ਮਿਊਚੁਅਲ ਫੰਡ ਬਣਿਆ ਲੋਕਾਂ ਦੀ ਪਹਿਲੀ ਪਸੰਦ, ਦਸੰਬਰ 'ਚ ਬਣਿਆ 26 ਹਜ਼ਾਰ ਕਰੋੜ ਦਾ ਨਵਾਂ ਰਿਕਾਰਡ

ਬਿਜਨੈੱਸ ਡੈਸਕ- ਮਾਸਿਕ ਮਿਊਚੁਅਲ ਫੰਡ ਯਾਨੀ SIP ਨੇ ਪਹਿਲੀ ਵਾਰ ਇੱਕ ਮਹੀਨੇ ਵਿੱਚ 26 ਹਜ਼ਾਰ ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ, ਜੋ ਦਸੰਬਰ ਵਿੱਚ 26,459 ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ। ਉਥੇ ਹੀ ਨਵੰਬਰ ਵਿੱਚ ਇਹ ਅੰਕੜਾ 25,320 ਕਰੋੜ ਰੁਪਏ ਸੀ, ਅਜਿਹੀ ਸਥਿਤੀ ਵਿੱਚ ਹੁਣ ਮਿਊਚੁਅਲ ਫੰਡ ਨਿਵੇਸ਼ਕਾਂ ਦੀ ਪਹਿਲੀ ਪਸੰਦ ਬਣ ਕੇ ਉਭਰਿਆ ਹੈ। ਦਸੰਬਰ ਦੇ ਮਹੀਨੇ ਵਿੱਚ ਮਿਊਚੁਅਲ ਫੰਡ ਫੋਲੀਓ ਨੇ ਵੀ ਇੱਕ ਰਿਕਾਰਡ ਕਾਇਮ ਕੀਤਾ ਹੈ ਅਤੇ ਇਸ ਮਹੀਨੇ ਕੁੱਲ 22,50,03,545 ਫੋਲੀਓ ਰਹੇ ਹਨ।

ਇਹ ਵੀ ਪੜ੍ਹੋ: ਇਸ ਸਰਟੀਫਿਕੇਟ ਦੇ ਬਿਨਾਂ ਸਾਊਦੀ ਅਰਬ 'ਚ ਨਹੀਂ ਹੋਵੇਗੀ ਐਂਟਰੀ

ਜੇਕਰ ਅਸੀਂ ਰਿਟੇਲ ਮਿਊਚੁਅਲ ਫੰਡ ਫੋਲੀਓ ਦੀ ਗੱਲ ਕਰੀਏ, ਤਾਂ (ਹਾਈਬ੍ਰਿਡ + ਸਲਿਊਸ਼ਨ ਓਰੀਐਂਟਡ ਸਕੀਮ) ਫੋਲੀਓ ਦਸੰਬਰ ਵਿੱਚ ਸਭ ਤੋਂ ਉੱਚੇ ਪੱਧਰ 'ਤੇ ਰਹੇ। ਨਵੰਬਰ ਵਿੱਚ 17,54,84,468 ਫੋਲੀਓ ਸਨ ਅਤੇ ਦਸੰਬਰ ਵਿੱਚ ਇਹ ਵੱਧ ਕੇ 17,89,93,911 ਹੋ ਗਏ। ਉਥੇ ਹੀ, ਦਸੰਬਰ ਵਿੱਚ ਪ੍ਰਚੂਨ AUM (ਇਕੁਇਟੀ + ਹਾਈਬ੍ਰਿਡ + ਸਲਿਊਸ਼ਨ ਓਰੀਐਂਟਡ ਸਕੀਮ) ਵਿੱਚ 39,91,313 ਕਰੋੜ ਰੁਪਏ ਅਤੇ ਨਵੰਬਰ 2024 ਵਿੱਚ 39,70,220 ਕਰੋੜ ਰੁਪਏ ਨਿਵੇਸ਼ ਹੋਇਆ ਸੀ।

ਇਹ ਵੀ ਪੜ੍ਹੋ: ਸਹੁੰ ਚੁੱਕਣ ਤੋਂ 10 ਦਿਨ ਪਹਿਲਾਂ ਟਰੰਪ ਨੂੰ ਵੱਡਾ ਝਟਕਾ, ਸੁਪਰੀਮ ਕੋਰਟ ਨੇ ਸਜ਼ਾ ਰੋਕਣ ਤੋਂ ਕੀਤਾ ਇਨਕਾਰ

ਦਸੰਬਰ ਵਿੱਚ ਇੰਨੀ ਵਧੀ SIP

ਦਸੰਬਰ 2024 ਵਿੱਚ 4 ਲੱਖ 80 ਹਜ਼ਾਰ ਨਵੀਂ SIP ਸ਼ੁਰੂ ਹੋਈ, ਜਿਸ ਨਾਲ ਇਹ ਪਤਾ ਲੱਗਾ ਕਿ ਲੋਕਾਂ ਦੀ ਮਿਊਚੁਅਲ ਫੰਡ ਵਿੱਚ ਦਿਲਚਸਪੀ ਵਧੀ ਹੈ। ਦਸੰਬਰ ਮਹੀਨੇ ਵਿੱਚ ਕੁੱਲ SIP ਦੀ ਗੱਲ ਕਰੀਏ ਤਾਂ ਇਹ 54,27,201 ਹੋਈ, ਜਦੋਂ ਕਿ ਨਵੰਬਰ ਵਿੱਚ 49,46,408 SIP ਹੋਈ ਸੀ। ਉਥੇ ਹੀ ਦਸੰਬਰ ਵਿਚ SIP AUM 13.63 ਲੱਖ ਕਰੋੜ ਰੁਪਏ ਰਿਹਾ ਅਤੇ ਨਵੰਬਰ ਵਿੱਚ 13.54 ਲੱਖ ਕਰੋੜ ਰੁਪਏ ਸੀ। ਜੇਕਰ ਅਸੀਂ SIP ਖਾਤਿਆਂ ਦੀ ਗੱਲ ਕਰੀਏ ਤਾਂ ਦਸੰਬਰ ਵਿੱਚ ਕੁੱਲ 10,32,02,796 SIP ਖਾਤੇ ਸਨ, ਜਦੋਂ ਕਿ ਨਵੰਬਰ ਵਿੱਚ ਇਹੀ SIP ਖਾਤੇ 10,22,66,590 ਸਨ ਅਤੇ ਦਸੰਬਰ ਵਿੱਚ AUM 69,32,959.05 ਕਰੋੜ ਰੁਪਏ ਸੀ, ਜਦੋਂ ਕਿ ਨਵੰਬਰ ਵਿੱਚ 2024 ਵਿੱਚ ਇਹ 68,04,913.46 ਕਰੋੜ ਰੁਪਏ ਸੀ। 

ਇਹ ਵੀ ਪੜ੍ਹੋ : ਕੈਨੇਡਾ ਦਾ ਅਗਲਾ ਪ੍ਰਧਾਨ ਮੰਤਰੀ ਕੌਣ ਹੋਵੇਗਾ? ਇਸ ਦਿਨ ਹੋਵੇਗਾ ਐਲਾਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8