ਹੁਣ ਏਅਰਕ੍ਰਾਫਟ ਮੇਨਟੇਨੈਂਸ ਦਾ ਵੀ ਕਾਰੋਬਾਰ ਕਰਨਗੇ ਗੌਤਮ ਅਡਾਨੀ, 400 ਕਰੋੜ ''ਚ ਖਰੀਦੀ ਕੰਪਨੀ

ਨਵੀਂ ਦਿੱਲੀ- ਏਸ਼ੀਆ ਦੇ ਸਭ ਤੋਂ ਅਮੀਰ ਕਾਰੋਬਾਰੀ ਗੌਤਮ ਅਡਾਨੀ ਦੇ ਗਰੁੱਪ ਨੇ ਦੇਸ਼ ਦੀ ਦੂਜੀ ਸਭ ਤੋਂ ਪੁਰਾਣੀ ਮੇਨਟੇਨੈਂਸ ਰਿਪੇਅਰ ਅਤੇ ਓਵਰਹਾਲ ਕੰਪਨੀ ਏਅਰ ਵਰਕਸ ਨੂੰ 400 ਕਰੋੜ ਰੁਪਏ ਵਿੱਚ ਖਰੀਦ ਲਿਆ ਹੈ। ਇਹ ਖਰੀਦ ਅਡਾਨੀ ਗਰੁੱਪ ਦੀ ਕੰਪਨੀ ਡਿਫੈਂਸ ਸਿਸਟਮਜ਼ ਐਂਡ ਟੈਕਨਾਲੋਜੀ ਲਿਮਟਿਡ (ADSTL) ਨੇ ਕੀਤਾ ਹੈ। 
ਅਡਾਨੀ ਸਮੂਹ ਸੱਤ ਹਵਾਈ ਅੱਡਿਆਂ ਦਾ ਸੰਚਾਲਨ ਕਰਦਾ ਹੈ ਅਤੇ ਇਹ ਹਾਲੀਆ ਪ੍ਰਾਪਤੀ ਇਸ ਨੂੰ ਤਿੰਨੋਂ ਏਅਰਕ੍ਰਾਫਟ ਮੇਨਟੇਨੈਂਸ ਵਰਟੀਕਲ - ਏਅਰਲਾਈਨ, ਬਿਜ਼ਨਸ ਜੈੱਟ ਅਤੇ ਰੱਖਿਆ ਵਿੱਚ ਰੱਖ-ਰਖਾਅ ਸਮਰੱਥਾ ਪ੍ਰਦਾਨ ਕਰੇਗੀ। 1951 ਵਿੱਚ ਦੋ ਦੋਸਤਾਂ ਪੀ.ਐੱਸ. ਮੈਨਨ ਅਤੇ ਬੀਜੀ ਮੈਨਨ ਦੁਆਰਾ ਸਥਾਪਿਤ, ਏਅਰ ਵਰਕਸ ਦੀ 27 ਸ਼ਹਿਰਾਂ ਵਿੱਚ ਮੌਜੂਦਗੀ ਹੈ, ਜਿਸ ਵਿੱਚ ਮੁੰਬਈ, ਹੋਸੂਰ ਅਤੇ ਕੋਚੀ ਵਿੱਚ ਹੈਂਗਰ ਸ਼ਾਮਲ ਹਨ। ਦੇਸ਼ ਦੀ ਸਭ ਤੋਂ ਪੁਰਾਣੀ ਪ੍ਰਾਈਵੇਟ ਮੇਨਟੇਨੈਂਸ ਰਿਪੇਅਰ ਐਂਡ ਓਵਰਹਾਲ (ਐੱਮ.ਆਰ.ਓ) ਇੰਦਾਮਰ ਐਵੀਏਸ਼ਨ ਦੀ ਸਥਾਪਨਾ 1947 ਵਿੱਚ ਕੀਤੀ ਗਈ ਸੀ। ਏਅਰ ਵਰਕਸ ਦੇ ਛੇ ਨਿਵੇਸ਼ਕ ਹਨ ਅਤੇ ਇਸ ਨੂੰ 2007 ਵਿੱਚ ਜੀ.ਟੀ.ਆਈ ਗਰੁੱਪ ਅਤੇ ਪੁੰਜ ਲੋਇਡ ਤੋਂ ਆਪਣੀ ਪਹਿਲੀ ਬਾਹਰੀ ਵਿੱਤ ਪੋਸ਼ਣ ਪ੍ਰਾਪਤ ਕੀਤਾ ਸੀ। ਮੈਨਨ ਸਮੇਤ ਸਾਰੇ ਮੌਜੂਦਾ ਨਿਵੇਸ਼ਕ ਲੈਣ-ਦੇਣ ਤੋਂ ਬਾਅਦ ਕੰਪਨੀ ਤੋਂ ਬਾਹਰ ਹੋ ਜਾਣਗੇ। ਅਡਾਨੀ ਡਿਫੈਂਸ ਐਂਡ ਏਰੋਸਪੇਸ ਦੇ ਸੀ.ਈ.ਓ ਆਸ਼ੀਸ਼ ਰਾਜਵੰਸ਼ੀ ਨੇ ਕਿਹਾ, "ਰੱਖਿਆ ਅਤੇ ਸਿਵਲ ਏਰੋਸਪੇਸ ਦੋਵਾਂ ਖੇਤਰਾਂ ਵਿੱਚ ਐੱਮ.ਆਰ.ਓ. ਸੈਕਟਰ ਦੀ ਮਹੱਤਵਪੂਰਨ ਭੂਮਿਕਾ ਹੈ।" ਉਨ੍ਹਾਂ ਕਿਹਾ ਕਿ ਭਾਰਤ ਨੂੰ ਰੱਖਿਆ ਜਹਾਜ਼ਾਂ ਲਈ ਇੱਕ ਪ੍ਰਮੁੱਖ ਬਾਜ਼ਾਰ ਬਣਾਉਣ ਲਈ ਚੱਲ ਰਿਹਾ ਆਧੁਨਿਕੀਕਰਨ ਪ੍ਰੋਗਰਾਮ ਇਸ ਖੇਤਰ ਲਈ ਵੱਡੇ ਮੌਕੇ ਪੇਸ਼ ਕਰਦਾ ਹੈ।