ਮੁਕੇਸ਼ ਅੰਬਾਨੀ ਖਰੀਦਣਗੇ ਭਰਾ ਅਨਿਲ ਦੀ ਕੰਪਨੀ Rcom, ਪਲਾਨ ਨੂੰ ਮਿਲੀ ਮਨਜ਼ੂਰੀ!

ਨਵੀਂ ਦਿੱਲੀ—ਦੇਸ਼ ਦੇ ਸਭ ਤੋਂ ਅਮੀਰ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਆਪਣੇ ਭਰਾ ਅਨਿਲ ਅੰਬਾਨੀ ਦੀ ਦਿਵਾਲਾ ਹੋ ਚੁੱਕੀ ਕੰਪਨੀ ਰਿਲਾਇੰਸ ਕਮਿਊਨਿਕੇਸ਼ਨਸ ਨੂੰ ਖਰੀਦਣ ਜਾ ਰਹੇ ਹਨ | ਸੂਤਰਾਂ ਮੁਤਾਬਕ ਸਟੇਟ ਬੈਂਕ ਆਫ ਇੰਡੀਆ ਨੇ ਆਰਕਾਮ ਦੇ ਰਜਿਲਿਊਸ਼ਨ ਪਲਾਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ | ਬੈਂਕਾਂ ਨੂੰ ਉਮੀਦ ਹੈ ਕਿ ਇਸ ਨਾਲ ਉਨ੍ਹਾਂ ਦੇ 23000 ਕਰੋੜ ਰੁਪਏ ਵਾਪਸ ਆ ਜਾਣਗੇ | 
ਟਾਵਰ ਅਤੇ ਫਾਈਬਰ ਬਿਜ਼ਨੈੱਸ ਖਰੀਦੇਗੀ ਜਿਓ
ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਜਿਓ ਆਰਕਾਮ ਦੀ ਟਾਵਰ ਅਤੇ ਫਾਈਬਰ ਬਿਜ਼ਨੈੱਸ (ਰਿਲਾਇੰਸ ਇੰਫਰਾਟੈੱਲ) ਨੂੰ ਖਰੀਦਣ ਲਈ 4700 ਕਰੋੜ ਰੁਪਏ ਆਫਰ ਕੀਤੇ ਹਨ | ਯੂਵੀ ਐਸੇਟ ਰੀਕੰਸਟਰਕਸ਼ਨ ਕੰਪਨੀ ਨੇ ਆਰਕਾਮ ਅਤੇ ਰਿਲਾਇੰਸ ਟੈਲੀਕਾਮ ਦੇ ਐਸੇਟ ਲਈ 14700 ਕਰੋੜ ਰੁਪਏ ਦੀ ਬੋਲੀ ਲਗਾਈ ਹੈ | ਆਰਕਾਮ ਨੂੰ 4300 ਕਰੋੜ ਦਾ ਬਕਾਇਆ ਇੰਡੀਅਨ ਅਤੇ ਚਾਈਨੀਜ਼ ਕ੍ਰੈਡਿਟਰਸ ਨੂੰ ਪਹਿਲ ਦੇ ਆਧਾਰ 'ਤੇ ਚੁਕਾਉਣਾ ਹੈ | 
ਕੰਪਨੀ 'ਤੇ ਕੁੱਲ 82000 ਕਰੋੜ ਦੀ ਦੇਣਦਾਰੀ
ਮਾਮਲੇ ਨਾਲ ਜੁੜੇ ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਐੱਸ.ਬੀ.ਆਈ. ਬੋਰਡ ਨੇ ਆਰਕਾਮ ਦੇ ਰਜਿਲਿਊਸ਼ਨ ਪਲਾਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ | ਰਜਿਲਿਊਸ਼ਨਸ ਪਲਾਨ ਨੂੰ ਲੈ ਕੇ ਕਮੇਟੀ ਆਫ ਕ੍ਰੈਡਿਟਰਸ ਦੀ ਬੈਠਕ ਦਾ ਅੱਜ ਆਖਰੀ ਦਿਨ ਹੈ | ਆਰਕਾਮ 'ਤੇ ਸਕਿਓਰਡ ਕਰਜ਼ 33000 ਕਰੋੜ ਦਾ ਹੈ ਅਤੇ ਲੈਂਡਰਸ ਨੇ 49000 ਕਰੋੜ ਦਾ ਦਾਅਵਾ ਕੀਤਾ ਹੈ | 
ਜਿਓ ਨੇ ਆਰਕਾਮ ਦਾ ਐਸੇਟ ਖਰੀਦਣ ਤੋਂ ਕੀਤਾ ਸੀ ਮਨ੍ਹਾ
ਪਿਛਲੇ ਦਿਨ ਆਰਕਾਮ ਨੇ ਆਪਣਾ ਐਸੇਟ ਵੇਚ ਕੇ ਕਰਜ਼ ਚੁਕਾਉਣ ਦੀ ਕੋਸ਼ਿਸ਼ ਕੀਤੀ ਸੀ | ਇਸ ਲਈ ਅਨਿਲ ਅੰਬਾਨੀ ਨੇ ਰਿਲਾਇੰਸ ਜਿਓ ਨਾਲ ਵੀ ਸੰਪਰਕ ਕੀਤਾ ਸੀ, ਜਿਸ ਦੇ ਮਾਲਕ ਅੰਬਾਨੀ ਹਨ | ਹਾਲਾਂਕਿ ਇਹ ਡੀਲ ਕਈ ਕਾਰਨਾਂ ਕਰਕੇ ਨਹੀਂ ਹੋ ਪਾਈ | ਜਿਓ ਨੇ ਆਰਕਾਮ ਦੇ ਐਸੇਟ ਨੂੰ ਖਰੀਦਣ ਤੋਂ ਮਨ੍ਹਾ ਕਰ ਦਿੱਤਾ ਸੀ | ਜਿਓ ਦਾ ਕਹਿਣਾ ਸੀ ਕਿ ਉਹ ਨਹੀਂ ਚਾਹੁੰਦੀ ਕਿ ਉਸ ਨੂੰ ਆਰਕਾਮ ਦੇ ਭਾਰੀ ਭਰਕਮ ਕਰਜ਼ ਦਾ ਬੋਝ ਵੀ ਚੁਕਣਾ ਪਏ | ਬਾਅਦ 'ਚ ਸਵੀਡਿਸ਼ ਟੈਲੀਕਾਮ ਕੰਪਨੀ ਐਰੀਕਸ਼ਨ ਨੇ ਇੰਸਾਲਵੈਂਸੀ ਲਈ ਅਪੀਲ ਦਾਇਰ ਕੀਤੀ ਅਤੇ ਇਸ ਪ੍ਰਕਿਰਿਆ ਦੀ ਸ਼ੁਰੂਆਤ ਹੋਈ |