ਵਿੱਤੀ ਸਾਲ 2023 'ਚ ਭਾਰਤ ਦਾ ਕਣਕ ਉਤਪਾਦਨ ਸਰਕਾਰ ਦੇ ਅਨੁਮਾਨ ਤੋਂ 10 ਫ਼ੀਸਦੀ ਹੋਇਆ ਘੱਟ
Friday, Jun 23, 2023 - 05:01 PM (IST)
ਨਵੀਂ ਦਿੱਲੀ - ਕਣਕ ਦੀ ਫ਼ਸਲ ਦਾ ਸੀਜ਼ਨ ਖ਼ਤਮ ਹੋ ਗਿਆ ਹੈ। ਪਿਛਲੇ ਦੋ ਮਹੀਨਿਆਂ ਤੋਂ ਕਣਕ ਦੀਆਂ ਕੀਮਤਾਂ ਵਿੱਚ ਹੋਏ ਵਾਧੇ ਦੇ ਵਿਚਕਾਰ ਵਿੱਤੀ ਸਾਲ 2023 ਵਿੱਚ ਭਾਰਤ ਦਾ ਕਣਕ ਦਾ ਉਤਪਾਦਨ ਸਰਕਾਰ ਦੇ ਅਨੁਮਾਨ ਤੋਂ ਘੱਟੋ ਘੱਟ 10 ਫ਼ੀਸਦੀ ਘੱਟ ਹੈ। ਲਗਾਤਾਰ ਦੂਜੇ ਸਾਲ ਕਣਕ ਦੇ ਘੱਟ ਉਤਪਾਦਨ ਨਾਲ ਬਾਜਰੇ 'ਤੇ ਲਗਾਮ ਲਗਾਉਣ ਅਤੇ ਖੁਰਾਕੀ ਮਹਿੰਗਾਈ ਨੂੰ ਕੰਟਰੋਲ ਕਰਨ ਦੀਆਂ ਸਰਕਾਰ ਦੀਆਂ ਕੋਸ਼ਿਸ਼ਾਂ 'ਤੇ ਅਸਰ ਪੈਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਮਾਨਸੂਨ 'ਤੇ ਅਲ ਨੀਨੋ ਦੇ ਪੈਣ ਵਾਲੇ ਪ੍ਰਭਾਵ ਨੂੰ ਲੈ ਕੇ ਚਿੰਤਾ ਹੈ।
ਸੂਤਰਾਂ ਅਨੁਸਾਰ ਬਾਜ਼ਾਰ ਵਿੱਚ ਕਣਕ ਦੀ ਉਪਲਬਧਤਾ ਇਸ ਸਮੇਂ ਬਹੁਤ ਮਾੜੀ ਹੈ। ਇਸ ਤੋਂ ਇਹ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਕਣਕ ਦਾ ਉਤਪਾਦਨ 1,010 ਲੱਖ ਟਨ ਤੋਂ 1,030 ਲੱਖ ਟਨ ਦੇ ਵਿਚਕਾਰ ਸੀ। ਭਾਰਤ ਵਿੱਚ ਕਣਕ ਦੀ ਸਾਲਾਨਾ ਖਪਤ ਲਗਭਗ 1,080 ਲੱਖ ਟਨ ਹੈ। ਕਿਸਾਨ ਮਾਰਚ ਦੇ ਮਹੀਨੇ ਤੋਂ ਹੀ ਤਿਆਰ ਕਣਕ ਦੀ ਫ਼ਸਲ ਦੀ ਵਾਢੀ ਕਰਨੀ ਸ਼ੁਰੂ ਕਰ ਦਿੰਦੇ ਹਨ। ਇਸ ਤੋਂ ਬਾਅਦ ਬਹੁਤ ਸਾਰੇ ਕਿਸਾਨ ਜ਼ਿਆਦਾਤਰ ਜੂਨ ਤੱਕ ਆਪਣੀ ਫ਼ਸਲ ਸਰਕਾਰੀ ਏਜੰਸੀਆਂ ਅਤੇ ਪ੍ਰਾਈਵੇਟ ਵਪਾਰੀਆਂ ਨੂੰ ਵੇਚ ਦਿੰਦੇ ਹਨ ਤਾਂਕਿ ਉਹ ਅਗਲੀ ਫ਼ਸਲ ਲਈ ਤਿਆਰ ਹੋ ਜਾਣ।
