ਮੋਬਾਈਲ ਤੋਂ ਲੈ ਕੇ TV ਤੱਕ, ਆਖਰੀ ਦਿਨਾਂ ਦੀ ਖਰੀਦਦਾਰੀ ਵਧਾ ਦਿੰਦੀ ਹੈ ਦੀਵਾਲੀ ਦੀ ਚਮਕ

ਨਵੀਂ ਦਿੱਲੀ - ਦੀਵਾਲੀ ਖਪਤਕਾਰਾਂ ਦੀਆਂ ਭਾਵਨਾਵਾਂ ਦਾ ਲਿਟਮਸ ਟੈਸਟ ਹੈ, ਪਰ ਇਸ ਵਾਰ ਉਦਯੋਗ ਕੋਈ ਵੀ ਫੈਸਲਾ ਦੇਣ ਤੋਂ ਪਹਿਲਾਂ 'ਆਖਰੀ ਸਮੇਂ' ਦੇ ਖਰੀਦਦਾਰੀ ਰੁਝਾਨਾਂ ਦੇ ਸਾਹਮਣੇ ਆਉਣ ਦੀ ਉਡੀਕ ਕਰ ਰਿਹਾ ਹੈ।

ਇਹ ਵੀ ਪੜ੍ਹੋ :     ਧਨਤੇਰਸ ਅਤੇ ਦੀਵਾਲੀ ਮੌਕੇ ਖ਼ਰੀਦਣਾ ਚਾਹੁੰਦੇ ਹੋ ਸੋਨਾ, ਤਾਂ ਜਾਣੋ ਕਿੰਨਾ ਦੇਣਾ ਪਵੇਗਾ Tax?

ਕੁਝ ਪ੍ਰਮੁੱਖ ਫਾਸਟ ਮੂਵਿੰਗ ਕੰਜ਼ਿਊਮਰ ਗੁਡਜ਼ (FMCG) ਕੰਪਨੀਆਂ ਦੇ ਸਤੰਬਰ ਤਿਮਾਹੀ ਦੇ ਵਿੱਤੀ ਨਤੀਜਿਆਂ ਵਿੱਚ ਦੇਖੇ ਗਏ ਕਮਜ਼ੋਰ ਪ੍ਰਦਰਸ਼ਨ ਨੇ ਦੀਵਾਲੀ ਤੋਂ ਪਹਿਲਾਂ ਦੇ ਹਫਤੇ ਦੇ ਅੰਤ ਤੱਕ ਖਰੀਦਦਾਰੀ ਵਿਚ ਜੋਸ਼ ਨਹੀਂ ਭਰਿਆ ਹੈ। ਹੁਣ ਇਸ ਸਾਲ ਦੇ ਆਖ਼ਰੀ ਤਿਉਹਾਰੀ ਦਿਨਾਂ ਦੀ ਖਰੀਦਦਾਰੀ ਵੱਲ ਸਭ ਦੀਆਂ ਨਜ਼ਰਾਂ ਹਨ ਕਿਉਂਕਿ ਕੁਝ ਪ੍ਰਚੂਨ ਵਿਕਰੇਤਾ ਦੀਵਾਲੀ ਤੋਂ ਬਾਅਦ ਵੀਕੈਂਡ 'ਤੇ ਵਿਕਰੀ ਦੇ ਸਿਖਰ 'ਤੇ ਹੋਣ ਦੀ ਉਮੀਦ ਕਰਦੇ ਹਨ।  

ਦੇਸ਼ ਭਰ ਵਿੱਚ ਮੌਜੂਦ ਸਟੋਰਾਂ ਦੀ ਪ੍ਰਮੁੱਖ ਇਲੈਕਟ੍ਰੋਨਿਕਸ ਉਤਪਾਦਾਂ ਦੀ ਲੜੀ ਦੇ ਕਾਰੋਬਾਰੀ ਨੇ ਦੱਸਿਆ ਕਿ ਪਿਛਲੇ ਹਫਤੇ ਦੇ ਅੰਤ ਤੋਂ ਬਾਜ਼ਾਰਾਂ ਵਿੱਚ ਗਾਹਕਾਂ ਦੀ ਗਿਣਤੀ ਵਿੱਚ ਵਾਧਾ ਹੋਇਆ ਹੈ ਅਤੇ ਮੋਬਾਈਲ ਫੋਨ ਅਤੇ ਵੱਡੀ ਸਕਰੀਨ ਵਾਲੇ ਟੀਵੀ ਨੇ ਖਾਸ ਤੌਰ 'ਤੇ ਉਪਭੋਗਤਾਵਾਂ ਦਾ ਧਿਆਨ ਖਿੱਚਿਆ ਹੈ।

ਇਹ ਵੀ ਪੜ੍ਹੋ :     Video ਲਾਈਕ ਕਰਦੇ ਹੀ ਵਿਅਕਤੀ ਦੇ ਖ਼ਾਤੇ 'ਚੋਂ ਉੱਡੇ 56 ਲੱਖ ਰੁਪਏ, ਜਾਣੋ ਕੀ ਹੈ ਮਾਮਲਾ
 
ਉਨ੍ਹਾਂ ਕਿਹਾ, "ਆਉਣ ਵਾਲੇ ਕੁਝ ਦਿਨ ਮਹੱਤਵਪੂਰਨ ਹੋਣਗੇ, ਸਾਨੂੰ ਇਸ ਦੀਵਾਲੀ 'ਤੇ 7-9 ਫੀਸਦੀ ਦੇ ਵਾਧੇ ਦੀ ਉਮੀਦ ਹੈ।" ਪਿਛਲੀ ਦੀਵਾਲੀ 'ਤੇ ਸਾਲ-ਦਰ-ਸਾਲ ਵਾਧੇ ਦਾ ਅਨੁਮਾਨ ਲਗਭਗ 10 ਫੀਸਦੀ ਸੀ। ਦੇਸ਼ ਦੇ ਕਈ ਹਿੱਸਿਆਂ 'ਚ ਭਾਰੀ ਬਾਰਿਸ਼ ਤੋਂ ਇਲਾਵਾ ਸਮੁੱਚੀ ਖਪਤ 'ਚ ਗਿਰਾਵਟ ਕਾਰਨ ਤਿਉਹਾਰੀ ਸੀਜ਼ਨ ਦੀ ਸ਼ੁਰੂਆਤ 'ਤੇ ਮੰਗ ਨਹੀਂ ਵਧ ਸਕੀ। 
 
ਇਕ ਹੋਰ ਕਾਰੋਬਾਰੀ ਨੇ ਦੱਸਿਆ ਕਿ ਨਵਰਾਤਰੀ ਤੋਂ ਪਹਿਲਾਂ ਮੰਦੀ ਸੀ, ਪਰ ਉਦੋਂ ਤੋਂ ਵਿਕਰੀ ਵਿੱਚ ਤੇਜ਼ੀ ਆਈ ਹੈ ਅਤੇ ਸਾਨੂੰ ਉਮੀਦ ਹੈ ਕਿ ਇਹ ਰੁਝਾਨ ਦੀਵਾਲੀ ਤੱਕ ਜਾਰੀ ਰਹੇਗਾ, ਅਸੀਂ ਸਾਲ-ਦਰ-ਸਾਲ 15-20 ਫੀਸਦੀ ਦਾ ਵਾਧਾ ਦੇਖਿਆ ਹੈ। ਫੈਸ਼ਨ ਅਤੇ ਜੀਵਨਸ਼ੈਲੀ ਪ੍ਰਚੂਨ ਖੇਤਰ ਵਿੱਚ ਕਾਰੋਬਾਰ ਵੀਕਐਂਡ ਵਿੱਚ ਬਹੁਤ ਵਧੀਆ ਨਹੀਂ ਰਿਹਾ, ਪਰ ਦੀਵਾਲੀ ਤੋਂ ਕੁਝ ਦਿਨ ਪਹਿਲਾਂ ਇਸ ਨੇ ਹਫ਼ਤੇ ਦੌਰਾਨ ਤੇਜ਼ੀ ਫੜੀ।

ਇਹ ਵੀ ਪੜ੍ਹੋ :     ਆਖ਼ਰ ਕੌਣ ਖ਼ਰੀਦ ਰਿਹੈ ਇੰਨਾ Gold, ਇਸ ਸਾਲ 35 ਵਾਰ ਤੋੜੇ ਸੋਨੇ ਨੇ ਰਿਕਾਰਡ
 
ਇਹ ਹੋਰ ਬਾਜ਼ਾਰ ਮਾਹਰ ਨੇ ਕਿਹਾ  ਕਿ ਪਿਛਲੇ ਦੋ ਦਿਨਾਂ ਵਿੱਚ ਵਿਕਰੀ ਵੀਕੈਂਡ ਨਾਲੋਂ ਬਿਹਤਰ ਰਹੀ ਹੈ ਅਤੇ ਸਿੰਗਲ ਡਿਜਿਟ ਵਿੱਚ ਰਹੀ ਹੈ। ਅਸੀਂ ਇੰਤਜ਼ਾਰ ਕਰ ਰਹੇ ਹਾਂ ਅਤੇ ਦੇਖ ਰਹੇ ਹਾਂ ਕਿ ਦੀਵਾਲੀ ਤੋਂ ਬਾਅਦ ਵੀ ਸਥਿਤੀ ਕਿਵੇਂ ਚੱਲਦੀ ਹੈ, ਕਿਉਂਕਿ ਵਿਆਹਾਂ ਦਾ ਮੌਸਮ" ਆ ਰਿਹਾ ਹੈ।

ਰਿਟੇਲਰਜ਼ ਐਸੋਸੀਏਸ਼ਨ ਆਫ ਇੰਡੀਆ ਦਾ ਰੁਖ ਹੋਰ ਵੀ ਸਕਾਰਾਤਮਕ ਹੈ। ਇਸ ਦੇ ਸੀਈਓ ਕੁਮਾਰ ਰਾਜਗੋਪਾਲਨ ਨੇ ਕਿਹਾ: "ਜ਼ਿਆਦਾਤਰ ਪ੍ਰਚੂਨ ਵਿਕਰੇਤਾ ਪਿਛਲੇ ਸਾਲ ਦੀਵਾਲੀ ਦੇ ਮੁਕਾਬਲੇ ਦੋ ਅੰਕਾਂ ਵਿੱਚ ਵਾਧਾ ਦੇਖ ਰਹੇ ਹਨ।"

ਛੋਟੇ ਕਾਰੋਬਾਰੀਆਂ ਦੀ ਵਿਕਰੀ 'ਚ ਵੀ ਕਾਫੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਤਾਮਿਲਨਾਡੂ ਵਾਨੀਗਰ ਸੰਗਾਗਲਿਨ ਪੇਰਵਈ (ਫੈਡਰੇਸ਼ਨ ਆਫ ਟਰੇਡਰਜ਼) ਦੀ ਅਗਵਾਈ ਕਰਨ ਵਾਲੇ ਸੁੰਦਰਰਾਜਨ ਐਸ ਨੇ ਕਿਹਾ, "ਅਸੀਂ ਤਿਉਹਾਰਾਂ ਦੌਰਾਨ ਕੁਝ ਉਤਸ਼ਾਹ ਦੇਖ ਰਹੇ ਹਾਂ, ਪਰ ਸਥਿਤੀ ਮਹਾਂਮਾਰੀ ਤੋਂ ਪਹਿਲਾਂ ਵਰਗੀ ਨਹੀਂ ਹੈ, ਪਟਾਕੇ ਉਦਯੋਗ ਨੂੰ ਛੱਡ ਕੇ, ਬਾਕੀ ਸਾਰੇ ਉਦਯੋਗ ਸੰਘਰਸ਼ ਕਰ ਰਹੇ ਹਨ।" 

ਇਹ ਵੀ ਪੜ੍ਹੋ :     Bank Holidays in November : ਤਿਉਹਾਰਾਂ ਅਤੇ ਜਨਤਕ ਛੁੱਟੀਆਂ ਕਾਰਨ ਨਵੰਬਰ 'ਚ ਬੈਂਕ ਛੁੱਟੀਆਂ ਦੀ ਭਰਮਾਰ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8