ਸ਼ੈੱਲ ਕੰਪਨੀਆਂ ਦੇ ਬਾਅਦ ਹੁਣ ''ਬੇਨਾਮੀ ਟ੍ਰੇਡਿੰਗ'' ਕਰਨ ਵਾਲਿਆਂ ਦੀ ਖੈਰ ਨਹੀਂ

ਮੁੰਬਈ—ਸ਼ੈੱਲ ਕੰਪਨੀਆਂ 'ਤੇ ਸਖਤੀ ਦੇ ਬਾਅਦ ਸੇਬੀ ' ਬੇਨਾਮੀ ਟ੍ਰੇਡਿੰਗ' 'ਤੇ ਲਗਾਮ ਲਗਾਉਣ ਦੀ ਕੋਸ਼ਿਸ਼ ਕਰਨ ਜਾ ਰਹੀ ਹੈ। ਫੰਡ ਨੂੰ ਪਰਤਾਂ 'ਚ ਛਿਪਾ ਕੇ ਸ਼ੇਅਰ ਕੀਮਤਾਂ 'ਚ ਉਤਰਾਅ-ਚੜਾਅ ਲਿਆਉਣ ਅਤੇ ਇਨਸਾਈਡਰ ਟ੍ਰੇਡਿੰਗ ਕਰਨ ਵਾਲਿਆਂ 'ਤੇ ਸਖਤੀ ਦੇ ਲਈ ਸੇਬੀ ਰਾਸਤੇ ਤਲਾਸ਼ ਰਹੀ ਹੈ। ਪਰਤਾਂ 'ਚ ਫੰਡ ਨੂੰ ਛਿਪਾਉਣ ਦੇ ਲਈ ਇਕ ਕੰਪਨੀ ਤੋਂ ਦੂਸਰੀ ਕੰਪਨੀ ਨੂੰ ਪੈਸਾ ਲੋਨ ਦੇ ਰੂਪ 'ਚ ਦਿੱਤਾ ਜਾਂਦਾ ਹੈ। ਇਹ ਖੇਲ ਕਰੀਬ 9-10 ਕੰਪਨੀਆਂ ਦੀ ਚੇਨ ਦੇ ਜਰੀਏ ਚੱਲਦਾ ਹੈ ਅਤੇ ਇਨ੍ਹਾਂ 'ਚ ਆਖਰੀ ਕੰਪਨੀ ਨੂੰ ਸ਼ੇਅਰ ਖਰੀਦਣ ਜਾਂ ਵੇਚਣ ਦੇ ਲਈ ਪੈਸਾ ਮਿਲਦਾ ਹੈ। ਇਹ ਖੇਲ ਦਰਸ਼ਕਾਂ ਤੋਂ ਭਾਰਤੀ ਸ਼ੇਅਰ ਬਾਜ਼ਾਰ 'ਚ ਚਲ ਰਿਹਾ ਹੈ।
ਜਿਨ੍ਹਾਂ ਕੰਪਨੀਅÎਾਂ ਦੀ ਵਰਤੋਂ ਫੰਡ ਨੂੰ ਛਿਪਾਉਣ ਦੇ ਲਈ ਕੀਤੀ ਜਾਂਦੀ ਹੈ, ਉਨ੍ਹਾਂ 'ਚੋਂ ਕਈਆਂ ਕੋਲ ਆਪਰੇਟਿੰਗ ਬਿਜ਼ਨੈੱਸ ਹੁੰਦਾ ਹੈ ਅਤੇ ਉਹ ਸ਼ੈੱਲ ਕੰਪਨੀਆਂ ਨਹੀਂ ਹੁੰਦੀਆਂ। ਉਨ੍ਹਾਂ ਦੀ ਵਰਤੋਂ ਟ੍ਰੇਡ ਦੇ ਪਿੱਛੇ ਦੇ ਸ਼ਖਸ ਦੀ ਪਛਾਨ ਛਿਪਾਉਣ ਲਈ ਹੁੰਦੀ ਹੈ। ਟ੍ਰਾਂਜੈਕਸ਼ਨ ਦੇ ਅਸਲ ਮਕਸਦ 'ਤੇ ਪਰਦਾ ਪਾਉਣ ਲਈ ਵੀ ਉਨ੍ਹਾਂ ਦੀ  ਵਰਤੋਂ ਕੀਤੀ ਜਾਂਦੀ ਹੈ। ਪਿਛਲੇ ਹਫਤੇ ਸੇਬੀ ਦੀ ਹੋਲਟਾਈਮ ਮੈਂਬਰ ਮਾਥਵੀ ਪੁਰੀ ਬੁਚ ਨੇ ਇਕ ਮੀਟਿੰਗ 'ਚ ਇਹ ਮੁੱਦਾ ਉਠਾਇਆ ਸੀ। ਇਸ ਮੀਟਿੰਗ 'ਚ ਸਟਾਕ ਐਕਸਚੇਂਜ ਦੇ ਅਧਿਕਾਰੀ, ਸੇਬੀ ਦੇ ਕੁਝ ਸੀਨੀਅਰ ਅਧਿਕਾਰੀ ਅਤੇ ਫਾਇਨੈਂਸ਼ਲ ਸਰਵਿਸੇਜ ਇੰਡਸਟਰੀ ਦੇ ਲੋਕ ਸ਼ਾਮਿਲ ਹੋਏ ਸਨ।

ਇਸ ਮੀਟਿੰਗ 'ਚ ਹੋਈ ਗੱਲਬਾਤ ਤੋਂ ਜਾਣੂ ਇਕ ਵਿਅਕਤੀ ਨੇ ਕਿਹਾ, ' ਸੈੱਲ ਕੰਪਨੀਆਂ ਦੇ ਮੁਕਾਬਲੇ ' ਬੇਨਾਮੀ ਟ੍ਰੇਡਿੰਗ' 'ਤੇ ਲਗਾਮ ਲਗਾਉਣ ਮੁਸ਼ਕਲ ਕੰਮ ਹੈ। ਇਨਸਾਈਡਰ ਟ੍ਰੇਡਿੰਗ ਦੇ ਲਈ ਅਜਿਹੇ ਟ੍ਰਾਂਜੈਕਸ਼ਨ ਅਕਾਉਂਟ ਦਾ ਅਕਸੈੱਸ ਦਿੰਦੇ ਹਨ। ਅਜਿਹੀ ਖਬਰ ਹੈ ਕਿ ਸੇਬੀ ਨੇ ਕਈ ਕੰਪਨੀਆਂ ਅਤੇ ਇੰਡਵਿਜੂਅਲ ਦੇ ਜਰੀਏ ਫੰਡ ਦੇ ਲੈਣ ਦੇਣ ਦਾ ਪਤਾ ਲਗਾਇਆ ਹੈ.
ਆਮ ਤੌਰ 'ਤੇ ਜਦੋਂ ਅਜਿਹੀ ਟ੍ਰੇਡਿੰਗ ਹੁੰਦੀ ਹੈ, ਉਦੋਂ ਸੇਬੀ ਇਸ ਤਰ੍ਹਾਂ ਦਾ ਸੌਦਾ ਕਰਨ ਵਾਲਿਆਂ ਦੇ ਪਿੱਛੇ ਪੈ ਜਾਂਦਾ ਹੈ। ਹਾਲਾਂਕਿ ਇਨ੍ਹਾਂ ਮਾਮਲਿਆਂ 'ਚ ਬੇਨਾਮੀ ਟ੍ਰੇਡਿੰਗ ਦੇ ਜਰੀਏ ਸ਼ੇਅਰ ਪ੍ਰਾਈਸ 'ਚ ਉਤਰਾਅ-ਚੜਾਅ ਲਿਆਇਆ ਜਾਂਦਾ ਹੈ। ਅਜਿਹੇ 'ਚ ਤੁਸੀਂ ਅਸਲ ਅਪਰਾਧੀ ਤੱਕ ਕਿਵੇਂ ਪਹੁੰਚਾਂਗੇ? ਇਸਦਾ ਆਸਾਨ ਜਵਾਬ ਸਾਡੇ ਕੋਲ ਨਹੀਂ ਹੈ।