2000 ਦੇ ਨੋਟਾਂ ਦੀ ਗਿਣਤੀ 'ਚ ਆਈ ਭਾਰੀ ਗਿਰਾਵਟ, ਸਰਕਾਰ ਨੇ ਸੰਸਦ 'ਚ ਦੱਸੀ ਇਹ ਵਜ੍ਹਾ
Wednesday, Dec 08, 2021 - 02:44 PM (IST)
ਨਵੀਂ ਦਿੱਲੀ- ਇਸ ਸਾਲ ਨਵੰਬਰ 'ਚ ਬਾਜ਼ਾਰ ਪ੍ਰਚਲਨ ਵਾਲੇ 2,000 ਰੁਪਏ ਦੇ ਨੋਟਾਂ ਦੀ ਗਿਣਤੀ ਘੱਟ ਕੇ 223.3 ਕਰੋੜ ਨੋਟ ਜਾਂ ਕੁੱਲ ਨੋਟਾਂ (ਐੱਨ.ਆਈ.ਸੀ) ਦਾ 1.75 ਫੀਸਦੀ ਰਹਿ ਗਈ, ਜਦਕਿ ਇਹ ਗਿਣਤੀ ਮਾਰਚ 2018 'ਚ 336.3 ਕਰੋੜ ਸੀ। ਵਿੱਤ ਮੰਤਰਾਲੇ 'ਚ ਸੂਬਾ ਮੰਤਰੀ ਪੰਕਜ ਚੌਧਰੀ ਨੇ ਰਾਜ ਸਭਾ 'ਚ ਇਕ ਪ੍ਰਸ਼ਨ ਦੇ ਲਿਖਿਤ ਉੱਤਰ 'ਚ ਕਿਹਾ ਕਿ ਵਿਸ਼ੇਸ਼ ਮੁੱਲ ਵਰਗ ਦੇ ਬੈਂਕ ਨੋਟਾਂ ਦੀ ਛਪਾਈ ਦਾ ਫ਼ੈਸਲਾ ਸਰਕਾਰ ਵਲੋਂ ਰਿਜ਼ਰਵ ਬੈਂਕ ਦੇ ਵਿਚਾਰ-ਵਟਾਂਦਰੇ ਨਾਲ ਜਨਤਾ ਦੇ ਲੈਣ-ਦੇਣ ਸਬੰਧੀ ਮੰਗ ਨੂੰ ਸੁਵਿਧਾਜਨਕ ਬਣਾਉਣ ਦੇ ਲਈ ਲੋੜੀਂਦੀ ਸੰਪਰਦਾ ਦੇ ਨੋਟਾਂ ਦੀ ਉਪਲੱਬਧਾ ਬਣਾਏ ਰੱਖਣ ਲਈ ਕੀਤੀ ਜਾਂਦੀ ਹੈ।
ਉਨ੍ਹਾਂ ਕਿਹਾ ਕਿ 31 ਮਾਰਚ, 2018 ਨੂੰ 2,000 ਰੁਪਏ ਮੁੱਲ ਵਰਗ ਦੇ 336.3 ਕਰੋੜ ਨੋਟ (MPC) ਸੰਚਾਲਨ 'ਚ ਸਨ ਜੋ ਮਾਤਰਾ ਅਤੇ ਮੁੱਲ ਦੇ ਮਾਮਲੇ 'ਚ ਐੱਨ.ਆਈ.ਸੀ. ਦਾ ਲੜੀਵਾਰ: 3.27 ਫ਼ੀਸਦੀ ਅਤੇ 37.26 ਫ਼ੀਸਦੀ ਹੈ।
ਇਸ ਦੇ ਮੁਕਾਬਲੇ 26 ਨਵੰਬਰ 2021 ਨੂੰ 2,223 ਐੱਨ.ਪੀ.ਸੀ. ਪ੍ਰਚਾਲਨ 'ਚ ਸਨ ਜੋ ਮਾਤਰਾ ਅਤੇ ਮੁੱਲ ਦੇ ਸੰਦਰਭ 'ਚ ਐੱਨ.ਆਈ.ਸੀ. ਦਾ ਲੜੀਵਾਰ: 1.75 ਫ਼ੀਸਦੀ ਅਤੇ 15.11 ਫ਼ੀਸਦੀ ਹੈ। ਚੌਧਰੀ ਨੇ ਅੱਗੇ ਕਿਹਾ ਕਿ ਸਾਲ 2018-19 ਤੋਂ ਨੋਟ ਲਈ ਕਰੰਸੀ ਪ੍ਰਿਟਿੰਗ ਪ੍ਰੈੱਸ ਦੇ ਕੋਲ ਕੋਈ ਨਵਾਂ ਮੰਗ ਪੱਤਰ ਨਹੀਂ ਰੱਖਿਆ ਗਿਆ ਹੈ। ਇਸ ਤੋਂ ਇਲਾਵਾ ਨੋਟ ਵੀ ਖਰਾਬ ਹੋ ਜਾਂਦੇ ਹਨ ਕਿਉਂਕਿ ਉਹ ਗੰਦੇ ਅਤੇ ਫੱਟ ਜਾਂਦੇ ਹਨ।
