ਡੀਮੈਟ ਖਾਤਿਆਂ ਦੀ ਗਿਣਤੀ ਪਹਿਲੀ ਵਾਰ 15 ਕਰੋੜ ਦੇ ਅੰਕੜੇ ਤੋਂ ਹੋਈ ਪਾਰ

ਬਿਜ਼ਨੈੱਸ ਡੈਸਕ : ਡੀਮੈਟ ਖਾਤਿਆਂ ਦੀ ਗਿਣਤੀ ਪਹਿਲੀ ਵਾਰ ਮਾਰਚ ਵਿੱਚ 15 ਕਰੋੜ ਦੇ ਅੰਕੜੇ ਨੂੰ ਪਾਰ ਕਰ ਗਈ। ਸ਼ੇਅਰ ਅਤੇ ਹੋਰ ਪ੍ਰਤੀਭੂਤੀਆਂ ਨੂੰ ਇਲੈਕਟ੍ਰਾਨਿਕ ਫਾਰਮੈਟ ਵਿੱਚ ਰੱਖਣ ਲਈ ਇਹ ਖਾਤਾ ਜ਼ਰੂਰੀ ਹੈ। ਬਾਜ਼ਾਰ ਵਿਚ ਉਤਰਾਅ-ਚੜ੍ਹਾਅ ਦੇ ਬਾਵਜੂਦ ਮਾਰਚ ਵਿਚ 31.2 ਲੱਖ ਨਵੇਂ ਡੀਮੈਟ ਖਾਤੇ ਜੋੜੇ ਗਏ ਅਤੇ ਡੀਮੈਟ ਖਾਤਿਆਂ ਦੀ ਕੁੱਲ ਗਿਣਤੀ 15.14 ਕਰੋੜ ਹੋ ਗਈ।

ਇਹ ਵੀ ਪੜ੍ਹੋ - ਰਿਕਾਰਡ ਤੇਜ਼ੀ ਤੋਂ ਬਾਅਦ ਹੇਠਾਂ ਡਿੱਗੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ, ਜਾਣੋ ਅੱਜ ਦਾ ਨਵਾਂ ਰੇਟ

15 ਕਰੋੜ ਡੀਮੈਟ ਖਾਤਿਆਂ ਦਾ ਨਵਾਂ ਸਿਖਰ 10 ਕਰੋੜ ਦੇ ਅੰਕੜੇ ਨੂੰ ਹਾਸਲ ਕਰਨ ਦੇ 19 ਮਹੀਨਿਆਂ ਬਾਅਦ ਦੇਖਣ ਨੂੰ ਮਿਲਿਆ ਹੈ, ਜੋ ਸਕੇਂਤ ਦਿੰਦਾ ਹੈ ਕਿ ਭਾਰਤੀ ਪਰਿਵਾਰ ਸਿੱਧੇ ਤੌਰ 'ਤੇ ਇਕੁਇਟੀ ਵਿੱਚ ਨਿਵੇਸ਼ ਕਰ ਰਹੇ ਹਨ। ਇਕੱਲੇ ਵਿੱਤੀ ਸਾਲ 24 ਵਿਚ ਲਗਭਗ 3.7 ਕਰੋੜ ਨਵੇਂ ਡੀਮੈਟ ਖਾਤੇ ਜੋੜੇ ਗਏ, ਜੋ ਇਕ ਵਿੱਤੀ ਸਾਲ ਵਿਚ ਨਵੇਂ ਖਾਤਿਆਂ ਦੀ ਸਭ ਤੋਂ ਵੱਧ ਸੰਖਿਆ ਹੈ ਅਤੇ ਪਿਛਲੇ ਵਿੱਤੀ ਸਾਲ ਦੇ ਮੁਕਾਬਲੇ 32 ਫ਼ੀਸਦੀ ਦਾ ਵਾਧਾ ਹੈ।

ਇਹ ਵੀ ਪੜ੍ਹੋ - ਅਪ੍ਰੈਲ ਮਹੀਨੇ ਦੇ ਪਹਿਲੇ ਦਿਨ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ 'ਚ ਹੋਇਆ ਬਦਲਾਅ, ਜਾਣੋ ਨਵੇਂ ਰੇਟ

ਪਿਛਲੇ 12 ਮਹੀਨਿਆਂ ਵਿੱਚ ਘਰੇਲੂ ਬਾਜ਼ਾਰਾਂ ਨੇ ਜੋ ਉਤਸ਼ਾਹਜਨਕ ਰਿਟਰਨ ਦਿੱਤੇ ਹਨ, ਉਸ ਨਾਲ ਨਵੇਂ ਨਿਵੇਸ਼ਕਾਂ ਦੀ ਨਿਰੰਤਰ ਆਮਦ ਯਕੀਨੀ ਹੋਈ ਹੈ। FY24 ਦੌਰਾਨ ਬੈਂਚਮਾਰਕ ਨਿਫਟੀ-50 ਸੂਚਕਾਂਕ ਨੇ 29 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ, ਜੋ ਕੋਵਿਡ ਪ੍ਰਭਾਵਿਤ ਸਾਲ 2021 ਤੋਂ ਬਾਅਦ ਸਭ ਤੋਂ ਵਧੀਆ ਅੰਕੜਾ ਹੈ। ਦੂਜੇ ਪਾਸੇ ਨਿਫਟੀ ਸਮਾਲਕੈਪ 100 ਅਤੇ ਨਿਫਟੀ ਮਿਡਕੈਪ 100 ਸੂਚਕਾਂਕ 'ਚ ਕ੍ਰਮਵਾਰ 70 ਫ਼ੀਸਦੀ ਅਤੇ 60 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ।

ਇਹ ਵੀ ਪੜ੍ਹੋ - ਅੱਜ ਤੋਂ ਦੇਸ਼ 'ਚ ਲਾਗੂ ਹੋਇਆ 'ਇੱਕ ਵਾਹਨ, ਇੱਕ ਫਾਸਟੈਗ' ਦਾ ਨਿਯਮ, ਜਾਣੋ ਕੀ ਹੈ ਖ਼ਾਸੀਅਤ

ਇਸ ਤੋਂ ਇਲਾਵਾ ਵਿੱਤੀ ਸਾਲ 24 'ਚ ਵੀ IPO ਦੀ ਰਫ਼ਤਾਰ ਚੰਗੀ ਰਹੀ ਹੈ, ਜਿਸ ਨੂੰ ਨਵੇਂ ਨਿਵੇਸ਼ਕਾਂ ਲਈ ਦਾਖਲੇ ਦਾ ਸਾਧਨ ਵੀ ਮੰਨਿਆ ਜਾਂਦਾ ਹੈ। ਪਿਛਲੇ ਵਿੱਤੀ ਸਾਲ 'ਚ 76 ਕੰਪਨੀਆਂ ਨੇ IPO ਰਾਹੀਂ 61,921 ਕਰੋੜ ਰੁਪਏ ਜੁਟਾਏ ਹਨ। ਨਿਫਟੀ, ਸਮਾਲ ਅਤੇ ਮਿਡਕੈਪ ਨੇ ਪਿਛਲੇ ਵਿੱਤੀ ਸਾਲ ਵਿੱਚ ਸ਼ਾਨਦਾਰ ਰਿਟਰਨ ਦਿੱਤਾ। ਉਹ ਨਿਵੇਸ਼ਕ ਜੋ ਮਹਾਂਮਾਰੀ ਤੋਂ ਬਾਅਦ ਦੇ ਉਛਾਲ ਦੌਰਾਨ ਬਾਜ਼ਾਰਾਂ ਵਿੱਚ ਹਿੱਸਾ ਨਹੀਂ ਲੈ ਸਕੇ, ਪਿਛਲੇ 12 ਮਹੀਨਿਆਂ ਵਿੱਚ ਬਾਜ਼ਾਰਾਂ ਵਿੱਚ ਦਾਖਲ ਹੋਏ ਹਨ। ਬਹੁਤ ਸਾਰੇ IPO ਨੇ ਸੂਚੀਕਰਨ 'ਤੇ ਸ਼ਾਨਦਾਰ ਰਿਟਰਨ ਦਿੱਤਾ ਹੈ, ਜਿੱਥੇ ਤੁਹਾਡੇ ਕੋਲ ਪਹਿਲਾਂ 10 ਕਰੋੜ ਤੋਂ ਵੱਧ ਡੀਮੈਟ ਖਾਤੇ ਹਨ ਅਤੇ ਸਰਗਰਮ ਭਾਗੀਦਾਰੀ ਹੈ।

ਇਹ ਵੀ ਪੜ੍ਹੋ - ਦਾਦੇ ਨੇ 1994 'ਚ ਖਰੀਦੇ ਸੀ SBI ਦੇ 500 ਰੁਪਏ ਦੇ ਸ਼ੇਅਰ, ਹੁਣ ਕੀਮਤ ਜਾਣ ਪੋਤੇ ਦੇ ਉੱਡ ਗਏ ਹੋਸ਼

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8