ਹੈ। ਜੀ.ਆਰ.ਐਮ. ਓਵਰਸੀਜ਼ ਦੇ ਪ੍ਰਬੰਧਕ ਡਾਇਰੈਕਟਰ ਅਤੁਲ ਗਰਗ ਨੇ ਕਿਹਾ ਕਿ ਖਾਨ ਦੀ ਪ੍ਰਸਿੱਧੀ ਅਤੇ ਉਨ੍ਹਾਂ ਦੀ ਵਿਆਪਕ ਪ੍ਰਸ਼ੰਸਕ ਆਧਾਰ ਕੰਪਨੀ ਦੇ ਬਾਸਮਤੀ ਚਾਵਲ ਦੀ 10X (10 ਗੁਣਾ) ਬ੍ਰਾਂਡ ਸੀਰੀਜ਼ ਅਤੇ ਕਣਕ ਦੇ ਆਟੇ ਦੀ 10X ਸ਼ਕਤੀ ਸੀਰੀਜ਼ ਨਾਲ ਮਿਲਦੀ ਹੈ। ਖਾਨ ਨੇ ਬਿਆਨ ’ਚ ਕਿਹਾ, "ਮੈਂ ਜੀ.ਆਰ.ਐਮ. ਨਾਲ ਸਾਂਝੇਦਾਰੀ ਤੋਂ ਖੁਸ਼ ਹਾਂ। ਬ੍ਰਾਂਡ ਦੀ ਗੁਣਵੱਤਾ ਅਤੇ ਪ੍ਰਮਾਣਿਕਤਾ ਦੇ ਮਹੱਤਵ 'ਤੇ ਜ਼ੋਰ ਮੇਰੇ ਸੋਚ ਦੇ ਅਨੁਕੂਲ ਹੈ।"

ਕੰਪਨੀ ਦੇ ਮੁਤਾਬਕ, ਸਲਮਾਨ ਖਾਨ ਨਾਲ ਜੁੜਨ ਦਾ ਮਕਸਦ ਉਨ੍ਹਾਂ ਦੇ ਮਾਨਯੋਗ ਅਕਸ ਰਾਹੀਂ ਜੀ.ਆਰ.ਐਮ. ਦੀ ਬ੍ਰਾਂਡ ਮੌਜੂਦਗੀ ਨੂੰ ਮਜ਼ਬੂਤ ਕਰਨਾ ਅਤੇ ਵਿਸ਼ਵ ਪੱਧਰ 'ਤੇ ਗਾਹਕਾਂ ਨਾਲ ਜੁੜਨਾ ਹੈ। ਜੀ.ਆਰ.ਐਮ. ਓਵਰਸੀਜ਼ ਦੀ ਸਥਾਪਨਾ 1974 ’ਚ ਹੋਈ ਸੀ। ਇਹ 42 ਤੋਂ ਵੱਧ ਦੇਸ਼ਾਂ ਨੂੰ ਪ੍ਰੀਮੀਅਮ ਬਾਸਮਤੀ ਚਾਵਲ ਬਰਾਮਦ ਕਰਦੀ ਹੈ। ਜੀ.ਆਰ.ਐਮ. ਓਵਰਸੀਜ਼ ਨੇਸ਼ਨਲ ਸਟਾਕ ਐਕਸਚੇਂਜ ਅਤੇ ਬੋਮਬੇ ਸਟਾਕ ਐਕਸਚੇਂਜ ਦੋਹਾਂ ਸੂਚਕਾਂਕਾਂ ’ਚ ਲਿਸਟਡ ਹੈ।