ਇੰਫੋਸਿਸ ਨੇ ਸ਼ੇਅਰਧਾਰਕਾਂ ਨੂੰ 2018-19 ''ਚ 36 ਫੀਸਦੀ ਦਿੱਤਾ ਰਿਟਰਨ

ਬੇਂਗਲੁਰੂ—ਦੁਨੀਆ ਦੀ ਪ੍ਰਮੁੱਖ ਤਕਨਾਲੋਜੀ ਕੰਪਨੀ ਇੰਫੋਸਿਸ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਉਸ ਨੇ ਸਾਲ 2018-19 'ਚ ਸ਼ੇਅਰਧਾਰਕਾਂ ਲਈ 36 ਫੀਸਦੀ ਰਿਟਰਨ ਪੈਦਾ ਕੀਤਾ। ਇੰਫੋਸਿਸ ਦੇ ਸਹਿ-ਸੰਸਥਾਪਕ ਅਤੇ ਪ੍ਰਧਾਨ ਨੰਦਨ ਨੀਲੇਕਣੀ ਨੇ ਕੰਪਨੀ ਦੀ 38ਵੀਂ ਸਾਲਾਨਾ ਆਮ ਬੈਠਕ (ਏ.ਜੀ.ਐੱਮ.) 'ਚ ਕਿਹਾ ਕਿ ਅਸੀਂ ਵਿੱਤੀ ਸਾਲ 2019 'ਚ 36 ਫੀਸਦੀ ਕੁੱਲ ਰਿਟਰਨ ਦਿੱਤਾ।
ਉਨ੍ਹਾਂ ਕਿਹਾ ਕਿ ਇਸ ਦੇ ਇਲਾਵਾ ਪੰਜ ਰੁਪਏ ਅੰਕਿਤ ਮੁੱਲ ਦੇ ਹਰੇਕ ਸ਼ੇਅਰ 'ਤੇ 10.50 ਰੁਪਏ ਅੰਤਰਿਮ ਲਾਭਾਂਸ਼ ਦੇ ਤੌਰ 'ਤੇ ਬਲੂਚਿਨ ਕੰਪਨੀ ਨੇ ਆਪਣੇ ਨਿਵੇਸ਼ਕਾਂ ਨੂੰ ਕੁੱਲ 21.50 ਰੁਪਏ ਪ੍ਰਤੀ ਸ਼ੇਅਰ (430 ਫੀਸਦੀ) ਦਾ ਲਾਭਾਂਸ਼ ਪ੍ਰਦਾਨ ਕੀਤਾ, ਜਿਸ 'ਚ ਅੰਤਰਿਮ ਲਾਭਾਂਸ਼ ਸੱਤ ਰੁਪਏ ਪ੍ਰਤੀ ਸ਼ੇਅਰ (140 ਫੀਸਦੀ) ਅਤੇ ਵਿਸ਼ੇਸ਼ ਲਾਭਾਂਸ਼ ਚਾਰ ਰੁਪਏ ਪ੍ਰਤੀ ਸ਼ੇਅਰ (80 ਫੀਸਦੀ) ਸ਼ਾਮਲ ਹੈ।
ਸ਼ੇਅਰਧਾਰਕਾਂ ਨੂੰ ਸੰਬੋਧਿਤ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਆਪਣੀ ਪੂੰਜੀ ਵੰਡ ਨੀਤੀ ਦੇ ਹਿੱਸੇ ਦੇ ਰੂਪ 'ਚ ਕੰਪਨੀ ਨੇ ਨਿਵੇਸ਼ਕਾਂ ਨੂੰ ਵਿੱਤ ਸਾਲ 2019 'ਚ 13,000 ਕਰੋੜ ਰੁਪਏ ਦਾ ਰਿਟਰਨ ਦਿੱਤਾ। ਨੀਲੇਕਣੀ ਨੇ ਕਿਹਾ ਕਿ ਕੰਪਨੀ ਨੇ ਜੂਨ 2018 ਅਤੇ ਜਨਵਰੀ 2019 'ਚ ਨਿਵੇਸ਼ਕਾਂ ਨੂੰ 4,740 ਕਰੋੜ ਰੁਪਏ ਵੰਡ ਕਰਕੇ ਕੇ ਦੋ ਵਿਸ਼ੇਸ਼ ਲਾਭਾਂਸ਼ ਪ੍ਰਦਾਨ ਕੀਤੇ।
ਕੰਪਨੀ ਨੇ 1993 'ਚ ਭਾਰਤੀ ਸ਼ੇਅਰ ਬਾਜ਼ਾਰ 'ਚ ਸੂਚੀਬੰਧ ਹੋਣ ਦੇ ਆਪਣੇ 25 ਸਾਲ ਪੂਰੇ ਹੋਣ 'ਤੇ 1.1 ਬੋਨਸ ਸ਼ੇਅਰ ਜਾਰੀ ਕੀਤਾ। ਆਈ.ਟੀ. ਕੰਪਨੀ ਨੇ ਵਿੱਤੀ ਸਾਲ 2019 'ਚ 15,404 ਕਰੋੜ ਰੁਪਏ ਦਾ ਸਮੇਕਿਤ ਨਿਵਲ ਮੁਨਾਫਾ ਕਮਾਇਆ ਅਤੇ ਕੰਪਨੀ ਦਾ ਸਮੇਕਿਤ ਰਾਜਸਵ 82,675 ਕਰੋੜ ਰੁਪਏ ਰਿਹਾ।