ਮਾਰੂਤੀ ਨੇ ਡਰਾਈਵਰ ਦੀ ਸੀਟ ਠੀਕ ਕਰਨ ਲਈ ਸੁਪਰ ਕੈਰੀ ਦੇ 5,002 ਯੂਨਿਟ ਵਾਪਸ ਮੰਗਵਾਏ
Saturday, Sep 17, 2022 - 03:10 PM (IST)
ਨਵੀਂ ਦਿੱਲੀ : ਮਾਰੂਤੀ ਸੁਜ਼ੂਕੀ ਇੰਡੀਆ (MSI) ਨੇ ਡਰਾਈਵਰ ਦੇ ਸਾਈਡ ਵਾਲੀ ਖ਼ਰਾਬ ਸੀਟ ਨੂੰ ਬਦਲਣ ਲਈ ਆਪਣੇ ਹਲਕੇ ਵਪਾਰਕ ਵਾਹਨ ਸੁਪਰ ਕੈਰੀ ਦੀਆਂ 5,002 ਯੂਨਿਟਾਂ ਨੂੰ ਬਾਜ਼ਾਰ ਤੋਂ ਵਾਪਸ ਲੈਣ ਦਾ ਐਲਾਨ ਕੀਤਾ ਹੈ। ਦੇਸ਼ ਦੀ ਸਭ ਤੋਂ ਵੱਡੀ ਕਾਰ ਕੰਪਨੀ ਨੇ ਸ਼ੁੱਕਰਵਾਰ ਨੂੰ ਸਟਾਕ ਐਕਸਚੇਂਜ ਨੂੰ ਭੇਜੇ ਇੱਕ ਨੋਟਿਸ ਵਿੱਚ ਕਿਹਾ ਕਿ ਇਹ ਪ੍ਰਭਾਵਿਤ ਵਾਹਨ 4 ਮਈ ਤੋਂ 30 ਜੁਲਾਈ, 2022 ਦੇ ਵਿਚਕਾਰ ਬਣਾਏ ਗਏ ਸਨ। ਇਨ੍ਹਾਂ ਵਾਹਨਾਂ ਨੂੰ ਡਰਾਈਵਰ ਦੀ ਸਾਈਡ ਸੀਟ ਦੀਆਂ ਸੀਟ ਬੈਲਟਾਂ ਨਾਲ ਜੁੜੇ ਬੋਲਟਾਂ ਦੀ ਜਾਂਚ ਅਤੇ ਟਾਰਕਿੰਗ ਲਈ ਵਾਪਸ ਮੰਗਵਾਇਆ ਜਾ ਰਿਹਾ ਹੈ।
ਕੰਪਨੀ ਨੇ ਕਿਹਾ ਕਿ ਉਸਨੂੰ ਸ਼ੱਕ ਹੈ ਕਿ ਬੋਲਟ ਟਾਰਕਿੰਗ ਵਿੱਚ ਸੰਭਾਵਿਤ ਨੁਕਸ ਹੈ, ਜੋ ਇੱਕ ਮਿਆਦ ਦੇ ਬਾਅਦ ਢਿੱਲਾ ਹੋ ਸਕਦਾ ਹੈ। ਕੰਪਨੀ ਨੇ ਕਿਹਾ ਕਿ ਪ੍ਰਭਾਵਿਤ ਵਾਹਨ ਮਾਲਕਾਂ ਨੂੰ ਜਾਂਚ ਅਤੇ ਮੁਰੰਮਤ ਲਈ ਮਾਰੂਤੀ ਸੁਜ਼ੂਕੀ ਦੀ ਅਧਿਕਾਰਤ ਵਰਕਸ਼ਾਪ ਦੁਆਰਾ ਸੂਚਿਤ ਕੀਤਾ ਜਾਵੇਗਾ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
