ਭਾਰਤ-ਅਮਰੀਕਾ ਵਪਾਰ 2030 ਤੱਕ 600 ਬਿਲੀਅਨ ਡਾਲਰ ਤੱਕ ਪਹੁੰਚ ਸਕਦਾ ਹੈ: ਪੀਯੂਸ਼ ਗੋਇਲ

ਨਵੀਂ ਦਿੱਲੀ : ਕੇਂਦਰੀ ਵਣਜ ਅਤੇ ਉਦਯੋਗ ਮੰਤਰੀ ਪੀਯੂਸ਼ ਗੋਇਲ ਨੇ ਸ਼ਨੀਵਾਰ ਨੂੰ ਭਰੋਸਾ ਪ੍ਰਗਟਾਇਆ ਕਿ ਭਾਰਤ-ਅਮਰੀਕਾ ਵਸਤੂਆਂ ਅਤੇ ਸੇਵਾਵਾਂ ਵਿਚ ਦੁਵੱਲਾ ਵਪਾਰ 2030 ਤੱਕ 500 ਤੋਂ 600 ਅਰਬ ਡਾਲਰ ਤੱਕ ਪਹੁੰਚ ਸਕਦਾ ਹੈ। ਇਸ ਸਮੇਂ ਭਾਰਤ ਅਤੇ ਅਮਰੀਕਾ ਵਿਚਾਲੇ ਦੁਵੱਲਾ ਵਪਾਰ ਲਗਭਗ 175 ਬਿਲੀਅਨ ਡਾਲਰ ਹੈ। ਇਹ ਪੁੱਛੇ ਜਾਣ 'ਤੇ ਕਿ ਕੀ ਭਾਰਤ 14 ਮੈਂਬਰੀ ਇੰਡੋ-ਪੈਸੀਫਿਕ ਆਰਥਿਕ ਖੁਸ਼ਹਾਲੀ ਫਰੇਮਵਰਕ (IPEF) ਦੇ ਵਪਾਰਕ ਥੰਮ ਦਾ ਹਿੱਸਾ ਹੋਵੇਗਾ, ਗੋਇਲ ਨੇ ਕਿਹਾ ਕਿ ਇਹ ਇਸ ਗੱਲ 'ਤੇ ਨਿਰਭਰ ਕਰੇਗਾ ਕਿ ਭਾਰਤ ਨੂੰ ਬਦਲੇ 'ਚ ਕੀ ਮਿਲੇਗਾ। ਉਨ੍ਹਾਂ ਇਹ ਗੱਲ ‘ਹਿੰਦੁਸਤਾਨ ਟਾਈਮਜ਼ ਲੀਡਰਸ਼ਿਪ ਸਮਿਟ 2022’ ਦੌਰਾਨ ਕਹੀ।

ਆਈਪੀਈਐਫ ਦੇ ਤਹਿਤ, 13 ਮੈਂਬਰ ਦੇਸ਼ ਵਪਾਰ, ਸਪਲਾਈ ਚੇਨ, ਸਾਫ਼ ਅਰਥ ਵਿਵਸਥਾ ਅਤੇ ਨਿਰਪੱਖ ਆਰਥਿਕਤਾ ਵਰਗੇ ਚਾਰ ਵਿਸ਼ਿਆਂ 'ਤੇ ਇਕੱਠੇ ਹਨ ਪਰ ਭਾਰਤ ਨੇ ਹੁਣ ਤੱਕ ਵਪਾਰ ਦੇ ਥੰਮ੍ਹ ਤੋਂ ਬਾਹਰ ਰਹਿਣ ਦੀ ਚੋਣ ਕੀਤੀ ਹੈ ਅਤੇ ਹੋਰ ਤਿੰਨ ਵਿਸ਼ਿਆਂ 'ਤੇ ਇਸ ਸਮੂਹ ਵਿੱਚ ਸ਼ਾਮਲ ਹੈ।

ਗੋਇਲ ਨੇ ਇਸ ਮੌਕੇ ਕਿਹਾ, "ਭਾਰਤ ਅਤੇ ਅਮਰੀਕਾ ਦੇ ਸਬੰਧ ਲਗਾਤਾਰ ਸੁਧਰ ਰਹੇ ਹਨ ਅਤੇ ਮਜ਼ਬੂਤ ​​ਹੋ ਰਹੇ ਹਨ। ਅੱਜ ਸਾਡਾ ਦੁਵੱਲਾ ਵਪਾਰ ਲਗਭਗ 175 ਬਿਲੀਅਨ ਡਾਲਰ ਹੈ। ਮੇਰਾ ਮੰਨਣਾ ਹੈ ਕਿ ਆਉਣ ਵਾਲੇ ਸੱਤ-ਅੱਠ ਸਾਲਾਂ ਵਿੱਚ ਇਹ 500 ਤੋਂ 600 ਬਿਲੀਅਨ ਤੱਕ ਵਧ ਜਾਵੇਗਾ।" ਰ ਜਦਕਿ ਸਾਡੀਆਂ ਵਸਤਾਂ ਅਤੇ ਸੇਵਾਵਾਂ ਦੀ ਬਰਾਮਦ ਦੋ ਹਜ਼ਾਰ ਅਰਬ ਡਾਲਰ ਹੋਵੇਗੀ। ਅਮਰੀਕਾ ਨਾਲ ਮੁਕਤ ਵਪਾਰ ਸਮਝੌਤਾ (ਐੱਫ.ਟੀ.ਏ.) ਦੀ ਸੰਭਾਵਨਾ 'ਤੇ ਗੋਇਲ ਨੇ ਕਿਹਾ ਕਿ ਅਮਰੀਕਾ ਕਿਸੇ ਵੀ ਦੇਸ਼ ਨਾਲ ਨਵਾਂ ਵਪਾਰ ਸਮਝੌਤਾ ਨਹੀਂ ਚਾਹੁੰਦਾ। ਉਨ੍ਹਾਂ ਕਿਹਾ ਕਿ ਅਮਰੀਕਾ ਭਾਰਤ ਨੂੰ ਆਪਣੇ ਦੋਸਤ ਅਤੇ ਭਰੋਸੇਮੰਦ ਸਾਥੀ ਵਜੋਂ ਦੇਖਦਾ ਹੈ।

ਇਹ ਵੀ ਪੜ੍ਹੋ : Meta ਤੇ Twitter ਤੋਂ ਬਾਅਦ ਹੁਣ Amazon 'ਚ ਸ਼ੁਰੂ ਹੋਈ ਛਾਂਟੀ, ਭਰਤੀ ਹੋਈ ਮੁਲਤਵੀ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।