ਇੰਡੀਅਨ ਆਇਲ ਦੀ ਵਿਸ਼ੇਸ਼ ਆਫਰ, ਤੇਲ ਭਰਵਾ ਕੇ ਜਿੱਤੋ SUV ਕਾਰ ਅਤੇ ਮੋਟਰ ਸਾਈਕਲ

ਨਵੀਂ ਦਿੱਲੀ — ਇੰਡੀਅਨ ਆਇਲ ਨੇ ਆਪਣੇ ਪ੍ਰਚੂਨ ਗਾਹਕਾਂ ਲਈ ਇਕ ਵਿਸ਼ੇਸ਼ ਆਫਰ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਪੇਸ਼ਕਸ਼ ਦੇ ਤਹਿਤ ਤੁਸੀਂ ਇੰਡੀਅਨ ਆਇਲ ਦੀ ਕਿਸੇ ਵੀ ਪ੍ਰਚੂਨ ਦੁਕਾਨ ਤੋਂ ਬਹੁਤ ਸਾਰੇ ਇਨਾਮ ਜਿੱਤ ਸਕਦੇ ਹੋ। ਇੰਡੀਅਨ ਆਇਲ ਦੇ ਇਸ ਆਫਰ ਦਾ ਨਾਮ ਹੈ 'ਭਰੋ ਫਿਊਲ ਜੀਤੋ ਕਾਰ'। ਇਸ ਸਕੀਮ ਤਹਿਤ ਤੁਹਾਨੂੰ ਸਿਰਫ 400 ਰੁਪਏ ਦਾ ਤੇਲ ਭਰਵਾਉਣਾ ਪਏਗਾ। ਜਿਸ ਤੋਂ ਬਾਅਦ ਤੁਸੀਂ ਇਸ ਆਫਰ ਦਾ ਹਿੱਸਾ ਬਣ ਕੇ ਮੋਟਰ ਸਾਈਕਲ ਤੋਂ ਲੈ ਕੇ ਐਸ.ਯੂ.ਵੀ ਕਾਰਾਂ ਤੱਕ ਵੀ ਜਿੱਤ ਸਕਦੇ ਹੋ। ਇੰਡੀਅਨ ਆਇਲ ਅਨੁਸਾਰ ਇਹ ਪੇਸ਼ਕਸ਼ 4 ਦਸੰਬਰ ਤੋਂ ਸ਼ੁਰੂ ਕੀਤੀ ਗਈ ਹੈ, ਜੋ ਕਿ 31 ਦਸੰਬਰ ਨੂੰ ਰਾਤ 11.59 ਵਜੇ ਤੱਕ ਲਾਗੂ ਰਹੇਗੀ।

ਇਸ ਆਫਰ ਵਿਚ ਹਿੱਸਾ ਕਿਵੇਂ ਲੈਣਾ ਹੈ? 

ਇੰਡੀਅਨ ਆਇਲ ਅਨੁਸਾਰ ਇਸ ਪੇਸ਼ਕਸ਼ ਵਿਚ ਹਿੱਸਾ ਲੈਣ ਲਈ ਤੁਹਾਨੂੰ 400 ਰੁਪਏ ਦਾ ਪੈਟਰੋਲ ਜਾਂ ਡੀਜ਼ਲ ਖਰੀਦਣਾ ਪਏਗਾ। ਜਿਸ ਤੋਂ ਬਾਅਦ ਤੁਹਾਨੂੰ ਇਕ ਸਿੰਗਲ ਪ੍ਰਿੰਟਿਡ ਬਿੱਲ ਮਿਲ ਜਾਵੇਗਾ। ਜਿਸ 'ਤੇ ਬਿਲ ਦਾ ਨੰਬਰ ਅਤੇ ਡੀਲਰ ਕੋਡ ਲਿਖਿਆ ਹੋਵੇਗਾ। ਤੁਹਾਨੂੰ ਇਸਨੂੰ ਐਸ.ਐਮ.ਐਸ. ਦੇ ਜ਼ਰੀਏ ਡੀਲਰ ਕੋਡ <ਸਪੇਸ> ਬਿਲ ਨੰਬਰ <ਸਪੇਸ> ਬਿਲ ਦੀ ਰਕਮ ਲਿਖ ਕੇ 90521 55555 'ਤੇ ਭੇਜਣਾ ਹੈ। ਇਹ ਪੇਸ਼ਕਸ਼ ਐਕਸਟਰਾਪ੍ਰੀਮੀਅਮ ਅਤੇ ਐਕਸਟਰਾਮਾਈਲ ਤੇਲ ਦੀ ਖਰੀਦ ਲਈ ਵੀ ਲਾਗੂ ਹੈ।

ਤੁਸੀਂ ਇੱਕ ਦਿਨ ਵਿਚ ਸਿਰਫ ਇੱਕ ਹੀ ਐਸਐਮਐਸ ਭੇਜ ਸਕਦੇ ਹੋ 

ਇੰਡੀਅਨ ਆਇਲ ਅਨੁਸਾਰ ਤੁਸੀਂ ਇੱਕ ਦਿਨ ਵਿਚ ਐਸਐਮਐਸ ਦੇ ਜ਼ਰੀਏ ਇੱਕ ਆਉਟਲੈੱਟ ਅਤੇ ਡੀਲਰ ਨੰਬਰ ਦੇ ਉਸੇ ਬਿੱਲ ਦੀ ਵਰਤੋਂ ਕਰ ਸਕਦੇ ਹੋ। ਜੇ ਤੁਹਾਨੂੰ ਇਸ ਪੇਸ਼ਕਸ਼ ਵਿਚ ਦਿਨ ਵਿਚ ਦੋ ਵਾਰ ਹਿੱਸਾ ਲੈਣਾ ਹੈ ਤਾਂ ਫਿਰ ਤੁਹਾਨੂੰ ਪੈਟਰੋਲ ਜਾਂ ਡੀਜ਼ਲ ਕਿਸੇ ਹੋਰ ਦੁਕਾਨ ਤੋਂ ਭਰਵਾਉਣਾ ਪਏਗਾ।

ਇਹ ਵੀ ਪੜ੍ਹੋ: ਪ੍ਰੀ-ਬਜਟ ਚਰਚਾ : ਵਿੱਤ ਮੰਤਰੀ ਦੀਆਂ ਬੈਠਕਾਂ ਦਾ ਦੌਰ ਸ਼ੁਰੂ, ਵੱਡੇ ਉਦਯੋਗਪਤੀਆਂ ਨਾਲ ਹੋਵੇਗੀ ਪਹਿਲੀ 

ਜੇਤੂਆਂ ਨੂੰ ਦਿੱਤੇ ਜਾਣ ਵਾਲੇ ਇਨਾਮਾਂ ਦੀ ਸੂਚੀ

ਉਹ ਲੋਕ ਜੋ ਇੰਡੀਅਨ ਆਇਲ ਦੀ ਇਸ ਵਿਸ਼ੇਸ਼ ਪੇਸ਼ਕਸ਼ ਤਹਿਤ ਹਿੱਸਾ ਲੈਣਗੇ, ਵਿਜੇਤਾ ਦੀ ਚੋਣ ਲੱਕੀ ਡਰਾਅ ਜ਼ਰੀਏ ਕੀਤੀ ਜਾਏਗੀ। ਜੇਤੂ ਇਸ ਪੇਸ਼ਕਸ਼ ਦੇ ਤਹਿਤ ਇਨ੍ਹਾਂ ਚੀਜ਼ਾਂ ਨੂੰ ਪ੍ਰਾਪਤ ਕਰ ਸਕਦੇ ਹਨ।

• ਇੱਕ ਐਸਯੂਵੀ (ਮੈਗਾ ਲੱਕੀ ਡਰਾਅ)
• ਚਾਰ ਕਾਰਾਂ (ਮੈਗਾ ਲੱਕੀ ਡਰਾਅ)
• 16 ਬਾਈਕ (ਮੈਗਾ ਲੱਕੀ ਡਰਾਅ)
• ਹਰ ਹਫਤੇ 25 ਜੇਤੂਆਂ ਨੂੰ 5 ਹਜ਼ਾਰ ਦਾ ਮੁਫਤ ਤੇਲ
• ਹਰ ਰੋਜ਼ 100 ਐਕਸ ਐਕਸਟਰਾ ਰਿਵਰਡਜ਼ ਮੈਂਬਰ (ਜਿਨ੍ਹਾਂ ਨੇ ਐਕਸਟਰਾ ਰੀਵਾਰਡਜ਼ ਪ੍ਰੋਗਰਾਮ 'ਚ ਵੀ ਹਿੱਸਾ ਲਿਆ ਹੈ) ਜੇਤੂਆਂ ਨੂੰ 100 ਰੁਪਏ ਦਾ ਮੁਫਤ ਤੇਲ ਮਿਲੇਗਾ।

ਇਹ ਵੀ ਪੜ੍ਹੋ: ਸੋਨੇ ਦੀਆਂ ਕੀਮਤਾਂ 7600 ਰੁਪਏ ਤੋਂ ਵੀ ਜ਼ਿਆਦਾ ਡਿੱਗੀਆਂ, ਜਾਣੋ ਇਹ ਸਮਾਂ ਨਿਵੇਸ਼ ਲਈ ਕਿੰਨਾ ਸਹੀ

ਬਿਲ ਗਵਾਉਣ 'ਤੇ ਇਨਾਮ ਨਹੀਂ ਮਿਲੇਗਾ

ਇੰਡੀਅਨ ਆਇਲ ਨੇ ਆਪਣੀ ਵੈਬਸਾਈਟ 'ਤੇ ਦਿੱਤੀ ਗਈ ਜਾਣਕਾਰੀ ਵਿਚ ਸਪੱਸ਼ਟ ਕਰ ਦਿੱਤਾ ਹੈ ਕਿ ਜੇ ਬਿਲ ਕਿਸੇ ਵੀ ਤਰੀਕੇ ਨਾਲ ਗਵਾਚ ਜਾਂਦਾ ਹੈ ਜਾਂ ਈ-ਰਸੀਦ ਡਿਲੀਟ ਹੋ ਜਾਂਦੀ ਹੈ ਤਾਂ ਉਨ੍ਹਾਂ ਦੇ ਇਨਾਮ ਦੇ ਦਾਅਵਿਆਂ ਨੂੰ ਰੱਦ ਕਰ ਦਿੱਤਾ ਜਾਵੇਗਾ। ਅਸਲ ਪ੍ਰਿੰਟਿਡ ਬਿੱਲ ਨੂੰ ਸੰਭਾਲ ਕੇ ਰੱਖਣਾ ਮਹੱਤਵਪੂਰਨ ਹੈ। ਹਾਲਾਂਕਿ ਇੰਡੀਅਨ ਆਇਲ ਨੇ ਇਸ ਨੂੰ ਜ਼ੀਰੋਕਸ ਕਰਾਉਣ ਦੀ ਸਲਾਹ ਦਿੱਤੀ ਹੈ ਤਾਂ ਕਿ ਜੇ ਅਸਲ ਬਿੱਲ ਦੀ ਸਿਆਹੀ ਥੋੜੀ ਧੁੰਦਲੀ ਹੋ ਜਾਵੇ ਤਾਂ ਇਸ ਨੂੰ ਜ਼ੀਰੋਕਸ ਨਾਲ ਤਸਦੀਕ ਕੀਤਾ ਜਾ ਸਕੇ। ਇਸ ਤੋਂ ਇਲਾਵਾ ਜੇਤੂਆਂ ਦੀ ਪੂਰੀ ਸੂਚੀ ਇੰਡੀਅਨ ਆਇਲ ਦੀ ਵੈੱਬਸਾਈਟ 'ਤੇ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਇਸ ਸਕੀਮ ਨਾਲ ਜੁੜੀ ਜਾਣਕਾਰੀ ਇੰਡੀਅਨ ਆਇਲ ਦੀ ਵੈੱਬਸਾਈਟ 'ਤੇ ਲਈ ਜਾ ਸਕਦੀ ਹੈ।

ਇਹ ਵੀ ਪੜ੍ਹੋ: ਰਾਸ਼ਨ ਕਾਰਡ ਰੱਦ ਕਰਨ ਨੂੰ ਲੈ ਕੇ ਲਿਆ ਗਿਆ ਵੱਡਾ ਫੈਸਲਾ, ਤੁਹਾਡੇ ਲਈ ਜਾਣਨਾ ਹੈ ਬਹੁਤ ਜ਼ਰੂਰੀ

ਨੋਟ - ਇੰਡੀਅਨ ਆਇਲ ਦੀ ਇਹ ਸਕੀਮ ਤੁਹਾਡੇ ਲਈ ਲਾਹੇਵੰਦ ਹੈ ਜਾਂ ਨਹੀਂ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।