ਖ਼ੁਸ਼ਖ਼ਬਰੀ! ਪੰਜਾਬ ਦੇ ਇਨ੍ਹਾਂ ਸ਼ਹਿਰਾਂ 'ਚ ਸ਼ੁਰੂ ਹੋਣ ਜਾ ਰਹੀ ਹੈ ਰੇਲ ਸਰਵਿਸ

ਨਵੀਂ ਦਿੱਲੀ- ਰੇਲਗੱਡੀ ਵਿਚ ਲੋਕਲ ਸਫ਼ਰ ਕਰਨ ਵਾਲੇ ਲੋਕਾਂ ਲਈ ਰਾਹਤ ਭਰੀ ਖ਼ਬਰ ਹੈ। ਜਲੰਧਰ ਸਿਟੀ-ਪਠਾਨਕੋਟ, ਫਿਰੋਜ਼ਪੁਰ-ਫਾਜ਼ਲਿਕਾ, ਲੁਧਿਆਣਾ-ਲੋਹੀਆਂ ਖਾਸ, ਬਠਿੰਡਾ-ਫਾਜ਼ਲਿਕਾ, ਅੰਮ੍ਰਿਤਸਰ-ਪਠਾਨਕੋਟ ਵਿਚਕਾਰ ਜਲਦ ਹੀ ਰੇਲ ਸੇਵਾਵਾਂ ਸ਼ੁਰੂ ਹੋਣ ਜਾ ਰਹੀਆਂ ਹਨ। ਰੇਲਵੇ 5 ਅਪ੍ਰੈਲ ਤੋਂ 71 ਗੈਰ-ਰਿਜ਼ਰਵਡ ਰੇਲ ਸੇਵਾਵਾਂ ਦੇਸ਼ ਭਰ ਦੇ ਵੱਖ-ਵੱਖ ਸ਼ਹਿਰਾਂ ਵਿਚ ਸ਼ੁਰੂ ਕਰਨ ਜਾ ਰਿਹਾ ਹੈ। ਰੇਲ ਮੰਤਰੀ ਪਿਊਸ਼ ਗੋਇਲ ਨੇ ਇਹ ਜਾਣਕਾਰੀ ਦਿੱਤੀ ਹੈ।

ਇਨ੍ਹਾਂ ਵਿਚ ਮੇਲ/ਐਕਸਪ੍ਰੈੱਸ ਰੇਲਗੱਡੀਆਂ ਸ਼ਾਮਲ ਹਨ। ਇਸ ਮਹੀਨੇ ਦੇ ਸ਼ੁਰੂ ਵਿਚ ਰੇਲਵੇ ਨੇ ਵੱਖ-ਵੱਖ ਸਟੇਸ਼ਨਾਂ 'ਤੇ ਗੈਰ-ਰਿਜ਼ਰਵਡ ਟਿਕਟ ਕਾਊਂਟਰਾਂ 'ਤੇ ਭੀੜ ਘਟਾਉਣ ਅਤੇ ਟਿਕਟ ਬੁਕਿੰਗ ਕਾਊਂਟਰਾਂ 'ਤੇ ਸਮਾਜਿਕ ਦੂਰੀ ਨੂੰ ਯਕੀਨੀ ਬਣਾਉਣ ਲਈ 'ਯੂਟੀਐਸ ਆਨ ਮੋਬਾਈਲ' ਐਪ ਨੂੰ ਵੀ ਮੁੜ ਸਰਗਰਮ ਕੀਤਾ ਹੈ।

यात्रियों के लिये परिवहन सुविधाओं में बढोत्तरी करते हुए, रेलवे 5 अप्रैल से, 71 अनारक्षित ट्रेन सेवायें आरंभ करने जा रहा है।

यह ट्रेनें यात्रियों के सुरक्षित, और आरामदायक सफर को सुनिश्चित करेंगी।

ट्रेन सेवाओं की सूची के लिये देखेंः
🌐 https://t.co/wYqMjNdbt5 pic.twitter.com/xcpKlCkIZ8

— Piyush Goyal (@PiyushGoyal) April 2, 2021

ਇਹ ਵੀ ਪੜ੍ਹੋ- ਇੰਨੀ ਪੁਰਾਣੀ ਗੱਡੀ ਦੀ RC ਹੋ ਸਕਦੀ ਹੈ ਰੱਦ, 7 ਸ਼ਹਿਰਾਂ 'ਚ ਲੱਗੇ ਫਿਟਨੈੱਸ ਸੈਂਟਰ

ਰੇਲ ਯਾਤਰੀਆਂ ਦੀ ਮੰਗ ਨੂੰ ਦੇਖਦੇ ਹੋਏ ਰੇਲਵੇ ਨੇ ਇਹ ਫ਼ੈਸਲਾ ਕੀਤਾ ਹੈ। ਇਨ੍ਹਾਂ ਰੇਲਗੱਡੀਆਂ ਵਿਚ ਸਫ਼ਰ ਕਰਨ ਵਾਲੇ ਲੋਕਾਂ ਨੂੰ ਕੋਵਿਡ-19 ਪ੍ਰੋਟੋਕਾਲ ਦੀ ਵੀ ਪਾਲਣਾ ਕਰਨੀ ਹੋਵੇਗੀ।  ਰੇਲਵੇ ਨੇ ਸਬੰਧਤ ਖੇਤਰੀ ਅਧਿਕਾਰੀਆਂ ਨੂੰ ਹਦਾਇਤ ਦਿੱਤੀ ਹੈ ਕਿ ਜਦੋਂ ਉਨ੍ਹਾਂ ਦੇ ਇਲਾਕੇ ਵਿਚ ਰੇਲ ਸੇਵਾ ਸ਼ੁਰੂ ਹੋਵੇ ਉਸ ਸਮੇਂ ਉਹ 'UTS on Mobile' ਐਪ 'ਤੇ ਗੈਰ ਰਿਜ਼ਰਵਡ ਟਿਕਟਾਂ ਦੀ ਬੁਕਿੰਗ ਚਾਲੂ ਕਰ ਦੇਣ। ਯਾਤਰੀ ਟਿਕਟ ਬੁਕਿੰਗ ਲਈ 'ਯੂਟੀਐਸ ਆਨ ਮੋਬਾਈਲ' ਐਪ ਜਾਂ https://www.utsonmobile.indianrail.gov.in ਵੈੱਬਸਾਈਟ 'ਤੇ ਖ਼ੁਦ ਨੂੰ ਰਜਿਸਟਰ ਕਰ ਸਕਦੇ ਹਨ।

ਇਹ ਵੀ ਪੜ੍ਹੋ- ਰਾਹਤ! ਮੁੰਬਈ ਹਵਾਈ ਅੱਡੇ ਨੇ RT-PCR ਟੈਸਟ ਦੀ ਦਰ 30 ਫੀਸਦੀ ਘਟਾਈ

►ਲੋਕਲ ਰੇਲ ਸੇਵਾਵਾਂ ਵਧਾਉਣ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਟਿਪਣੀ