ਛੁੱਟੀਆਂ ਹੀ ਛੁੱਟੀਆਂ, ਜਾਣੋ ਦੀਵਾਲੀ ਅਤੇ ਛੱਠ ਪੂਜਾ ਮੌਕੇ ਕਦੋਂ ਅਤੇ ਕਿੱਥੇ ਬੰਦ ਰਹਿਣ ਵਾਲੇ ਹਨ ਬੈਂਕ

ਨਵੀਂ ਦਿੱਲੀ - ਦੀਵਾਲੀ ਦਾ ਤਿਉਹਾਰ ਭਾਰਤ ਦਾ ਸਭ ਤੋਂ ਵੱਡਾ ਤਿਉਹਾਰ ਹੈ।  ਇਸ ਦਿਨ ਦੇਸ਼ ਭਰ ਵਿਚ ਸਕੂਲ, ਦਫ਼ਤਰ ਅਤੇ ਹੋਰ ਅਦਾਰੇ ਬੰਦ ਰਹਿੰਦੇ ਹਨ। ਦੀਵਾਲੀ ਦੇ ਨਾਲ-ਨਾਲ ਛੱਠ ਦੇ ਤਿਉਹਾਰ 'ਤੇ ਕਈ ਥਾਵਾਂ 'ਤੇ ਬੈਂਕਾਂ ਨੂੰ ਛੁੱਟੀਆਂ ਵੀ ਹੁੰਦੀਆਂ ਹਨ। ਆਓ ਜਾਣਦੇ ਹਾਂ ਇਸ ਸਾਲ ਦੀਵਾਲੀ ਅਤੇ ਛਠ ਦੇ ਮੌਕੇ 'ਤੇ ਬੈਂਕ ਕਿਹੜੇ ਦਿਨ ਅਤੇ ਕਿੰਨੇ ਦਿਨਾਂ ਲਈ ਬੰਦ ਰਹਿਣਗੇ।

ਦੀਵਾਲੀ ਦੇ ਕਾਰਨ ਬੈਂਕ ਛੁੱਟੀਆਂ ਦੀਆਂ ਤਰੀਕਾਂ:

31 ਅਕਤੂਬਰ: ਦੀਵਾਲੀ, ਕਾਲੀ ਪੂਜਾ, ਸਰਦਾਰ ਵੱਲਭ ਭਾਈ ਪਟੇਲ ਜਯੰਤੀ, ਨਰਕ ਚਤੁਰਦਸ਼ੀ ਦੇ ਮੌਕੇ 'ਤੇ ਤ੍ਰਿਪੁਰਾ, ਉੱਤਰਾਖੰਡ, ਸਿੱਕਮ, ਮਹਾਰਾਸ਼ਟਰ, ਮਨੀਪੁਰ, ਮੇਘਾਲਿਆ ਅਤੇ ਜੰਮੂ-ਕਸ਼ਮੀਰ ਨੂੰ ਛੱਡ ਕੇ ਦੇਸ਼ ਭਰ ਵਿੱਚ ਬੈਂਕ ਬੰਦ ਰਹਿਣਗੇ।
1 ਨਵੰਬਰ: ਇਸ ਦਿਨ ਦੀਪਾਵਲੀ, ਕੁਟ, ਕੰਨੜ ਰਾਜ ਉਤਸਵ ਮਨਾਇਆ ਜਾਵੇਗਾ। ਤ੍ਰਿਪੁਰਾ, ਕਰਨਾਟਕ, ਉਤਰਾਖੰਡ, ਜੰਮੂ-ਕਸ਼ਮੀਰ, ਮਹਾਰਾਸ਼ਟਰ, ਮੇਘਾਲਿਆ, ਸਿੱਕਮ ਅਤੇ ਮਨੀਪੁਰ ਵਿੱਚ ਬੈਂਕ ਬੰਦ ਰਹਿਣਗੇ।
2 ਨਵੰਬਰ: ਦੀਵਾਲੀ ਦੇ ਅਗਲੇ ਦਿਨ ਬਾਲੀ ਪ੍ਰਤਿਪਦਾ, ਬਲਿ ਪਦਮੀ, ਲਕਸ਼ਮੀ ਪੂਜਾ, ਗੋਵਰਧਨ ਪੂਜਾ ਅਤੇ ਵਿਕਰਮ ਸੰਵਤ ਨਵੇਂ ਸਾਲ ਦੇ ਦਿਨ ਕਾਰਨ ਗੁਜਰਾਤ, ਉੱਤਰਾਖੰਡ, ਕਰਨਾਟਕ, ਰਾਜਸਥਾਨ, ਸਿੱਕਮ, ਯੂ.ਪੀ. ਅਤੇ ਮਹਾਰਾਸ਼ਟਰ ਵਿਚ ਬੈਂਕ ਬੰਦ ਰਹਿਣ ਵਾਲੇ ਹਨ। 

ਛਠ ਤਿਉਹਾਰ ਕਾਰਨ ਬੈਂਕਾਂ 'ਚ ਛੁੱਟੀ

7 ਨਵੰਬਰ: ਬਿਹਾਰ, ਪੱਛਮੀ ਬੰਗਾਲ ਅਤੇ ਝਾਰਖੰਡ ਵਿੱਚ ਛਠ ਪੂਜਾ (ਸ਼ਾਮ ਅਰਘਿਆ) ਦੇ ਦਿਨ ਬੈਂਕ ਬੰਦ ਰਹਿਣਗੇ।
8 ਨਵੰਬਰ: ਬਿਹਾਰ, ਝਾਰਖੰਡ ਅਤੇ ਮੇਘਾਲਿਆ ਵਿੱਚ ਛਠ ਪੂਜਾ (ਸਵੇਰ ਦੀ ਅਰਘਿਆ) ਮੌਕੇ ਬੈਂਕ ਬੰਦ ਰਹਿਣਗੇ।
ਇਸ ਤੋਂ ਇਲਾਵਾ ਦੀਵਾਲੀ ਤੋਂ ਪਹਿਲਾਂ ਮਹੀਨੇ ਦੇ ਚੌਥੇ ਸ਼ਨੀਵਾਰ 26 ਅਕਤੂਬਰ ਅਤੇ ਐਤਵਾਰ 27 ਅਕਤੂਬਰ ਨੂੰ ਵੀ ਬੈਂਕ ਛੁੱਟੀ ਰਹੇਗੀ।

ਛੁੱਟੀਆਂ ਦੀਆਂ ਸ਼੍ਰੇਣੀਆਂ: ਬੈਂਕ ਛੁੱਟੀਆਂ ਨੂੰ ਦੋ ਸ਼੍ਰੇਣੀਆਂ ਵਿੱਚ ਵੰਡਿਆ ਗਿਆ ਹੈ-ਰਾਸ਼ਟਰੀ ਛੁੱਟੀਆਂ ਅਤੇ ਰਾਜ-ਵਿਸ਼ੇਸ਼ ਛੁੱਟੀਆਂ। ਸਰਕਾਰੀ ਛੁੱਟੀ ਵਾਲੇ ਦਿਨ ਸਿਰਫ਼ ਸਬੰਧਤ ਸੂਬੇ ਦੇ ਬੈਂਕ ਹੀ ਬੰਦ ਰਹਿੰਦੇ ਹਨ।

ਇਸ ਲਈ ਦੀਵਾਲੀ ਅਤੇ ਛਠ ਤਿਉਹਾਰ 'ਤੇ ਬੈਂਕ ਨਾਲ ਸਬੰਧਤ ਕੰਮਾਂ ਦੀ ਯੋਜਨਾ ਬਣਾਉਂਦੇ ਸਮੇਂ ਇਨ੍ਹਾਂ ਛੁੱਟੀਆਂ ਨੂੰ ਧਿਆਨ ਵਿਚ ਰੱਖੋ।