ਭਾਰਤ ਨੇ ਰੂਸ ਤੋਂ ਦਰਾਮਦ ਹੋਣ ਵਾਲੀ LNG ਲਈ ਡਾਲਰ ''ਚ ਕੀਤਾ ਭੁਗਤਾਨ

ਨਵੀਂ ਦਿੱਲੀ — ਦੇਸ਼ ਦੀ ਸਭ ਤੋਂ ਵੱਡੀ ਗੈਸ ਕੰਪਨੀ ਗੇਲ (ਇੰਡੀਆ) ਲਿ. ਨੇ ਰੂਸ ਦੇ ਗੈਜ਼ਪ੍ਰੋਮ ਤੋਂ ਆਯਾਤ ਤਰਲ ਕੁਦਰਤੀ ਗੈਸ (LNG) ਲਈ ਅਮਰੀਕੀ ਡਾਲਰਾਂ ਵਿੱਚ ਭੁਗਤਾਨ ਕੀਤਾ ਹੈ। ਇਹ ਜਾਣਕਾਰੀ ਦਿੰਦੇ ਹੋਏ, ਦੋ ਸੂਤਰਾਂ ਨੇ ਕਿਹਾ ਕਿ ਜੇਕਰ ਭੁਗਤਾਨ ਯੂਰੋ ਜਾਂ ਕਿਸੇ ਹੋਰ ਮੁਦਰਾ ਵਿੱਚ ਮੰਗਿਆ ਜਾਂਦਾ ਹੈ, ਤਾਂ ਕੰਪਨੀ ਐਕਸਚੇਂਜ ਦਰਾਂ ਵਿੱਚ "ਨਿਰਪੱਖਤਾ" ਦੀ ਮੰਗ ਕਰੇਗੀ। ਗੇਲ ਕੋਲ ਗੈਜ਼ਪ੍ਰੋਮ ਤੋਂ ਸਾਲਾਨਾ 2.5 ਮਿਲੀਅਨ ਟਨ ਐਲਐਨਜੀ ਦਰਾਮਦ ਕਰਨ ਦਾ ਇਕਰਾਰਨਾਮਾ ਹੈ। ਇਸ ਲਿਹਾਜ਼ ਨਾਲ ਕੰਪਨੀ ਨੂੰ ਹਰ ਮਹੀਨੇ ਤਿੰਨ ਤੋਂ ਚਾਰ ਕਾਰਗੋ ਜਾਂ ਸੁਪਰ-ਕੂਲਡ ਕੁਦਰਤੀ ਗੈਸ ਦੀ ਖੇਪ ਮਿਲੇਗੀ।

ਇਹ ਵੀ ਪੜ੍ਹੋ : ਮਹਿੰਗਾਈ ਦਾ ਇੱਕ ਹੋਰ ਝਟਕਾ : ਪੈਰਾਸੀਟਾਮੋਲ ਸਮੇਤ 800 ਦਵਾਈਆਂ ਦੀਆਂ ਕੀਮਤਾਂ 'ਚ ਹੋਇਆ ਵੱਡਾ ਵਾਧਾ

ਇਸ ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਇੱਕ ਸੂਤਰ ਨੇ ਕਿਹਾ, “ਗੈਜ਼ਪ੍ਰੋਮ ਦੇ ਨਾਲ ਸਮਝੌਤੇ ਵਿੱਚ ਡਾਲਰ ਵਿੱਚ ਭੁਗਤਾਨ ਕਰਨ ਦਾ ਪ੍ਰਾਵਧਾਨ ਹੈ।” ਐਲਐਨਜੀ ਦਾ ਕਾਰਗੋ ਮਿਲਣ ਦੇ ਪੰਜ ਤੋਂ ਸੱਤ ਦਿਨਾਂ ਵਿਚ ਭੁਗਤਾਨ ਬਕਾਇਆ ਹੋ ਜਾਂਦਾ ਹੈ। ਆਖਰੀ ਭੁਗਤਾਨ 23 ਮਾਰਚ ਨੂੰ ਡਾਲਰਾਂ ਵਿੱਚ ਕੀਤਾ ਗਿਆ ਸੀ। ਸੂਤਰਾਂ ਨੇ ਦੱਸਿਆ ਕਿ 25 ਮਾਰਚ ਨੂੰ ਵੀ ਜਹਾਜ਼ ਰਾਹੀਂ ਐਲਐਨਜੀ ਦੀ ਖੇਪ ਮਿਲੀ ਹੈ। ਇਸ ਦਾ ਭੁਗਤਾਨ ਅਪ੍ਰੈਲ ਦੇ ਸ਼ੁਰੂ ਵਿੱਚ ਕਰਨਾ ਹੋਵੇਗਾ। "ਇਸ ਗੱਲ ਦਾ ਕੋਈ ਸੰਕੇਤ ਨਹੀਂ ਹੈ ਕਿ ਇਸ ਕਾਰਗੋ ਲਈ ਅਮਰੀਕੀ ਡਾਲਰ ਤੋਂ ਇਲਾਵਾ ਕਿਸੇ ਹੋਰ ਮੁਦਰਾ ਵਿੱਚ ਭੁਗਤਾਨ ਕਰਨਾ ਹੋਵੇਗਾ।"

ਇੱਕ ਹੋਰ ਸੂਤਰ ਨੇ ਦੱਸਿਆ ਕਿ ਹੁਣ ਤੱਕ ਭੁਗਤਾਨ ਡਾਲਰਾਂ ਵਿੱਚ ਹੋ ਰਿਹਾ ਹੈ ਅਤੇ ਇਸ ਵਿੱਚ ਕੋਈ ਸਮੱਸਿਆ ਨਹੀਂ ਆ ਰਹੀ ਹੈ। Gazprom ਨੇ ਭੁਗਤਾਨ ਦੇ ਢੰਗ ਵਿੱਚ ਬਦਲਾਅ ਬਾਰੇ ਗੇਲ ਨੂੰ ਅਜੇ ਸੂਚਿਤ ਨਹੀਂ ਕੀਤਾ ਹੈ। ਸੂਤਰਾਂ ਨੇ ਦੱਸਿਆ ਕਿ ਅੰਤਿਮ ਭੁਗਤਾਨ ਭਾਰਤੀ ਸਟੇਟ ਬੈਂਕ (ਐਸਬੀਆਈ) ਰਾਹੀਂ ਕੀਤਾ ਗਿਆ ਸੀ। ਜੂਨ 2018 ਵਿੱਚ ਗੈਸ ਸਪਲਾਈ ਸ਼ੁਰੂ ਹੋਣ ਤੋਂ ਬਾਅਦ ਐਸਬੀਆਈ ਰਾਹੀਂ ਭੁਗਤਾਨ ਕੀਤਾ ਜਾ ਰਿਹਾ ਹੈ। ਸੂਤਰਾਂ ਨੇ ਕਿਹਾ ਕਿ ਜੇ ਗੈਜ਼ਪ੍ਰੋਮ ਦੇ ਭੁਗਤਾਨ ਨੂੰ ਯੂਰੋ ਚਾਹੁਣ ਦੀਆਂ ਖ਼ਬਰਾਂ ਸਹੀ ਸਾਬਤ ਹੁੰਦੀਆਂ ਹਨ ਤਾਂ ਇਸ ਗੱਲ ਦੀ ਸਮੀਖਿਆ ਕਰਨ ਦੀ ਜ਼ਰੂਰਤ ਹੋਏਗੀ ਕਿ ਇਕਰਾਰਨਾਮੇ ਵਿੱਚ ਮੁਦਰਾ ਨੂੰ ਕਿਵੇਂ ਬਦਲਿਆ ਜਾਵੇਗਾ।

ਇਹ ਵੀ ਪੜ੍ਹੋ : ਬੀਜਿੰਗ ਨੇ ਚੀਨੀ ਕਾਰੋਬਾਰੀਆਂ ਨੂੰ ਯੂਕਰੇਨ ਸੰਕਟ ਦਰਮਿਆਨ ਰਸ਼ਿਅਨ ਮਾਰਕਿਟ ਨੂੰ ਲੈ ਕੇ ਦਿੱਤੀ ਇਹ ਸਲਾਹ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।