ਵਿਦੇਸ਼ਾਂ 'ਚ ਭਾਰੀ ਮੰਗ ਦਰਮਿਆਨ ਸਪਲਾਈ ਠੱਪ, ਹਾਪੁਸ ਅੰਬ ਦੀ ਕੀਮਤ ਪਹੁੰਚੀ 10,000 ਰੁਪਏ ਪੇਟੀ

ਬਿਜ਼ਨੈੱਸ ਡੈਸਕ : ਮਹਾਰਾਸ਼ਟਰ ਦੇ ਕੋਂਕਣ ਖੇਤਰ, ਖਾਸ ਕਰਕੇ ਰਤਨਾਗਿਰੀ ਅਤੇ ਸਿੰਧੂਦੁਰਗ ਵਿੱਚ ਇਸ ਸਾਲ ਅਲਫਾਂਸੋ (ਹਾਪੁਸ) ਅੰਬ ਦੀ ਫਸਲ 'ਤੇ ਕੁਦਰਤ ਦਾ ਕਹਿਰ ਟੁੱਟਿਆ ਹੈ। ਬਦਲਦੇ ਮੌਸਮ ਅਤੇ ਬੇਮੌਸਮੇ ਮੀਂਹ ਨੇ ਕਿਸਾਨਾਂ ਦੀਆਂ ਉਮੀਦਾਂ 'ਤੇ ਪਾਣੀ ਫੇਰ ਦਿੱਤਾ ਹੈ, ਜਿਸ ਕਾਰਨ ਕਰੀਬ 80 ਫੀਸਦੀ ਫਸਲ ਬਰਬਾਦ ਹੋ ਗਈ ਹੈ। ਇਸ ਦੇ ਨਤੀਜੇ ਵਜੋਂ ਅਲਫਾਂਸੋ ਦੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਰਹੀਆਂ ਹਨ ਅਤੇ ਇੱਕ ਪੇਟੀ ਦੀ ਕੀਮਤ 5,000 ਤੋਂ 10,000 ਰੁਪਏ ਤੱਕ ਪਹੁੰਚ ਗਈ ਹੈ।

ਇਹ ਵੀ ਪੜ੍ਹੋ :   LPG ਸਿਲੰਡਰ ਬੁੱਕ ਕਰਨ ਦੇ ਨਿਯਮਾਂ 'ਚ ਫਿਰ ਹੋ ਗਿਆ ਵੱਡਾ ਬਦਲਾਅ, 24 ਘੰਟੇ ਸੇਵਾ ਹੋਈ ਬੰਦ

ਮੰਡੀਆਂ ਵਿੱਚ ਆਮਦ ਹੋਈ ਅੱਧੀ ਤੋਂ ਵੀ ਘੱਟ

ਵਾਸ਼ੀ ਏਪੀਐਮਸੀ (APMC) ਮੰਡੀ ਦੇ ਅੰਕੜਿਆਂ ਮੁਤਾਬਕ, ਇਸ ਸਾਲ ਗੁੜੀ ਪੜਵਾ ਦੇ ਤਿਉਹਾਰ 'ਤੇ ਸਿਰਫ਼ 10,000 ਬਾਕਸ ਹੀ ਮੰਡੀ ਪਹੁੰਚੇ, ਜਦੋਂ ਕਿ ਪਿਛਲੇ ਸਾਲ ਇਹ ਗਿਣਤੀ 25,000 ਸੀ। ਉਤਪਾਦਨ ਵਿੱਚ ਆਈ ਇਸ ਵੱਡੀ ਗਿਰਾਵਟ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਜਿੱਥੇ ਪਹਿਲਾਂ ਸਿੰਧੂਦੁਰਗ ਤੋਂ ਰੋਜ਼ਾਨਾ 50-60 ਟਰੱਕ ਮੁੰਬਈ ਜਾਂਦੇ ਸਨ, ਹੁਣ ਸਿਰਫ਼ 2-3 ਟਰੱਕ ਹੀ ਜਾ ਪਾ ਰਹੇ ਹਨ।

ਇਹ ਵੀ ਪੜ੍ਹੋ :   ਭਾਰਤ 'ਚ ਮਹਿੰਗਾ ਹੋ ਗਿਆ ਪੈਟਰੋਲ, ਵੱਧ ਗਏ ਰੇਟ

ਵਿਦੇਸ਼ਾਂ ਵਿੱਚ ਭਾਰੀ ਮੰਗ, ਪਰ ਸਪਲਾਈ ਠੱਪ

ਭਾਵੇਂ ਦੇਸ਼ ਵਿੱਚ ਅਲਫਾਂਸੋ ਦੀ ਕਿੱਲਤ ਹੈ, ਪਰ ਯੂਰਪ, ਅਮਰੀਕਾ ਅਤੇ ਦੁਬਈ ਦੇ ਐਕਸਪੋਰਟਰਾਂ ਵਿੱਚ ਇਸ ਦੀ ਭਾਰੀ ਮੰਗ ਬਣੀ ਹੋਈ ਹੈ। ਮੰਡੀ ਸੰਚਾਲਕਾਂ ਅਨੁਸਾਰ, ਉਤਪਾਦਨ ਘੱਟ ਹੋਣ ਕਾਰਨ ਕੀਮਤਾਂ ਵਿੱਚ ਇਹ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। ਵਰਤਮਾਨ ਵਿੱਚ, ਛੋਟੇ ਅੰਬਾਂ ਦੀ ਇੱਕ ਪੇਟੀ 5,000 ਰੁਪਏ ਅਤੇ ਵੱਡੇ ਅੰਬਾਂ ਦੀ ਪੇਟੀ 10,000 ਰੁਪਏ ਤੱਕ ਵਿਕ ਰਹੀ ਹੈ।

ਇਹ ਵੀ ਪੜ੍ਹੋ :   IOCL, BPCL ਤੇ HPCL ਨੇ ਲਿਆ ਅਹਿਮ ਫੈਸਲਾ, ਪੈਟਰੋਲ ਪੰਪਾਂ ਨੂੰ ਜਾਰੀ ਹੋ ਗਏ ਨਵੇਂ ਆਦੇਸ਼

1 ਲੱਖ ਹੈਕਟੇਅਰ ਦੇ ਬਾਗ ਪ੍ਰਭਾਵਿਤ

ਕੋਂਕਣ ਖੇਤੀਬਾੜੀ ਵਿਦਿਆਪੀਠ ਦੀ ਰਿਪੋਰਟ ਅਨੁਸਾਰ, ਇਸ ਸਾਲ ਲਗਭਗ 1 ਲੱਖ ਹੈਕਟੇਅਰ ਦੇ ਬਾਗ ਮੌਸਮ ਦੀ ਮਾਰ ਹੇਠ ਆਏ ਹਨ। ਜ਼ਿਕਰਯੋਗ ਹੈ ਕਿ ਸਾਲ 2025 ਵਿੱਚ ਕੁੱਲ 5.19 ਲੱਖ ਟਨ ਉਤਪਾਦਨ ਵਿੱਚੋਂ ਰਤਨਾਗਿਰੀ-ਸਿੰਧੂਦੁਰਗ ਦਾ ਯੋਗਦਾਨ 2,50,845 ਟਨ ਸੀ, ਜਿਸ ਵਿੱਚ ਅਲਫਾਂਸੋ ਦਾ ਹਿੱਸਾ 2,25,756 ਟਨ ਸੀ, ਪਰ ਇਸ ਵਾਰ ਸਥਿਤੀ ਬੇਹੱਦ ਚਿੰਤਾਜਨਕ ਬਣੀ ਹੋਈ ਹੈ।

ਇਹ ਵੀ ਪੜ੍ਹੋ :  22 ਰੁਪਏ ਮਹਿੰਗਾ ਹੋ ਗਿਆ Diesel, ਨਵੀਂਆਂ ਦਰਾਂ ਅੱਜ ਤੋਂ ਲਾਗੂ
ਇਹ ਵੀ ਪੜ੍ਹੋ :  ਡਿੱਗਣ ਵਾਲਾ ਹੈ ਸੋਨਾ, ਲਗਭਗ 25,000 ਰੁਪਏ ਤੱਕ ਟੁੱਟ ਸਕਦੈ ਭਾਅ, ਮਾਹਰਾਂ ਨੇ ਦਿੱਤੇ ਸੰਕੇਤ
ਇਹ ਵੀ ਪੜ੍ਹੋ :  ਕੀਮਤਾਂ 'ਚ ਵਾਧੇ ਦਰਮਿਆਨ ਇਕ ਹੋਰ ਵੱਡਾ ਝਟਕਾ! ਬਦਲ ਗਏ LPG ਗੈਸ ਸਿਲੰਡਰ ਦੇ ਬੁਕਿੰਗ ਨਿਯਮ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt