ਜੇ PF ਖਾਤੇ ਨਾਲ ਸਬੰਧਿਤ ਕੋਈ ਸਮੱਸਿਆ ਹੈ ਤਾਂ ਇਥੇ ਕਰੋ ਸ਼ਿਕਾਇਤ

ਨਵੀਂ ਦਿੱਲੀ — ਜੇ ਤੁਸੀਂ ਨੌਕਰੀਪੇਸ਼ਾ ਹੋ ਤਾਂ ਤੁਹਾਡਾ ਆਪਣਾ ਈ.ਪੀ.ਐਫ.ਓ. 'ਚ ਇੱਕ ਪੀ.ਐਫ. ਖਾਤਾ ਵੀ ਹੋਵੇਗਾ। ਹੁਣ ਈ.ਪੀ.ਐਫ.ਓ. ਨੇ PF ਨਾਲ ਜੁੜੀ ਸ਼ਿਕਾਇਤ ਕਰਨ ਦੀ ਪ੍ਰਕਿਰਿਆ ਨੂੰ ਬਹੁਤ ਸੌਖਾ ਬਣਾ ਦਿੱਤਾ ਹੈ। ਖ਼ਾਤਾਧਾਰਕ ਕੋਈ ਵੀ ਸ਼ਿਕਾਇਤ ਆਨਲਾਈਨ ਕਰ ਸਕਦੇ ਹਨ। ਜੇ ਤੁਹਾਨੂੰ ਪ੍ਰੋਵੀਡੈਂਟ ਫੰਡ ਕਢਵਾਉਣ, ਈ.ਪੀ.ਐੱਫ. ਖਾਤੇ ਦਾ ਟ੍ਰਾਂਸਫਰ, ਕੇ.ਵਾਈ.ਸੀ ਆਦਿ ਨਾਲ ਸਬੰਧਤ ਕੋਈ ਵੀ ਸ਼ਿਕਾਇਤ ਹੈ ਤਾਂ 'ਗਰੀਵੈਂਸ ਮੈਨੇਜਮੈਂਟ ਸਿਸਟਮ' ਦੁਆਰਾ ਆਪਣੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ। ਸਿਰਫ ਇਹ ਹੀ ਨਹੀਂ ਤੁਸੀਂ ਈ.ਪੀ.ਐਫ.ਓ. ਦੇ ਟਵਿੱਟਰ ਹੈਂਡਲ @socialepfo  'ਤੇ ਟਵੀਟ ਕਰਕੇ ਵੀ ਸ਼ਿਕਾਇਤ ਦਰਜ ਕਰ ਸਕਦੇ ਹੋ।

ਸ਼ਿਕਾਇਤ ਕਿਵੇਂ ਕਰੀਏ?

• ਪਹਿਲਾਂ ਇਸ ਲਿੰਕ (epfigms.gov.in) 'ਤੇ ਜਾਓ।
• ਉਥੇ Register Grievance 'ਤੇ ਕਲਿੱਕ ਕਰੋ।
• ਇਸਦੇ ਬਾਅਦ ਇੱਕ ਨਵਾਂ ਵੈਬਪੇਜ ਖੁੱਲੇਗਾ, ਜਿੱਥੇ ਤੁਹਾਨੂੰ ਸਟੇਟਸ ਚੁਣਨਾ ਪਏਗਾ। ਤੁਹਾਨੂੰ ਪੀ.ਐੱਫ. ਮੈਂਬਰ, ਈ.ਪੀ.ਐਸ. ਪੈਨਸ਼ਨਰ, ਮਾਲਕ ਜਾਂ ਕੋਈ ਹੋਰ ਵਿਕਲਪ ਚੁਣਨਾ ਪਏਗਾ। ਜੇ ਤੁਹਾਡੇ ਕੋਲ ਯ.ੂਏ.ਐੱਨ. ਜਾਂ ਪੈਨਸ਼ਨ ਭੁਗਤਾਨ ਆਰਡਰ ਨਹੀਂ ਹੈ, ਤਾਂ ਤੁਸੀਂ ਹੋਰ ਭਾਵ Other ਵਿਕਲਪ ਦੀ ਚੋਣ ਕਰੋ।
• ਪੀਐਫ ਨਾਲ ਸਬੰਧਤ ਸ਼ਿਕਾਇਤ ਲਈ 'ਪੀ.ਐਫ. ਮੈਂਬਰ' ਸਟੇਟਸ ਦੀ ਚੋਣ ਕਰਨੀ ਪਵੇਗੀ, ਜਿਸ ਤੋਂ ਬਾਅਦ ਤੁਸੀਂ ਆਪਣਾ ਯੂ.ਏ.ਐੱਨ. ਅਤੇ ਸੁਰੱਖਿਆ ਕੋਡ ਭਰੋ ਅਤੇ 'Get Details' ਤੇ ਕਲਿੱਕ ਕਰੋ।

ਇਹ ਵੀ ਦੇਖੋ : 5 ਰੁਪਏ ਦੇ ਕੈਪਸੂਲ ਨਾਲ ਖ਼ਤਮ ਹੋਵੇਗਾ ਪਰਾਲੀ ਸਾੜਨ ਦਾ ਝੰਜਟ! ਜ਼ਮੀਨ ਬਣੇਗੀ ਉਪਜਾਊ

ਸਾਰਾ ਵੇਰਵਾ ਪ੍ਰਾਪਤ ਕਰਨ ਤੋਂ ਬਾਅਦ ਕਰੋ ਇਹ ਕੰਮ

• ਇਸ ਤੋਂ ਬਾਅਦ ਤੁਸੀਂ ਆਪਣੇ ਸਾਰੇ ਵੇਰਵਿਆਂ ਨੂੰ ਵੇਖ ਸਕੋਗੇ। ਗੇਟ ਓ.ਟੀ.ਪੀ. 'ਤੇ ਕਲਿੱਕ ਕਰੋ, ਜਿਸ ਤੋਂ ਬਾਅਦ ਤੁਹਾਡੇ ਰਜਿਸਟਰਡ ਮੋਬਾਈਲ ਅਤੇ ਈਮੇਲ ਆਈ.ਡੀ. 'ਤੇ ਇਕ ਓ.ਟੀ.ਪੀ. ਆਵੇਗਾ।
• ਓ.ਟੀ.ਪੀ. ਪਾਉਣ ਤੋਂ ਬਾਅਦ ਤੁਹਾਨੂੰ ਤਸਦੀਕ ਕੀਤਾ ਜਾਵੇਗਾ ਅਤੇ ਤੁਹਾਨੂੰ ਨਿੱਜੀ ਜਾਣਕਾਰੀ ਭਰਨੀ ਪਏਗੀ।
• ਨਿੱਜੀ ਜਾਣਕਾਰੀ ਦਰਜ ਕਰਨ ਤੋਂ ਬਾਅਦ ਉਹ ਵਾਲਾ ਪੀ.ਐਫ. ਨੰਬਰ ਚੁਣੋ ਜਿਸ ਨਾਲ ਤੁਸੀਂ ਸ਼ਿਕਾਇਤ ਦਰਜ ਕਰਵਾਈ ਹੈ।
• ਇਸ ਤੋਂ ਬਾਅਦ ਇਕ ਪੌਪ-ਅਪ ਸਕ੍ਰੀਨ ਖੁੱਲ੍ਹੇਗੀ, ਜਿਸ ਵਿਚ ਤੁਹਾਨੂੰ ਇਹ ਚੁਣਨਾ ਹੋਵੇਗਾ ਕਿ ਤੁਹਾਡੀ ਸ਼ਿਕਾਇਤ ਕਿਸ ਬਾਰੇ ਹੈ।
• ਸ਼ਿਕਾਇਤ ਦੀ ਸ਼੍ਰੇਣੀ ਚੁਣੋ ਅਤੇ ਲੋੜੀਂਦੀ ਜਾਣਕਾਰੀ ਭਰੋ। ਜੇ ਤੁਹਾਡੇ ਕੋਲ ਕੋਈ ਸਬੂਤ ਹੈ ਤਾਂ ਇਸ ਨੂੰ ਅਪਲੋਡ ਵੀ ਕੀਤਾ ਜਾ ਸਕਦਾ ਹੈ।
• ਸ਼ਿਕਾਇਤ ਦਰਜ ਹੋਣ ਤੋਂ ਬਾਅਦ, ਐਡ(ADD) 'ਤੇ ਕਲਿੱਕ ਕਰੋ ਅਤੇ ਸਬਮਿਟ(Submit) 'ਤੇ ਕਲਿੱਕ ਕਰੋ।
• ਇਸ ਤੋਂ ਬਾਅਦ ਤੁਹਾਡੀ ਸ਼ਿਕਾਇਤ ਦਰਜ ਕੀਤੀ ਜਾਏਗੀ ਅਤੇ ਰਜਿਸਟਰਡ ਰਜਿਸਟ੍ਰੇਸ਼ਨ ਨੰਬਰ ਤੁਹਾਡੇ ਰਜਿਸਟਰਡ ਮੋਬਾਈਲ ਨੰਬਰ ਅਤੇ ਈਮੇਲ ਆਈਡੀ 'ਤੇ ਆਵੇਗਾ, ਜਿਸ ਨੂੰ ਸੁਰੱਖਿਅਤ ਕਰ ਕੇ ਰੱਖ ਲਓ।
• ਆਪਣੀ ਸ਼ਿਕਾਇਤ ਦੀ ਸਥਿਤੀ ਦੀ ਜਾਂਚ ਕਿਵੇਂ ਕਰੀਏ
• ਆਪਣੀ ਸ਼ਿਕਾਇਤ ਦਰਜ ਕਰਨ ਤੋਂ ਬਾਅਦ, ਤੁਸੀਂ ਇਸਦੀ ਸਥਿਤੀ ਦੀ ਜਾਂਚ ਵੀ ਕਰ ਸਕਦੇ ਹੋ, ਤੁਹਾਡੀ ਸ਼ਿਕਾਇਤ ਦੇ ਸੰਬੰਧ ਵਿਚ ਕੀ ਕਾਰਵਾਈ ਹੋ ਰਹੀ ਹੈ। ਇਸਦੇ ਲਈ ਤੁਹਾਨੂੰ ਇੱਕ ਵਾਰ ਫਿਰ ਉਹੀ ਵੈਬਸਾਈਟ 'ਤੇ ਜਾਣਾ ਪਏਗਾ, ਜਿੱਥੇ ਤੁਸੀਂ ਆਪਣੀ ਸ਼ਿਕਾਇਤ ਦਰਜ ਕਰਵਾਈ। ਪਹਿਲਾਂ ਇਸ ਲਿੰਕ(epfigms.gov.in) 'ਤੇ ਜਾਓ। ਉਥੇ ਤੁਸੀਂ ਵਿਯੂ ਸਟੇਟਸ ਵਿਕਲਪ ਵੇਖੋਗੇ, ਜਿਸ 'ਤੇ ਕਲਿੱਕ ਕਰਕੇ ਤੁਹਾਨੂੰ ਆਪਣੀ ਸ਼ਿਕਾਇਤ ਦਾ ਰਜਿਸਟ੍ਰੇਸ਼ਨ ਨੰਬਰ ਅਤੇ ਮੋਬਾਈਲ ਨੰਬਰ ਦੇਣਾ ਪਏਗਾ, ਜਿਸ ਤੋਂ ਬਾਅਦ ਤੁਹਾਨੂੰ ਸ਼ਿਕਾਇਤ ਦੀ ਸਥਿਤੀ ਦਾ ਪਤਾ ਲੱਗ ਜਾਵੇਗਾ।

ਇਹ ਵੀ ਦੇਖੋ : ਲਗਾਤਾਰ ਡਿੱਗ ਰਹੇ ਹਨ ਸੋਨੇ-ਚਾਂਦੀ ਦੇ ਭਾਅ, ਜਾਣੋ 10 ਗ੍ਰਾਮ ਸੋਨੇ ਦੀ ਕੀਮਤ