ਸੋਨਾ ਪਹਿਲੀ ਵਾਰ 44 ਹਜ਼ਾਰ ਦੇ ਪਾਰ, ਚਾਂਦੀ 830 ਰੁਪਏ ਚਮਕੀ

ਨਵੀਂ ਦਿੱਲੀ—ਕੋਰੋਨਾਵਾਇਰਸ ਦੇ ਨਵੇਂ ਮਾਮਲੇ ਆਉਣ ਦੇ ਨਾਲ ਹੀ ਇਸ ਦੇ ਦੁਨੀਆ ਦੇ ਕਈ ਹੋਰ ਦੇਸ਼ਾਂ 'ਚ ਫੈਲਣ ਦੀ ਰਿਪੋਰਟ ਨਿਵੇਸ਼ਕਾਂ ਦੇ ਕੀਮਤੀ ਧਾਤੂਆਂ 'ਚ ਸੁਰੱਖਿਅਤ ਨਿਵੇਸ਼ ਕਰਨ ਦੇ ਕਾਰਨ ਰਹੀ ਭਾਰੀ ਤੇਜ਼ੀ ਦੇ ਬਲ 'ਤੇ ਸ਼ਨੀਵਾਰ ਨੂੰ ਦਿੱਲੀ ਸਰਾਫਾ ਬਾਜ਼ਾਰ 'ਚ ਸੋਨਾ 1175 ਰੁਪਏ ਦਾ ਉਛਾਲ ਲੈ ਕੇ ਪਹਿਲੀ ਵਾਰ 44 ਹਜ਼ਾਰ ਰੁਪਏ ਦੇ ਪਾਰ 44020 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਪਹੁੰਚ ਗਿਆ। ਇਸ ਦੌਰਾਨ ਚਾਂਦੀ 830 ਰੁਪਏ 'ਤੇ ਚਮਕਦੇ ਹੋਏ 49850 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਪਹੁੰਚ ਗਈ।
ਮਹਾਸ਼ਿਵਰਾਤਰੀ ਦੇ ਕਾਰਨ ਸਥਾਨਕ ਪੱਧਰ 'ਤੇ ਸ਼ੁੱਕਰਵਾਰ ਨੂੰ ਬਾਜ਼ਾਰ ਬੰਦ ਰਿਹਾ ਸੀ। ਹਾਲਾਂਕਿ ਸੰਸਾਰਕ ਪੱਧਰ 'ਤੇ ਪਿਛਲੇ ਸੈਸ਼ਨ 'ਚ ਵੀ ਕੀਮਤੀ ਧਾਤੂਆਂ 'ਚ ਤੇਜ਼ੀ ਰਹੀ ਸੀ ਅਤੇ ਹਫਤਾਵਾਰ 'ਤੇ ਇਸ 'ਚ ਜ਼ਿਆਦਾ ਵਾਧਾ ਦਰਜ ਕੀਤਾ ਗਿਆ। ਲੰਡਨ ਅਤੇ ਨਿਊਯਾਰਕ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਸੋਨਾ ਹਾਜ਼ਿਰ ਹਫਤਾਵਾਰ 'ਤੇ 10 ਡਾਲਰ ਚੜ੍ਹ ਕੇ 1643.40 ਡਾਲਰ ਪ੍ਰਤੀ ਔਂਸ 'ਤੇ ਰਿਹਾ। ਇਸ ਦੌਰਾਨ ਅਪ੍ਰੈਲ ਦਾ ਅਮਰੀਕੀ ਸੋਨਾ ਵਾਇਦਾ 25.80 ਡਾਲਰ ਵਧ ਕੇ 1642.40 ਡਾਲਰ ਪ੍ਰਤੀ ਔਂਸ ਬੋਲਿਆ ਗਿਆ।