10 ਬਿਲੀਅਨ ਡਾਲਰ ਦੇ IPO ਤੋਂ ਪਹਿਲਾਂ 22 ਹਜ਼ਾਰ ਕਰੋੜ ਇਕੱਠੇ ਕਰਨ ਦੀ ਤਿਆਰੀ 'ਚ Flipkart!

ਨਵੀਂ ਦਿੱਲੀ - ਵਿਸ਼ਵ ਦੀ ਸਭ ਤੋਂ ਵੱਡੀ ਪ੍ਰਚੂਨ ਕੰਪਨੀ ਵਾਲਮਾਰਟ ਦੀ ਮਾਲਕੀਅਤ ਵਾਲੀ ਈ-ਕਾਮਰਸ ਕੰਪਨੀ ਫਲਿੱਪਕਾਰਟ ਇਸ ਸਾਲ ਦੇ ਅੰਤ ਤੱਕ ਅਮਰੀਕਾ ਵਿੱਚ ਸੂਚੀਬੱਧ ਹੋਣ ਦੀ ਤਿਆਰੀ ਕਰ ਰਹੀ ਹੈ। ਇਸਦੇ ਲਈ ਕੰਪਨੀ ਅਮਰੀਕਾ ਵਿਚ ਇੱਕ IPO ਲਾਂਚ ਕਰੇਗੀ ਅਤੇ ਇਸ ਜਨਤਕ ਮੁੱਦੇ(Public Issue) ਦੁਆਰਾ 10 ਬਿਲੀਅਨ ਡਾਲਰ ਯਾਨੀ 73,000 ਕਰੋੜ ਰੁਪਏ ਇਕੱਠੇ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇਸ ਦੇ ਜ਼ਰੀਏ ਕੰਪਨੀ ਆਪਣਾ ਮੁਲਾਂਕਣ 50 ਬਿਲੀਅਨ ਡਾਲਰ ਯਾਨੀ 3.66 ਲੱਖ ਕਰੋੜ ਰੁਪਏ ਤੱਕ ਵਧਾਉਣਾ ਚਾਹੁੰਦੀ ਹੈ। ਪਰ ਖ਼ਬਰਾਂ ਆ ਰਹੀਆਂ ਹਨ ਕਿ ਇਸਦੇ ਆਈਪੀਓ ਤੋਂ ਪਹਿਲਾਂ ਫਲਿੱਪਕਾਰਟ 3 ਬਿਲੀਅਨ ਡਾਲਰ ਯਾਨੀ 22,000 ਕਰੋੜ ਰੁਪਏ ਦੇ ਫੰਡ ਇਕੱਠੇ ਕਰਨ ਦੀ ਤਿਆਰੀ ਕਰ ਰਹੀ ਹੈ।

ਇਹ ਵੀ ਪੜ੍ਹੋ : ਵਿਜੇ ਮਾਲਿਆ ਨੂੰ ਵੱਡਾ ਝਟਕਾ, ਅਦਾਲਤ ਨੇ ਬੈਂਕਾਂ ਨੂੰ ਉਸਦੀ ਜਾਇਦਾਦ ਵੇਚਣ ਦੀ ਦਿੱਤੀ ਆਗਿਆ

ਫਲਿੱਪਕਾਰਟ ਜਾਪਾਨੀ ਨਿਵੇਸ਼ ਕੰਪਨੀ ਸਾਫਟਬੈਂਕ ਨਾਲ 3 ਅਰਬ ਡਾਲਰ ਦੇ ਫੰਡ ਇਕੱਠੇ ਕਰਨ ਲਈ ਗੱਲਬਾਤ ਕਰ ਰਹੀ ਹੈ। ਸਾਫਟਬੈਂਕ ਤੋਂ ਇਲਾਵਾ ਕੰਪਨੀ ਕਨਾਡਾ ਪੈਨਸ਼ਨ ਪਲਾਨ ਇਨਵੈਸਟਮੈਂਟ ਬੋਰਡ (ਸੀ.ਪੀ.ਪੀ.ਆਈ.ਬੀ.), ਅਬੂ ਧਾਬੀ ਅਧਾਰਤ ਕੰਪਨੀ ADQ ਨਾਲ ਵੀ ਗੱਲਬਾਤ ਕਰ ਰਹੀ ਹੈ। ਇਸ ਤੋਂ ਇਲਾਵਾ ਕੰਪਨੀ ਦੇ ਮੌਜੂਦਾ ਨਿਵੇਸ਼ਕ ਕਤਰ ਇਨਵੈਸਟਮੈਂਟ ਅਥਾਰਟੀ ਅਤੇ ਜੀ.ਆਈ.ਸੀ. ਵੀ ਇਨ੍ਹਾਂ ਫੰਡਰੇਜਿੰਗ ਵਿਚ ਸ਼ਾਮਲ ਹੋ ਸਕਦੇ ਹਨ। ਇਸ ਫੰਡਰੇਜਿੰਗ ਦੇ ਬਾਅਦ ਫਲਿੱਪਕਾਰਟ ਦਾ ਮੁੱਲ 30 ਤੋਂ 35 ਅਰਬ ਡਾਲਰ ਦੇ ਨੇੜੇ ਹੋ ਸਕਦਾ ਹੈ। ਇਸ ਫੰਡਰੇਸਿੰਗ ਵਿਚ ਸਾਫਟਬੈਂਕ ਫਲਿੱਪਕਾਰਟ ਵਿੱਚ 500 ਮਿਲੀਅਨ ਡਾਲਰ ਦਾ ਨਿਵੇਸ਼ ਕਰਨਾ ਚਾਹੁੰਦਾ ਹੈ।

ਇਹ ਵੀ ਪੜ੍ਹੋ : SBI ਦੇ ਖ਼ਾਤਾਧਾਰਕਾਂ ਲਈ ਅਹਿਮ ਖ਼ਬਰ: 1 ਜੁਲਾਈ ਤੋਂ ਸਰਵਿਸ ਚਾਰਜ 'ਚ ਹੋਣਗੇ ਬਦਲਾਅ

ਹੁਣ ਤੱਕ ਸਾਫਟਬੈਂਕ ਨੇ ਫਲਿੱਪਕਾਰਟ ਵਿਚ 2.5 ਬਿਲੀਅਨ ਡਾਲਰ ਦਾ ਨਿਵੇਸ਼ ਕੀਤਾ

ਸਾਫਟਬੈਂਕ ਨੇ ਸਾਲ 2018 ਤੋਂ ਲੈ ਕੇ ਹੁਣ ਤੱਕ ਫਲਿੱਪਕਾਰਟ ਵਿਚ 2.5 ਬਿਲੀਅਨ ਡਾਲਰ ਦਾ ਨਿਵੇਸ਼ ਕੀਤਾ ਹੈ। ADQ ਇਸ ਫੰਡਰੇਜਿੰਗ ਵਿਚ 500 ਮਿਲੀਅਨ ਡਾਲਰ ਦਾ ਨਿਵੇਸ਼ ਕਰਨ ਦੀ ਗੱਲ ਕਰ ਰਿਹਾ ਹੈ ਅਤੇ CPPIB ਕੰਪਨੀ ਵਿਚ 800 ਮਿਲੀਅਨ ਡਾਲਰ ਦਾ ਨਿਵੇਸ਼ ਕਰਨ ਲਈ ਗੱਲਬਾਤ ਕਰ ਰਹੀ ਹੈ। ਇਨ੍ਹਾਂ ਤੋਂ ਇਲਾਵਾ ਜੀ.ਆਈ.ਸੀ. ਅਤੇ ਕਤਰ ਨਿਵੇਸ਼ ਅਥਾਰਟੀ 1 ਬਿਲੀਅਨ ਦਾ ਨਿਵੇਸ਼ ਕਰ ਸਕਦੀ ਹੈ।

ਇਹ ਵੀ ਪੜ੍ਹੋ : 'ਏਅਰ ਲਾਈਨਜ਼ ਕੰਪਨੀਆਂ ਨੂੰ ਵਿੱਤੀ ਸਾਲ 2022 ਵਿਚ ਪੈ ਸਕਦੈ 31,000 ਕਰੋੜ ਦਾ ਘਾਟਾ'

ਫਲਿੱਪਕਾਰਟ ਵਿਚ ਵਾਲਮਾਰਟ ਦੀ 77.8% ਹਿੱਸੇਦਾਰੀ

ਫਲਿੱਪਕਾਰਟ ਵਿਚ ਵਾਲਮਾਰਟ ਦੀ 77.8% ਹਿੱਸੇਦਾਰੀ ਹੈ ਜਦੋਂਕਿ ਚੀਨੀ ਕੰਪਨੀ ਟੇਨਸੈਂਟ ਦੀ 5% ਹਿੱਸੇਦਾਰੀ, QIA 1.5%, ਟਾਈਗਰ ਗਲੋਬਲ 4.5%, ਕੰਪਨੀ ਦੇ ਸਹਿ-ਸੰਸਥਾਪਕ ਬਿੰਨੀ ਬਸਾਲ ਦੀ 3.3%, ਈਸਾਪ ਪੂਲ ਦੀ 5.1% ਅਤੇ ਹੋਰ ਕੰਪਨੀਆਂ ਦੀ 2.8% ਹਿੱਸੇਦਾਰੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਲਿੱਪਕਾਰਟ 80 ਤੋਂ ਵਧੇਰੇ ਸ਼੍ਰੇਣੀਆਂ ਵਿੱਚ 15 ਮਿਲੀਅਨ ਉਤਪਾਦਾਂ ਦੀ ਪੇਸ਼ਕਸ਼ ਕਰਦਾ ਹੈ। ਕੰਪਨੀ ਦਾ ਰਜਿਸਟਰਡ ਗਾਹਕ ਅਧਾਰ 30 ਕਰੋੜ ਹੈ।

ਇਹ ਵੀ ਪੜ੍ਹੋ : RBI ਦੀ ਆਮ ਲੋਕਾਂ ਨੂੰ ਵੱਡੀ ਰਾਹਤ : ਹੁਣ ਬੈਂਕਾਂ ਦੀ ਛੁੱਟੀ ਕਾਰਨ ਤਨਖ਼ਾਹ ਮਿਲਣ 'ਚ ਨਹੀਂ ਹੋਵੇਗੀ ਦੇਰ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।