HDFC ਬੈਂਕ ਨੇ ਆਪਣੇ ਖ਼ਾਤਾਧਾਰਕਾਂ ਨੂੰ ਦਿੱਤਾ ਝਟਕਾ, ਕਰਜ਼ਾ ਕੀਤਾ ਮਹਿੰਗਾ

ਨਵੀਂ ਦਿੱਲੀ - ਜੇਕਰ ਤੁਸੀਂ ਰਿਜ਼ਰਵ ਬੈਂਕ ਦੁਆਰਾ ਰੇਪੋ ਰੇਟ ਵਿੱਚ ਕਟੌਤੀ ਨੂੰ ਆਪਣੀ EMI ਨੂੰ ਘਟਾਉਣ ਦਾ ਸੰਕੇਤ ਮੰਨ ਰਹੇ ਹੋ, ਤਾਂ ਇਹ ਖਬਰ ਤੁਹਾਨੂੰ ਹੈਰਾਨ ਕਰ ਸਕਦੀ ਹੈ। ਦਰਅਸਲ ਰੇਪੋ ਰੇਟ 'ਚ ਕਟੌਤੀ ਦੇ ਬਾਵਜੂਦ ਦੇਸ਼ ਦੇ ਸਭ ਤੋਂ ਵੱਡੇ ਪ੍ਰਾਈਵੇਟ ਬੈਂਕ ਨੇ ਲੋਨ ਮਹਿੰਗਾ ਕਰ ਦਿੱਤਾ ਹੈ, ਜਿਸ ਦਾ ਸਿੱਧਾ ਅਸਰ ਤੁਹਾਡੇ ਲੋਨ ਦੀ EMI 'ਤੇ ਪਵੇਗਾ।

ਇਹ ਵੀ ਪੜ੍ਹੋ :     ਡਿਪੋਰਟ ਕੀਤੇ ਪ੍ਰਵਾਸੀ ਨਹੀਂ ਕਰ ਸਕਣਗੇ ਇਨ੍ਹਾਂ 20 ਦੇਸ਼ਾਂ ਦੀ ਯਾਤਰਾ! ਹੋ ਸਕਦੀ ਹੈ ਸਖ਼ਤ ਕਾਰਵਾਈ

ਆਰਬੀਆਈ ਦੇ ਗਵਰਨਰ ਸੰਜੇ ਮਲਹੋਤਰਾ ਨੇ ਰੈਪੋ ਰੇਟ 6.50 ਫੀਸਦੀ ਤੋਂ ਘਟਾ ਕੇ 6.25 ਫੀਸਦੀ ਕਰ ਦਿੱਤਾ ਹੈ। ਉਮੀਦ ਕੀਤੀ ਜਾ ਰਹੀ ਸੀ ਕਿ ਇਸ ਐਲਾਨ ਤੋਂ ਬਾਅਦ ਬੈਂਕ ਕਰਜ਼ੇ ਸਸਤੇ ਹੋ ਜਾਣਗੇ ਪਰ ਦੇਸ਼ ਦੇ ਸਭ ਤੋਂ ਵੱਡੇ ਨਿੱਜੀ ਬੈਂਕ ਐਚਡੀਐਫਸੀ ਬੈਂਕ ਨੇ ਇਸ ਐਲਾਨ ਤੋਂ ਬਾਅਦ ਚੁੱਪਚਾਪ ਕਰਜ਼ੇ ਮਹਿੰਗੇ ਕਰ ਦਿੱਤੇ ਹਨ।

ਇਹ ਵੀ ਪੜ੍ਹੋ :     ਸੰਜੇ ਦੱਤ ਦੇ ਨਾਂ ਅਨਜਾਣੇ ਫੈਨ ਨੇ ਕਰ ਦਿੱਤੀ 72 ਕਰੋੜ ਦੀ ਜਾਇਦਾਦ

ਬੈਂਕ ਨੇ ਵਧਾ ਦਿੱਤਾ  MCLR 

HDFC ਬੈਂਕ ਨੇ ਕੁਝ ਸਮੇਂ ਲਈ ਮਾਰਜਿਨ ਕਾਸਟ ਆਫ ਲੈਂਡਿੰਗ ਰੇਟਸ ਭਾਵ MCLR ਵਿੱਚ 5 ਅਧਾਰ ਅੰਕਾਂ ਦਾ ਵਾਧਾ ਕੀਤਾ ਹੈ। ਧਿਆਨ ਯੋਗ ਹੈ ਕਿ ਇਹ MCLR ਦਰ ਸਿਰਫ ਓਵਰਨਾਈਟ ਪੀਰੀਅਡ  'ਤੇ ਵਧੀ ਹੈ। ਪਹਿਲਾਂ 9.15 ਫੀਸਦੀ ਦੀ MCLR ਨੂੰ ਵਧਾ ਕੇ 9.20 ਫੀਸਦੀ ਕਰ ਦਿੱਤਾ ਗਿਆ ਹੈ। ਨਵੀਆਂ ਵਿਆਜ ਦਰਾਂ 7 ਫਰਵਰੀ 2025 ਤੋਂ ਲਾਗੂ ਹੋ ਗਈਆਂ ਹਨ।

ਇਹ ਵੀ ਪੜ੍ਹੋ :     ਕੱਚੇ ਤੇਲ ਦੀਆਂ ਕੀਮਤਾਂ ’ਚ ਜ਼ਬਰਦਸਤ ਗਿਰਾਵਟ; ਟਰੰਪ ਦੀ ਸ਼ਾਂਤੀ ਸਮਝੌਤੇ ਦੀ ਯੋਜਨਾ ਮੀਡੀਆ ’ਚ ਲੀਕ

ਇਹ ਨਵੇਂ MCLR ਦਰਾਂ ਹਨ

ਓਵਰਨਾਈਟ  MCLR 9.15 ਫੀਸਦੀ ਤੋਂ ਵਧ ਕੇ 9.20 ਫੀਸਦੀ ਹੋ ਗਿਆ
ਇੱਕ ਮਹੀਨਾ- MCLR 9.20 ਪ੍ਰਤੀਸ਼ਤ (ਕੋਈ ਬਦਲਾਅ ਨਹੀਂ)
ਤਿੰਨ ਮਹੀਨੇ- MCLR 9.30 ਪ੍ਰਤੀਸ਼ਤ (ਕੋਈ ਬਦਲਾਅ ਨਹੀਂ)
ਛੇ ਮਹੀਨੇ- MCLR 9.40 ਪ੍ਰਤੀਸ਼ਤ (ਕੋਈ ਬਦਲਾਅ ਨਹੀਂ)
ਇੱਕ ਸਾਲ- MCLR 9.40 ਪ੍ਰਤੀਸ਼ਤ (ਕੋਈ ਬਦਲਾਅ ਨਹੀਂ)
2 ਸਾਲਾਂ ਤੋਂ ਵੱਧ ਦੀ ਮਿਆਦ - 9.45 ਪ੍ਰਤੀਸ਼ਤ (ਕੋਈ ਬਦਲਾਅ ਨਹੀਂ)
3 ਸਾਲਾਂ ਤੋਂ ਵੱਧ ਦੀ ਮਿਆਦ - 9.50 ਪ੍ਰਤੀਸ਼ਤ (ਕੋਈ ਬਦਲਾਅ ਨਹੀਂ)

MCLR ਦਾ ਫੈਸਲਾ ਕਿਵੇਂ ਕੀਤਾ ਜਾਂਦਾ ਹੈ?

ਬੈਂਕ MCLR ਦਾ ਫੈਸਲਾ ਕਰਦੇ ਸਮੇਂ ਕਈ ਕਾਰਕਾਂ ਨੂੰ ਧਿਆਨ ਵਿੱਚ ਰੱਖਦੇ ਹਨ। ਜਿਵੇਂ ਕਿ ਡਿਪਾਜ਼ਿਟ ਰੇਟ, ਰੈਪੋ ਰੇਟ, ਸੰਚਾਲਨ ਲਾਗਤ ਅਤੇ ਨਕਦ ਰਿਜ਼ਰਵ ਅਨੁਪਾਤ, ਇਹਨਾਂ ਸਭ ਨੂੰ ਕਾਇਮ ਰੱਖਣ ਦੀ ਲਾਗਤ MCLR ਵਿੱਚ ਸ਼ਾਮਲ ਹੈ। ਜਦੋਂ ਵੀ ਰੇਪੋ ਰੇਟ 'ਚ ਬਦਲਾਅ ਹੁੰਦਾ ਹੈ ਤਾਂ ਬੈਂਕਾਂ ਦੀ MCLR ਦਰ ਵੀ ਪ੍ਰਭਾਵਿਤ ਹੁੰਦੀ ਹੈ। MCLR 'ਚ ਵਾਧੇ ਦਾ ਅਸਰ ਹੋਮ ਲੋਨ, ਆਟੋ ਲੋਨ, ਪਰਸਨਲ ਲੋਨ ਸਮੇਤ ਹਰ ਤਰ੍ਹਾਂ ਦੇ ਲੋਨ ਦੀ EMI 'ਤੇ ਨਜ਼ਰ ਆ ਰਿਹਾ ਹੈ। ਅਜਿਹੇ 'ਚ ਜੇਕਰ MCLR ਵਧਦਾ ਹੈ ਤਾਂ ਪੁਰਾਣੇ ਗਾਹਕਾਂ ਨੂੰ ਲੋਨ EMI 'ਤੇ ਜ਼ਿਆਦਾ ਪੈਸੇ ਦੇਣੇ ਪੈਂਦੇ ਹਨ, ਇਸ ਤੋਂ ਇਲਾਵਾ ਗਾਹਕਾਂ ਨੂੰ ਮਹਿੰਗੇ ਰੇਟਾਂ 'ਤੇ ਨਵਾਂ ਲੋਨ ਵੀ ਮਿਲਦਾ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8