ਮੁਕੇਸ਼ ਅੰਬਾਨੀ ਦੀ ਲੀਡਰਸ਼ਿਪ ''ਚ 20 ਸਾਲਾਂ ''ਚ 20 ਗੁਣਾ ਵਧਿਆ RIL ਦਾ ਮੁਨਾਫਾ
12/28/2022 5:02:53 PM
ਨਵੀਂ ਦਿੱਲੀ: ਰਿਲਾਇੰਸ ਇੰਡਸਟਰੀਜ਼ ਦੀ ਕਮਾਨ ਸੰਭਾਲਦੇ ਹੋਏ ਅੱਜ ਮੁਕੇਸ਼ ਅੰਬਾਨੀ ਨੇ 20 ਸਾਲ ਪੂਰੇ ਕਰ ਲਏ ਹਨ। ਅੱਜ ਧੀਰੂਭਾਈ ਅੰਬਾਨੀ ਦਾ ਜਨਮਦਿਨ ਵੀ ਹੈ। ਰਿਲਾਇੰਸ ਦੇ ਚੇਅਰਮੈਨ ਅਤੇ ਮੈਨੇਜਿੰਗ ਡਾਇਰੈਕਟਰ ਵਜੋਂ ਅੱਜ ਮੁਕੇਸ਼ ਅੰਬਾਨੀ ਨੇ 20 ਸਾਲ ਪੂਰੇ ਕਰ ਲਏ ਹਨ। ਮੁਕੇਸ਼ ਅੰਬਾਨੀ ਦੀ ਅਗਵਾਈ ਵਿੱਚ ਰਿਲਾਇੰਸ ਲਈ ਇਹ 20 ਸਾਲ ਬੇਮਿਸਾਲ ਰਹੇ ਹਨ। ਇਨ੍ਹਾਂ 20 ਸਾਲਾਂ ਵਿੱਚ, ਕੰਪਨੀ ਦੀ ਨੈੱਟਵਰਥ, ਲਾਭ, ਕੰਪਨੀ ਦੀ ਆਮਦਨ, ਐਸੇਟ, ਮਾਰਕੀਟ ਕੈਪ ਸਭ ਵਿੱਚ ਬਹੁਤ ਵਾਧਾ ਹੋਇਆ ਹੈ ਅਤੇ ਸਭ ਡਬਲ ਡਿਜਿਟ ਗਰੋਥ ਤੱਕ ਪਹੁੰਚ ਗਏ ਹਨ।
ਮੁਕੇਸ਼ ਅੰਬਾਨੀ ਦਾ ਕਮਾਲ, 20 ਗੁਣਾ ਵਧੀ ਕੰਪਨੀ ਦੀ ਆਮਦਨ
ਮੁਕੇਸ਼ ਅੰਬਾਨੀ ਦੀ ਅਗਵਾਈ 'ਚ ਰਿਲਾਇੰਸ ਦੀ ਕਮਾਈ 20 ਗੁਣਾ ਵਧੀ ਹੈ। ਸਾਲ 2002 'ਚ ਰਿਲਾਇੰਸ ਇੰਡਸਟਰੀ ਦਾ ਮਾਰਕਿਟ ਕੈਪ ਜਿੱਥੇ 41989 ਕਰੋੜ ਸੀ, ਜੋ ਹੁਣ 17 ਲੱਖ 81 ਹਜ਼ਾਰ 841 ਕਰੋੜ 'ਤੇ ਪਹੁੰਚ ਗਿਆ ਹੈ। ਰਿਲਾਇੰਸ ਦੀ ਆਮਦਨ ਦੇ ਅੰਕੜਿਆਂ 'ਤੇ ਨਜ਼ਰ ਮਾਰੀਏ ਤਾਂ ਵਿੱਤੀ ਸਾਲ 2001-02 'ਚ ਕੰਪਨੀ ਦੀ ਆਮਦਨ 45411 ਕਰੋੜ ਸੀ, ਜੋ ਵਿੱਤੀ ਸਾਲ 2021-22 'ਚ 7 ਲੱਖ 92 ਹਜ਼ਾਰ 656 ਕਰੋੜ ਰੁਪਏ 'ਤੇ ਪਹੁੰਚ ਗਈ ਹੈ। ਇਸ ਦੇ ਨਾਲ ਹੀ ਵਿੱਤੀ ਸਾਲ 2001-02 'ਚ ਕੰਪਨੀ ਦਾ ਮੁਨਾਫਾ 3280 ਕਰੋੜ ਤੋਂ ਵਧ ਕੇ 67 ਹਜ਼ਾਰ 845 ਕਰੋੜ ਹੋ ਗਿਆ ਹੈ।
ਮੁਕੇਸ਼ ਅੰਬਾਨੀ ਦੀ ਅਗਵਾਈ 'ਚ ਪਿਛਲੇ ਦੋ ਦਹਾਕਿਆਂ 'ਚ ਕੰਪਨੀ ਦੀ ਆਮਦਨ, ਨੈੱਟਵਰਥ ਸਭ ਕੁਝ ਵਧਿਆ ਹੈ। ਨਾ ਸਿਰਫ ਕੰਪਨੀ ਦੀ ਆਮਦਨ ਵਧੀ ਹੈ, ਸਗੋਂ ਨਿਵੇਸ਼ਕਾਂ ਨੂੰ ਵੀ ਬਹੁਤ ਫਾਇਦਾ ਹੋਇਆ ਹੈ। ਇਨ੍ਹਾਂ 20 ਸਾਲਾਂ 'ਚ ਨਿਵੇਸ਼ਕਾਂ ਨੂੰ 87 ਹਜ਼ਾਰ ਕਰੋੜ ਰੁਪਏ ਪ੍ਰਤੀ ਸਾਲ ਦੀ ਦਰ ਨਾਲ 17.4 ਲੱਖ ਕਰੋੜ ਰੁਪਏ ਦਾ ਮੁਨਾਫਾ ਹੋਇਆ। ਉਨ੍ਹਾਂ ਦੀ ਅਗਵਾਈ 'ਚ ਫੇਸਬੁੱਕ, ਗੂਗਲ ਅਤੇ ਬੀਪੀ ਵਰਗੀਆਂ ਕੰਪਨੀਆਂ ਨੇ ਰਿਲਾਇੰਸ 'ਚ ਨਿਵੇਸ਼ ਕੀਤਾ ਹੈ। ਤੇਲ ਤੋਂ ਸ਼ੁਰੂ ਕਰਕੇ, ਕੰਪਨੀ ਨੇ ਦੂਰਸੰਚਾਰ ਅਤੇ ਪ੍ਰਚੂਨ ਖੇਤਰ ਵਿੱਚ ਕਦਮ ਰੱਖਿਆ ਹੈ। ਮੁਕੇਸ਼ ਅੰਬਾਨੀ ਪਹਿਲੇ ਵਿਅਕਤੀ ਹਨ ਜਿਨ੍ਹਾਂ ਨੇ ਡੇਟਾ ਨੂੰ 'ਨਿਊ-ਆਇਲ' ਕਿਹਾ ਸੀ। ਅੱਜ ਅਸੀਂ ਸਾਰੇ ਦੇਖ ਰਹੇ ਹਾਂ ਕਿ ਇਹ ਬਾਲਣ ਤੁਹਾਡੀ ਜ਼ਿੰਦਗੀ ਵਿੱਚ ਕਿਸ ਹੱਦ ਤੱਕ ਦਾਖਲ ਹੋਇਆ ਹੈ।
ਮੁਕੇਸ਼ ਅੰਬਾਨੀ ਦੀ ਅਗਵਾਈ 'ਚ ਰਿਲਾਇੰਸ ਜੀਓ ਨਾ ਸਿਰਫ ਦੇਸ਼ ਸਗੋਂ ਦੁਨੀਆ ਦੀਆਂ ਸਭ ਤੋਂ ਵੱਡੀਆਂ ਟੈਲੀਕਾਮ ਕੰਪਨੀਆਂ 'ਚ ਸ਼ੁਮਾਰ ਹੋ ਗਿਆ ਹੈ। ਡੇਟਾ ਸੈਕਟਰ 'ਚ ਜਿਓ ਨੇ ਵੱਡੀ ਕ੍ਰਾਂਤੀ ਲਿਆਂਦੀ ਹੈ। ਡੇਟਾ ਜੋ ਪਹਿਲਾਂ 250 ਰੁਪਏ ਪ੍ਰਤੀ ਜੀਬੀ ਵਿੱਚ ਮਿਲਦਾ ਸੀ ਹੁਣ ਘਟ ਕੇ 10 ਰੁਪਏ ਰਹਿ ਗਿਆ ਹੈ। ਜੀਓ ਦੀ ਬਦੌਲਤ ਨਾ ਸਿਰਫ ਕੀਮਤ ਘਟੀ ਹੈ, ਬਲਕਿ ਡੇਟਾ ਦੀ ਖਪਤ ਵਿੱਚ ਵੀ ਵਾਧਾ ਹੋਇਆ ਹੈ। ਮੋਬਾਈਲ ਤੋਂ ਇਲਾਵਾ ਰਿਲਾਇੰਸ ਰਿਟੇਲ ਸੈਕਟਰ ਵਿੱਚ ਦੁਨੀਆ ਦੀਆਂ ਵੱਡੀਆਂ ਕੰਪਨੀਆਂ ਨੂੰ ਟੱਕਰ ਦੇ ਰਹੀ ਹੈ। ਰੈਵੇਨਿਊ ਦੇ ਮਾਮਲੇ 'ਚ ਰਿਲਾਇੰਸ ਰਿਟੇਲ ਸਭ ਤੋਂ ਵੱਡੀ ਕੰਪਨੀ ਬਣ ਗਈ।
