ਮਿਡਲ ਈਸਟ ਤਣਾਅ : ਅਰਬਾਂ ਦਾ ਫਸਿਆ ਮਾਲ, ਨਿਰਯਾਤਕਾਂ ਦੇ ਸੁੱਕੇ ਸਾਹ, ਬੀਮਾ ਕੰਪਨੀਆਂ ਨੇ ਖਿੱਚੇ ਹੱਥ

ਬਿਜ਼ਨੈੱਸ ਡੈਸਕ : ਪੱਛਮੀ ਏਸ਼ੀਆ (ਮਿਡਲ ਈਸਟ) ਵਿੱਚ ਵਧਦੇ ਯੁੱਧ ਦੇ ਤਣਾਅ ਦਾ ਸਿੱਧਾ ਅਸਰ ਹੁਣ ਭਾਰਤੀ ਨਿਰਯਾਤ 'ਤੇ ਦਿਖਾਈ ਦੇਣ ਲੱਗਾ ਹੈ। ਲੌਜਿਸਟਿਕਸ ਖੇਤਰ ਦੀਆਂ ਕੰਪਨੀਆਂ ਮੁਤਾਬਕ ਲਗਭਗ 40,000 ਤੋਂ 45,000 ਭਾਰਤੀ ਕੰਟੇਨਰ ਇਸ ਸਮੇਂ ਜਾਂ ਤਾਂ ਸਮੁੰਦਰੀ ਰਸਤਿਆਂ ਵਿੱਚ ਫਸੇ ਹੋਏ ਹਨ ਜਾਂ ਵਿਦੇਸ਼ੀ ਬੰਦਰਗਾਹਾਂ 'ਤੇ ਅਟਕੇ ਪਏ ਹਨ। ਇਨ੍ਹਾਂ ਕੰਟੇਨਰਾਂ ਵਿੱਚ ਮੌਜੂਦ ਕਰੀਬ 1 ਤੋਂ 1.5 ਅਰਬ ਡਾਲਰ ਦੇ ਨਿਰਯਾਤ ਮਾਲ ਦਾ ਭਵਿੱਖ ਹੁਣ ਅਨਿਸ਼ਚਿਤ ਨਜ਼ਰ ਆ ਰਿਹਾ ਹੈ।

ਇਹ ਵੀ ਪੜ੍ਹੋ :  ਕੀਮਤਾਂ 'ਚ ਵਾਧੇ ਦਰਮਿਆਨ ਇਕ ਹੋਰ ਵੱਡਾ ਝਟਕਾ! ਬਦਲ ਗਏ LPG ਗੈਸ ਸਿਲੰਡਰ ਦੇ ਬੁਕਿੰਗ ਨਿਯਮ

ਬਾਸਮਤੀ ਚੌਲ ਤੇ ਜਲਦੀ ਖ਼ਰਾਬ ਹੋਣ ਵਾਲਾ ਸਾਮਾਨ ਫਸਿਆ

ਸੂਤਰਾਂ ਅਨੁਸਾਰ, ਫਸੇ ਹੋਏ ਮਾਲ ਵਿੱਚ ਕਰੀਬ 4 ਲੱਖ ਟਨ ਬਾਸਮਤੀ ਚੌਲ ਵੀ ਸ਼ਾਮਲ ਹੈ। ਸਭ ਤੋਂ ਜ਼ਿਆਦਾ ਨੁਕਸਾਨ ਉਨ੍ਹਾਂ ਨਿਰਯਾਤਕਾਂ ਨੂੰ ਹੋ ਰਿਹਾ ਹੈ ਜਿਨ੍ਹਾਂ ਦਾ ਸਾਮਾਨ ਜਲਦੀ ਖ਼ਰਾਬ ਹੋ ਸਕਦਾ ਹੈ। ਜੇਕਰ ਇਨ੍ਹਾਂ ਜਹਾਜ਼ਾਂ ਨੂੰ ਬਦਲਵੇਂ ਰਸਤਿਆਂ ਰਾਹੀਂ ਭੇਜਿਆ ਜਾਂਦਾ ਹੈ ਜਾਂ ਮਾਲ ਵਾਪਸ ਭਾਰਤ ਲਿਆਉਣਾ ਪੈਂਦਾ ਹੈ, ਤਾਂ ਇਸ ਨਾਲ ਲਾਗਤ ਵਿੱਚ ਭਾਰੀ ਵਾਧਾ ਹੋਵੇਗਾ।

ਇਹ ਵੀ ਪੜ੍ਹੋ :  ਮੱਧ ਪੂਰਬ ਤਣਾਅ ਕਾਰਨ ਵਧੀਆਂ ਸੋਨੇ ਦੀਆਂ ਕੀਮਤਾਂ , ਅਪ੍ਰੈਲ ਤੋਂ ਬਾਅਦ ਇੰਨੀ ਹੋਵੇਗੀ Gold ਦੀ ਕੀਮਤ

ਨਿਰਯਾਤ ਲਾਗਤ ਵਿੱਚ 3-5 ਗੁਣਾ ਵਾਧਾ

ਸ਼ਿਪਿੰਗ ਕੰਪਨੀਆਂ ਵੱਲੋਂ ਲਗਾਏ ਜਾ ਰਹੇ ਐਮਰਜੈਂਸੀ ਅਤੇ ਵਾਧੂ ਚਾਰਜਾਂ ਕਾਰਨ ਪ੍ਰਤੀ ਕੰਟੇਨਰ ਲਾਗਤ 3 ਤੋਂ 5 ਗੁਣਾ ਤੱਕ ਵਧ ਗਈ ਹੈ। ਮਾਹਿਰਾਂ ਅਨੁਸਾਰ, ਨਿਰਯਾਤਕਾਂ ਨੂੰ ਪ੍ਰਤੀ ਕੰਟੇਨਰ 3,000 ਤੋਂ 5,000 ਡਾਲਰ ਤੱਕ ਵਾਧੂ ਫੀਸ ਦੇਣੀ ਪੈ ਰਹੀ ਹੈ, ਜਦਕਿ ਆਮ ਤੌਰ 'ਤੇ ਇਹ ਖਰਚਾ 800 ਤੋਂ 1,500 ਡਾਲਰ ਦੇ ਵਿਚਕਾਰ ਹੁੰਦਾ ਸੀ। ਫਰਾਂਸੀਸੀ ਕੰਪਨੀ CMA CGM ਸਮੇਤ ਕਈ ਹੋਰ ਸ਼ਿਪਿੰਗ ਕੰਪਨੀਆਂ ਨੇ ਵੀ ਐਮਰਜੈਂਸੀ ਸਰਚਾਰਜ ਲਗਾ ਦਿੱਤੇ ਹਨ।

ਇਹ ਵੀ ਪੜ੍ਹੋ :   ਈਰਾਨ ਤਣਾਅ ਦਰਮਿਆਨ ਅਮਰੀਕਾ ਦੀ ਵੱਡੀ ਗੋਲਡ ਡੀਲ, ਕੀਮਤਾਂ 'ਤੇ ਹੋ ਸਕਦੈ ਅਸਰ?

ਯੁੱਧ ਦੇ ਖਤਰੇ ਨੂੰ ਦੇਖਦੇ ਹੋਏ ਬੀਮਾ ਕੰਪਨੀਆਂ ਨੇ 'ਵਾਰ ਰਿਸਕ ਕਵਰ' (War Risk Cover) ਹਟਾ ਦਿੱਤਾ ਹੈ, ਜਿਸ ਨਾਲ ਉਦਯੋਗ ਸਾਹਮਣੇ ਨਵੀਆਂ ਚੁਣੌਤੀਆਂ ਖੜ੍ਹੀਆਂ ਹੋ ਗਈਆਂ ਹਨ। ਕਈ ਨਿਰਯਾਤਕ ਹੁਣ 'ਬੈਕ-ਟੂ-ਟਾਊਨ' (BTT) ਵਿਕਲਪ 'ਤੇ ਵਿਚਾਰ ਕਰ ਰਹੇ ਹਨ, ਜਿਸ ਤਹਿਤ ਬੰਦਰਗਾਹ ਤੋਂ ਮਾਲ ਵਾਪਸ ਲੈ ਕੇ ਘਰੇਲੂ ਬਾਜ਼ਾਰ ਵਿੱਚ ਵੇਚਿਆ ਜਾ ਸਕੇ।

ਇਹ ਵੀ ਪੜ੍ਹੋ :  ਸੋਨਾ ਖ਼ਰੀਦਣ ਵਾਲਿਆਂ ਲਈ ਵੱਡੀ ਖ਼ਬਰ, ਸਰਕਾਰ ਨੇ ਵਧਾਇਆ ਲਾਜ਼ਮੀ ਹਾਲਮਾਰਕਿੰਗ ਦਾ ਦਾਇਰਾ

ਵਿਕਲਪਿਕ ਰਸਤਿਆਂ ਦੀ ਭਾਲ

ਜੇਕਰ ਖਾੜੀ ਦੇਸ਼ਾਂ ਵਿੱਚ ਮਾਲ ਉਤਾਰਨਾ ਸੰਭਵ ਨਾ ਹੋਇਆ, ਤਾਂ ਜਹਾਜ਼ ਸਲਾਹਲਾਹ ਵਰਗੀਆਂ ਬੰਦਰਗਾਹਾਂ ਵੱਲ ਮੋੜੇ ਜਾ ਸਕਦੇ ਹਨ ਜਾਂ ਭਾਰਤ ਵਾਪਸ ਆ ਸਕਦੇ ਹਨ। ਗਲੋਬਲ ਟਰਮੀਨਲ ਆਪਰੇਟਰ ਡੀਪੀ ਵਰਲਡ ਨੇ ਸੁਝਾਅ ਦਿੱਤਾ ਹੈ ਕਿ ਕੰਟੇਨਰਾਂ ਨੂੰ ਖੋਰਫੱਕਨ ਜਾਂ ਫੁਜੈਰਾਹ ਬੰਦਰਗਾਹ 'ਤੇ ਉਤਾਰ ਕੇ ਸੜਕ ਮਾਰਗ ਰਾਹੀਂ ਜੇਬਲ ਅਲੀ ਬੰਦਰਗਾਹ ਤੱਕ ਪਹੁੰਚਾਇਆ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ :   PNB ਖ਼ਾਤਾਧਾਰਕਾਂ ਨੂੰ ਝਟਕਾ ! Cash Withdrawal ਦੇ ਨਿਯਮਾਂ 'ਚ ਹੋ ਗਿਆ ਵੱਡਾ ਬਦਲਾਅ

ਮਾਹਿਰਾਂ ਨੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਇਹ ਸੰਕਟ ਲੰਬਾ ਚੱਲਦਾ ਹੈ, ਤਾਂ ਵਿਸ਼ਵ ਪੱਧਰ 'ਤੇ ਮਾਲ ਢੋਆ-ਢੁਆਈ ਦੀਆਂ ਦਰਾਂ ਵਿੱਚ ਹੋਰ ਵੀ ਵੱਡਾ ਉਛਾਲ ਆ ਸਕਦਾ ਹੈ, ਜਿਸ ਨਾਲ ਸਮੁੰਦਰੀ ਵਪਾਰ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਵੇਗਾ।

ਇਹ ਵੀ ਪੜ੍ਹੋ :    ਭਾਰਤ ਤੱਕ ਪਹੁੰਚਿਆ ਈਰਾਨ-ਇਜ਼ਰਾਈਲ ਜੰਗ ਦਾ ਸੇਕ, Cooking oil ਸਮੇਤ ਇਨ੍ਹਾਂ ਚੀਜ਼ਾਂ ਦੇ ਵਧੇ ਰੇਟ.

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt