ਸਰਦੀ-ਖਾਂਸੀ ਤੋਂ ਪਹਿਲਾਂ ਕਰਵਾਓ ਬੀਮਾ, ਨਹੀਂ ਤਾਂ ਹੋ ਜਾਵੇਗੀ ਪਰੇਸ਼ਾਨੀ

ਨਵੀਂ ਦਿੱਲੀ — ਕੋਰੋਨਾ ਮਹਾਮਾਰੀ ਦਰਮਿਆਨ ਲੋਕਾਂ ਵਿਚ ਬੀਮਾ ਖਰੀਦਣ ਦਾ ਰੁਝਾਨ ਵਧਿਆ ਹੈ। ਹੁਣ ਉਹ ਲੋਕ ਜਿਨ੍ਹਾਂ ਨੇ ਪਹਿਲਾਂ ਕਦੇ ਬੀਮਾ ਨਹੀਂ ਲਿਆ ਸੀ, ਉਹ ਵੀ ਬੀਮਾ ਖਰੀਦਣ ਵਿਚ ਦਿਲਚਸਪੀ ਦਿਖਾ ਰਹੇ ਹਨ। ਪਰ ਜੇ ਤੁਹਾਡੇ ਵਿਚ ਕੋਵਿਡ-19 ਦਾ ਕੋਈ ਲੱਛਣ ਹਨ ਅਤੇ ਤੁਸੀਂ ਜੀਵਨ ਬੀਮਾ ਖ਼ਾਸਕਰ ਟਰਮ ਬੀਮਾ ਖਰੀਦਣ ਜਾ ਰਹੇ ਹੋ, ਤਾਂ ਤੁਹਾਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। 

ਇਹ ਵੀ ਦੇਖੋ : 21 ਹਜ਼ਾਰ ਤੋਂ ਘੱਟ ਤਨਖ਼ਾਹ ਲੈਣ ਵਾਲਿਆਂ ਲਈ ਖੁਸ਼ਖ਼ਬਰੀ, ਮਿਲਣਗੇ ਮਹੱਤਵਪੂਰਨ ਲਾਭ

ਪਹਿਲਾਂ ਕਰਨਾ ਹੋਵੇਗਾ ਖੁਲਾਸਾ

ਜੀਵਨ ਬੀਮਾ ਕੰਪਨੀਆਂ ਮੁਤਾਬਕ ਬੀਮਾ ਕਰਤਾ, ਗਾਹਕਾਂ ਨੂੰ ਬੀਮਾ ਪਾਲਿਸੀ ਦੇਣ ਤੋਂ ਪਹਿਲਾਂ ਕੋਵਿਡ -19 ਨਾਲ ਸਬੰਧਤ ਜਾਣਕਾਰੀ ਦਾ ਖੁਲਾਸਾ ਕਰਨ ਲਈ ਕਹਿ ਰਹੇ ਹਨ। ਅਜਿਹੀ ਸਥਿਤੀ ਵਿਚ ਜੇ ਕਿਸੇ ਗਾਹਕ 'ਚ ਕੋਵਿਡ-19 ਦੇ ਲੱਛਣ ਹਨ ਅਤੇ ਉਹ ਬੀਮਾ ਖਰੀਦਣ ਜਾ ਰਹੇ ਹਨ, ਤਾਂ ਉਨ੍ਹਾਂ ਨੂੰ ਜੀਵਨ ਬੀਮਾ ਪਾਲਸੀ ਦੇਣ ਤੋਂ ਇਨਕਾਰ ਕੀਤਾ ਜਾ ਸਕਦਾ ਹੈ। ਮਹਾਮਾਰੀ ਦੇ ਇਸ ਸਮੇਂ ਜਦੋਂ ਸਮਾਜਕ ਦੂਰੀ ਇਕ ਨਵਾਂ ਨਿਯਮ ਬਣ ਗਈ ਹੈ, ਬੀਮਾ ਕੰਪਨੀਆਂ ਹੁਣ ਆਪਣੇ ਉਤਪਾਦ ਵੇਚਣ ਵਿਚ ਬਹੁਤ ਸਾਵਧਾਨੀ ਵਰਤ ਰਹੀਆਂ ਹਨ।

ਇਸ ਕਿਸਮ ਦੇ ਪੁੱਛੇ ਜਾ ਰਹੇ ਹਨ ਪ੍ਰਸ਼ਨ

1. ਜੇ ਤੁਸੀਂ ਜੀਵਨ ਬੀਮਾ ਖਰੀਦਣ ਜਾਂਦੇ ਹੋ, ਤਾਂ ਉਹ ਤੁਹਾਨੂੰ ਬਹੁਤ ਸਾਰੇ ਪ੍ਰਸ਼ਨ ਪੁੱਛਦੇ ਹਨ ਜਿਨ੍ਹਾਂ ਵਿਚੋਂ ਇਕ ਇਹ ਹੈ, 'ਕੀ ਤੁਹਾਨੂੰ ਜਾਂ ਤੁਹਾਡੇ ਪਰਿਵਾਰ ਦੇ ਕਿਸੇ ਮੈਂਬਰ ਨੂੰ ਕੋਰੋਨਾ ਟੈਸਟ ਕਰਵਾਉਣ ਦੀ ਸਲਾਹ ਦਿੱਤੀ ਗਈ ਹੈ ਜਾਂ ਪਹਿਲਾਂ ਹੀ ਕੋਰੋਨਾ ਸਕਾਰਾਤਮਕ ਹੈ ਜਾਂ ਟੈਸਟ ਕੀਤਾ ਗਿਆ ਹੈ ਜਾਂ ਨਤੀਜੇ ਦੀ ਉਡੀਕ ਕਰ ਰਹੇ ਹੋ?

2. ਕੰਪਨੀ ਇਕ ਹੋਰ ਸਵਾਲ ਪੁੱਛਦੀ ਹੈ, 'ਜਨਤਕ ਸਿਹਤ ਦੇ ਹਿੱਤਾਂ ਨੂੰ ਧਿਆਨ ਵਿਚ ਰੱਖਦਿਆਂ ਸਰਕਾਰੀ ਸਿਹਤ ਅਧਿਕਾਰੀਆਂ ਜਾਂ ਏਅਰਪੋਰਟ ਅਧਿਕਾਰੀਆਂ ਵਲੋਂ ਜਾਰੀ ਕੀਤੇ ਗਏ ਆਦੇਸ਼ਾਂ ਸਮੇਤ ਵਿਅਕਤੀਗਤ,  ਮੈਡੀਕਲ ਜਾਂ ਕਿਸੇ ਹੋਰ ਕਾਰਨਾਂ ਕਰਕੇ ਤੁਹਾਨੂੰ ਸੈਲਫ-ਆਈਸੋਲੇਟ ਰਹਿਣ ਦੀ ਸਲਾਹ ਦਿੱਤੀ ਗਈ ਸੀ।'

ਇਹ ਵੀ ਦੇਖੋ : RBI ਨੇ ਇਕ ਹੋਰ ਬੈਂਕ 'ਤੇ ਲਗਾਈਆਂ ਪਾਬੰਦੀਆਂ, ਇੰਨੇ ਮਹੀਨੇ ਨਹੀਂ ਹੋ ਸਕੇਗਾ ਕੋਈ ਲੈਣ-ਦੇਣ